ਗੁਜ਼ਰ ਗਈ ਗੁਜ਼ਰਾਨ ਗ਼ਮ ਦੇ ਸਾਂਗ ਰਲਿਓਸੇ

گزر گئی گزران غم دے سانگ رلیوسے۔

ڈٹّھڑا جمل جہاں ن کجّھ پلڑے پیو سے۔

ویندی یار ن کھڑ مکلایا۔کیچوں کوئی پیغام ن آیا۔

جندڑی دا ججمان۔گل دا گیڑ تھیو سے۔

نا ماہی ن رنگ مہیندی۔جھوک اجاڑ ڈسّم تینہ ڈینہ دی۔

بیلا تھیا ویران۔تھی بے آس رلیوسے۔

لانوی لینہدی پیوم وچھوڑا۔کھارے چڑھدی آیوم دھوڑا۔

مہندی سرکھی بان۔نیلا رنگ وٹیو سے۔

ویݨ سیاپے ماتم گاہݨے۔ڈکّھ ڈہاگ دے بھول وہاݨے۔

سولاں دا سامان۔ازلوں ڈاج ڈھیوسے۔

چھوٹی امّر رنڈیپا آئم۔کھوٹی قسمت کھوٹ کمائم۔

ڈجّا اے ارمان۔ویندیں ن مکلیوسے۔

جیندی تئیں اے درد نبھیساں۔مردیں داغ قبر وچّ نیسا۔

پٹّ پٹّ تھیا خفکان۔رو رو خلق روویو سے۔

جیں بن ہکّ پل مول ن وسے۔باکی کرنے آئے کسے۔

وہ تقدیر دا شان۔کیا ہا کیا تھی گیوسے۔

کر کر یاد فرید سجّݨ کوں۔لا گل روواں ہکّ ہکّ وݨ کوں۔

جان جگر وچّ کان۔جانی جوڑ مریو سے۔

ਗੁਜ਼ਰ ਗਈ ਗੁਜ਼ਰਾਨ ਗ਼ਮ ਦੇ ਸਾਂਗ ਰਲਿਓਸੇ।

ਡਿੱਠੜਾ ਜਮਲ ਜਹਾਂ ਨ ਕੁੱਝ ਪਲੜੇ ਪਿਉ ਸੇ।

ਵੈਂਦੀ ਯਾਰ ਨ ਖੜ ਮੁਕਲਾਇਆ।ਕੇਚੋਂ ਕੋਈ ਪੈਗ਼ਾਮ ਨ ਆਇਆ।

ਜਿੰਦੜੀ ਦਾ ਜਜਮਾਨ।ਗਲ ਦਾ ਗੇੜ ਥਿਓ ਸੇ।

ਨਾ ਮਾਹੀ ਨ ਰਿੰਗ ਮਹੀਂਦੀ।ਝੋਕ ਉਜਾੜ ਡਿੱਸਮ ਤੇਂਹ ਡੇਂਹ ਦੀ।

ਬੇਲਾ ਥਿਆ ਵੀਰਾਨ।ਥੀ ਬੇ ਆਸ ਰੁਲਿਓਸੇ।

ਲਾਂਵੀ ਲੇਂਹਦੀ ਪਿਉਮ ਵਿਛੋੜਾ।ਖਾਰੇ ਚੜ੍ਹਦੀ ਆਇਉਮ ਧੋੜਾ।

ਮਹਿੰਦੀ ਸੁਰਖੀ ਬਾਨ।ਨੀਲਾ ਰੰਗ ਵਟਿਓ ਸੇ।

ਵੈਣ ਸਿਆਪੇ ਮਾਤਮ ਗਾਹਣੇ।ਡੁੱਖ ਡੁਹਾਗ ਦੇ ਭੋਲ ਵਿਹਾਣੇ।

ਸੂਲਾਂ ਦਾ ਸਾਮਾਨ।ਅਜ਼ਲੋਂ ਡਾਜ ਢਇਓਸੇ।

ਛੋਟੀ ਉੱਮਰ ਰੰਡੇਪਾ ਆਇਮ।ਖੋਟੀ ਕਿਸਮਤ ਖੋਟ ਕਮਾਇਮ।

ਡੁੱਜਾ ਏ ਇਰਮਾਨ।ਵੇਂਦੀਂ ਨ ਮੁਕਲਿਓਸੇ।

ਜੈਂਦੀ ਤਈਂ ਏ ਦਰਦ ਨਿਭੇਸਾਂ।ਮਰਦੀਂ ਦਾਗ਼ ਕਬਰ ਵਿੱਚ ਨੇਸਾ।

ਪਿੱਟ ਪਿੱਟ ਥਿਆ ਖ਼ਫ਼ਕਾਨ।ਰੋ ਰੋ ਖ਼ਲਕ ਰੌਵਿਓ ਸੇ।

ਜੈਂ ਬਿਨ ਹਿੱਕ ਪਲ ਮੂਲ ਨ ਵਿਸੇ।ਬਾਕੀ ਕਰਨੇ ਆਏ ਕਿਸੇ।

ਵਹ ਤਕਦੀਰ ਦਾ ਸ਼ਾਨ।ਕਿਆ ਹਾ ਕਿਆ ਥੀ ਗਿਓਸੇ।

ਕਰ ਕਰ ਯਾਦ ਫ਼ਰੀਦ ਸੱਜਣ ਕੂੰ।ਲਾ ਗਲ ਰੋਵਾਂ ਹਿੱਕ ਹਿੱਕ ਵਣ ਕੂੰ।

ਜਾਨ ਜਿਗਰ ਵਿੱਚ ਕਾਨ।ਜਾਨੀ ਜੋੜ ਮਰਿਓ ਸੇ।

guzar gee guzaran gham de sang raliose.

dittharra jamal jahan n kujjh palarre piu se.

vaindi yar n kharr mukalaiaa.kechon koee paigham n aaiaa.

jindarri da jajaman.gal da gerr thio se.

na mahi n ring mahindi.jhok ujarr dissam tenh denh di.

bela thiaa viran.thi be aas ruliose.

lanvi lenhadi pium vichhorra.khare charrhadi aaium dhorra.

mahindi surakhi ban.nila rang vatio se.

vain siaape matam gahane.dukkh duhag de bhol vihane.

sulan da saman.azalon daj dhiose.

chhoti ummar randepa aaim.khoti kisamat khot kamaim.

dujja e iraman.vendin n mukaliose.

jaindi teen e darad nibhesan.maradin dagh kabar vicch nesa.

pitt pitt thiaa khafakan.ro ro khalak rauvio se.

jain bin hikk pal mul n vise.baki karane aae kise.

vah takadir da shan.kiaa ha kiaa thi giose.

kar kar yad farid sajjan kun.la gal rovan hikk hikk van kun.

jan jigar vicch kan.jani jorr mario se.