ਗੁਜ਼ਰਿਆ ਵਕਤ ਗੁੰਧਾਵਣ ਧੜੀਆਂ

گزریا وقت گوندھاوݨ دھڑیاں۔وسریا ہار سنگار اساہاں۔

روگ کروپ کشالے ہر دم۔دردوں نالا زار اساہاں۔

سرما پاوݨ سرخی لاوݨ۔بینسر بول تے مانگھ بݨاوݨ۔

سہجوں پھلوں سہرے پاوݨ۔سبھ کجھ تھیا بیکار اساہاں۔

تن من چبّھڑی ساگ غماں دی۔جان جگر وچّ چوک ڈکّھا دی۔

دلّڑی سولی کیتی ماندی۔سینے سو سو خار اساہاں۔

ہسّݨ کھلݨ کجھ یاد ن آوے۔روندی کھپدی امّر نبھاوے۔

جند جکھ جکھ لکّھ رنج اٹھاوے۔ڈکّھڑے تارو تار اساہاں۔

پیت پنل دی رگ رگ گھیرم۔یار اغیار کنوں مونہ پھیرم۔

جھور جھگٹے جڑ جڑ ویڑم۔چھٹّ گیا کل کمّ کار اساہاں۔

یار فرید ن آئم ویڑے۔ٹوکاں کردے کھیڑے بھیڑے۔

سوہݨے کیتے سخت نکھیڑے۔تول تتّی دار اساہاں۔

ਗੁਜ਼ਰਿਆ ਵਕਤ ਗੁੰਧਾਵਣ ਧੜੀਆਂ।ਵਿਸਰਿਆ ਹਾਰ ਸਿੰਗਾਰ ਅਸਾਹਾਂ।

ਰੋਗ ਕਰੂਪ ਕਸ਼ਾਲੇ ਹਰ ਦਮ।ਦਰਦੋਂ ਨਾਲਾ ਜ਼ਾਰ ਅਸਾਹਾਂ।

ਸੁਰਮਾ ਪਾਵਣ ਸੁਰਖ਼ੀ ਲਾਵਣ।ਬੇਂਸਰ ਬੋਲ ਤੇ ਮਾਂਘ ਬਣਾਵਣ।

ਸਹਿਜੋਂ ਫੁਲੋਂ ਸਿਹਰੇ ਪਾਵਣ।ਸਭ ਕੁਝ ਥਇਆ ਬੇਕਾਰ ਅਸਾਹਾਂ।

ਤਨ ਮਨ ਚੁੱਭੜੀ ਸਾਗ ਗ਼ਮਾਂ ਦੀ।ਜਾਨ ਜਿਗਰ ਵਿੱਚ ਚੂਕ ਡੁੱਖਾ ਦੀ।

ਦਿੱਲੜੀ ਸੂਲੀ ਕੀਤੀ ਮਾਂਦੀ।ਸੀਨੇ ਸੌ ਸੌ ਖ਼ਾਰ ਅਸਾਹਾਂ।

ਹੱਸਣ ਖਿਲਣ ਕੁਝ ਯਾਦ ਨ ਆਵੇ।ਰੋਂਦੀ ਖਪਦੀ ਉੱਮਰ ਨਭਾਵੇ।

ਜਿੰਦ ਜੁਖ ਜੁਖ ਲੱਖ ਰੰਜ ਉਠਾਵੇ।ਡੁੱਖੜੇ ਤਾਰੋ ਤਾਰ ਅਸਾਹਾਂ।

ਪੀਤ ਪੁਨਲ ਦੀ ਰਗ ਰਗ ਘੇਰਿਮ।ਯਾਰ ਅਗ਼ਯਾਰ ਕਨੂੰ ਮੂੰਹ ਫੇਰਿਮ।

ਝੂਰ ਝੁਗਟੇ ਜੁੜ ਜੁੜ ਵੇੜਿਮ।ਛੁੱਟ ਗਿਆ ਕੁਲ ਕੰਮ ਕਾਰ ਅਸਾਹਾਂ।

ਯਾਰ ਫ਼ਰੀਦ ਨ ਆਇਮ ਵੇੜੇ।ਟੋਕਾਂ ਕਰਦੇ ਖੇੜੇ ਭੇੜੇ।

ਸੋਹਣੇ ਕੀਤੇ ਸਖ਼ਤ ਨਖੇੜੇ।ਤੂਲ ਤੱਤੀ ਦਾਰ ਅਸਾਹਾਂ।

guzariaa vakat gundhavan dharriaan.visariaa har singar asahan.

rog karup kashale har dam.daradon nala zar asahan.

surama pavan surakhi lavan.bensar bol te mangh banavan.

sahijon phulon sihare pavan.sabh kujh thiaa bekar asahan.

tan man chubbharri sag ghaman di.jan jigar vicch chuk dukkha di.

dillarri suli kiti mandi.sine sau sau khar asahan.

hassan khilan kujh yad n aave.rondi khapadi ummar nabhave.

jind jukh jukh lakkh ranj uthave.dukkharre taro tar asahan.

pit punal di rag rag gherim.yar aghayar kanun munh pherim.

jhur jhugate jurr jurr verrim.chhutt giaa kul kanm kar asahan.

yar farid n aaim verre.tokan karade kherre bherre.

sohane kite sakhat nakherre.tul tatti dar asahan.