ਵਾਹ ਵਾਹ ਸੋਹਣੇ ਦਾ ਵਰਤਾਰਾ

واہ واہ سوہݨے دا ورتارا۔ہر صورت وچ کرے اتارا۔

ہک جا چاوے عشق اجارا۔بئے جا ڈیوے حسن ادھارا۔

او مالک مے ادنا سگ دا۔ہر صورت وچ مٹّھڑا لگدا۔

مے کیا موہ لیئس من جگدا۔ماریس ہر جا ناز نکارا۔

میں بے آس امید دا ماݨا۔ہر کس ناکس دے من بھاݨا۔

دوست اویڑا یار ااݨا۔ہر اک دل کوں لگے پیارا۔

جو میں وانگ بجھارت بجھدا۔سو تھیا واکپھ ساری گجھ دا۔

ہرگز دخل نہیں کہیں کجھدا۔جاݨ نظارہ یار دا سارا۔

چرݨ گر دے سیس نوائیں۔جو آکھے چم اکھیاں چائیں۔

جوہد جہاد دا بار اٹھائیں۔کرب کمال ہیئی مطلب بارا۔

تھی گر پیر دا چیلا سچّا۔نا ہو قدم ہٹا کر کچّا۔

برہو کڑاہ چڑیا مچّ مچّیا۔جل بل مار انا دا ناارا۔

جو کوئی رکھسی اے گن چارے۔جو راتی جگ جوگ جگارے۔

ونج خوش وس سی شام دوارے۔رہسی جگت سوں نیارا۔

جگرت سپنس سکوپت ٹریا۔تینڈی سیر دے سانگے جڑیا۔

جیندا پیر سنجانوں تھڑیا۔پھرسی تھی چو گٹھ آوارا۔

توں ایہہ سمجھ سنجان ن چھوڑیں۔نرگن سرگن وچ جا جوڑیں۔

آپݨے آپ توں مونہ ن موڑیں۔سب ہے روپ سروپ تہارا۔

چاروں بید بدانت پکارݨ۔اوم برم نارائݨ دھارن۔

آتم اتم سروپ سدھارن۔دویت پھرید ہے جوٹھا لہرا۔

ਵਾਹ ਵਾਹ ਸੋਹਣੇ ਦਾ ਵਰਤਾਰਾ।ਹਰ ਸੂਰਤ ਵਿਚ ਕਰੇ ਉਤਾਰਾ।

ਹਿਕ ਜਾ ਚਾਵੇ ਇਸ਼ਕ ਇਜਾਰਾ।ਬਇ ਜਾ ਡੇਵੇ ਹੁਸਨ ਉਧਾਰਾ।

ਓ ਮਾਲਕ ਮੈ ਅਦਨਾ ਸਗ ਦਾ।ਹਰ ਸੂਰਤ ਵਿਚ ਮਿੱਠੜਾ ਲਗਦਾ।

ਮੈ ਕਿਆ ਮੋਹ ਲੇਇਸ ਮਨ ਜਗਦਾ।ਮਾਰੇਸ ਹਰ ਜਾ ਨਾਜ਼ ਨਕਾਰਾ।

ਮੈਂ ਬੇ ਆਸ ਉਮੀਦ ਦਾ ਮਾਣਾ।ਹਰ ਕਸ ਨਾਕਸ ਦੇ ਮਨ ਭਾਣਾ।

ਦੋਸਤ ਅਵੈੜਾ ਯਾਰ ਇਆਣਾ।ਹਰ ਇਕ ਦਿਲ ਕੂੰ ਲਗੇ ਪਿਆਰਾ।

ਜੋ ਮੈਂ ਵਾਂਗ ਬੁਝਾਰਤ ਬੁਝਦਾ।ਸੋ ਥੀਆ ਵਾਕਫ ਸਾਰੀ ਗੁਝ ਦਾ।

ਹਰਗਿਜ਼ ਦਖ਼ਲ ਨਹੀਂ ਕਹੀਂ ਕੁਝਦਾ।ਜਾਣ ਨਜ਼ਾਰਾ ਯਾਰ ਦਾ ਸਾਰਾ।

ਚਰਣ ਗੁਰੁ ਦੇ ਸੀਸ ਨਵਾਈਂ।ਜੋ ਆਖੇ ਚੁਮ ਅਖੀਆਂ ਚਾਈਂ।

ਜੋਹਦ ਜਹਾਦ ਦਾ ਬਾਰ ਉਠਾਈਂ।ਕਰਬ ਕਮਾਲ ਹੈਈ ਮਤਲਬ ਬਾਰਾ।

ਥੀ ਗੁਰ ਪੀਰ ਦਾ ਚੇਲਾ ਸੱਚਾ।ਨਾ ਹੋ ਕਦਮ ਹਟਾ ਕਰ ਕੱਚਾ।

ਬਿਰਹੋ ਕੜਾਹ ਚੜਿਆ ਮੱਚ ਮੱਚਿਆ।ਜਲ ਬਲ ਮਾਰ ਅਨਾ ਦਾ ਨਾਅਰਾ।

ਜੋ ਕੋਈ ਰਖਸੀ ਐ ਗੁਨ ਚਾਰੇ।ਜੋ ਰਾਤੀ ਜਗ ਜੋਗ ਜਗਾਰੇ।

ਵੰਜ ਖੁਸ਼ ਵਸ ਸੀ ਸ਼ਾਮ ਦਵਾਰੇ।ਰਹਿਸੀ ਜਗਤ ਸੌਂ ਨਿਆਰਾ।

ਜਗਰਤ ਸੁਪਨਸ ਸਕੋਪਤ ਟੁਰੀਆ।ਤੈਂਡੀ ਸੈਰ ਦੇ ਸਾਂਗੇ ਜੜਿਆ।

ਜੈਂਦਾ ਪੀਰ ਸੰਜਾਨੋਂ ਥੁੜਿਆ।ਫਿਰਸੀ ਥੀ ਚੌ ਗੁਠ ਆਵਾਰਾ।

ਤੂੰ ਇਹ ਸਮਝ ਸੰਜਾਨ ਨ ਛੋੜੀਂ।ਨਿਰਗੁਨ ਸਰਗੁਨ ਵਿਚ ਜਾ ਜੋੜੀਂ।

ਆਪਣੇ ਆਪ ਤੂੰ ਮੂੰਹ ਨ ਮੋੜੀਂ।ਸਬ ਹੈ ਰੂਪ ਸਰੂਪ ਤਿਹਾਰਾ।

ਚਾਰੋਂ ਬੇਦ ਬਦਾਂਤ ਪੁਕਾਰਣ।ਓਮ ਬ੍ਰਮ ਨਾਰਾਇਣ ਧਾਰਨ।

ਆਤਮ ਉਤਮ ਸਰੂਪ ਸਧਾਰਨ।ਦਵੈਤ ਫਰੀਦ ਹੈ ਜੂਠਾ ਲਹਿਰਾ।

vah vah sohane da varatara.har surat vich kare utara.

hik ja chave ishak ijara.bi ja deve husan udhara.

o malak mai adana sag da.har surat vich mittharra lagada.

mai kiaa moh leis man jagada.mares har ja naz nakara.

main be aas umid da mana.har kas nakas de man bhana.

dosat avairra yar iaana.har ik dil kun lage piaara.

jo main vang bujharat bujhada.so thiaa vakaph sari gujh da.

haragiz dakhal nahin kahin kujhada.jan nazara yar da sara.

charan guru de sis navaeen.jo aakhe chum akhiaan chaeen.

johad jahad da bar uthaeen.karab kamal haiee matalab bara.

thi gur pir da chela saccha.na ho kadam hata kar kaccha.

biraho karrah charriaa macch macchiaa.jal bal mar ana da naara.

jo koee rakhasi ai gun chare.jo rati jag jog jagare.

vanj khush vas si sham davare.rahisi jagat saun niaara.

jagarat supanas sakopat turiaa.taindi sair de sange jarriaa.

jainda pir sanjanon thurriaa.phirasi thi chau guth aavara.

tun ih samajh sanjan n chhorrin.niragun saragun vich ja jorrin.

aapane aap tun munh n morrin.sab hai rup sarup tihara.

charon bed badant pukaran.om bram narain dharan.

aatam utam sarup sadharan.davait pharid hai jutha lahira.