ਵੇ ਤੂੰ ਸਾਂਵਲਾ ਨ ਮਾਰ ਨੈਨਾਂ ਦੇ ਤੀਰ

وے توں سانولا ن مار نیناں دے تیر۔

اکّھیاں شر کارݨ نت بکھیاں۔ہن پاپی بے پیر۔

زلپھاں مشکیں بنّھ بنّھ ڈیون۔دلڑی کوں تازیر۔

تینڈے نال ہے سانول سوہݨا۔دل لانوݨ تقصیر۔

ناز نہورے گمزے تینڈے۔مسہپھ دی تفسیر۔

کاکل پݨیاں نانگ ورادھا۔ڈٹھڑی چڑھم سریر۔

جھوکاں آن سولڑیاں سینگا۔نین لوڑھیدے نیر۔

پاہ ہنباہ اگار گئیندے۔میں لیکھے اکسیر۔

وٹھ کنوں تھئی دھرتی تھلڑی۔ساگی ملک ملھیر۔

رلڑے سجن سہاوݨ تھلڑے۔کار، ککی، کیڑ۔

جیسلمیر نرہائی ماݨوں۔تھی ڈوہیں کھنڈ کھیر۔

تھل چترانگ اندر میں سسّی۔بیلیں بیٹیں ہیر۔

روز ازل دا تینڈا ساڈا۔مال مویشی سیر۔

جانوݨ لادا ملک تساڈا۔تن من سیس سریر۔

کوجھی کملی تیڈے ناں دی۔نا کر یار کریر۔

مونجھاں دوست تے خوشیاں دشمن۔سکھ ویری ڈکھ ویر۔

جانی جوڑ چلیو کانی۔سندھ سندھ دے وچ پیڑ۔

بٹھ چوچک بٹھ کھیڑے بھیڑے۔توں نا تھی دلگیر۔

ڈیہوں ڈینہ کوراڑا تھیوے۔واہ سک دی تاسیر۔

رو رو تٹھلی پئیاں ناسوراں۔دل وچ سو سو چیر۔

اریانی دی کھلات ملڑی۔سونجبر دا جاگیر۔

ہو ہو پھکڑی شہر کھواری۔ساڈی ہے توکیر۔

گوس قطب سب توں تو صدقے۔کون فرید فقیر۔

ਵੇ ਤੂੰ ਸਾਂਵਲਾ ਨ ਮਾਰ ਨੈਨਾਂ ਦੇ ਤੀਰ।

ਅੱਖੀਆਂ ਸ਼ਰ ਕਾਰਣ ਨਿਤ ਬੁਖੀਆਂ।ਹਿਨ ਪਾਪੀ ਬੇ ਪੀਰ।

ਜ਼ੁਲਫਾਂ ਮੁਸ਼ਕੀਂ ਬੰਨ੍ਹ ਬੰਨ੍ਹ ਡੇਵਨ।ਦਿਲੜੀ ਕੂੰ ਤਅਜ਼ੀਰ।

ਤੈਂਡੇ ਨਾਲ ਹੈ ਸਾਂਵਲ ਸੋਹਣਾ।ਦਿਲ ਲਾਂਵਣ ਤਕਸੀਰ।

ਨਾਜ਼ ਨਿਹੋਰੇ ਗਮਜ਼ੇ ਤੈਂਡੇ।ਮਸਹਫ ਦੀ ਤਫ਼ਸੀਰ।

ਕਾਕਲ ਪਣੀਆਂ ਨਾਂਗ ਵਰਾਧਾ।ਡਿਠੜੀ ਚੜ੍ਹਮ ਸਰੀਰ।

ਝੋਕਾਂ ਆਨ ਸਵਲੜੀਆਂ ਸੀਂਗਾ।ਨੈਨ ਲੋੜ੍ਹੇਦੇ ਨੀਰ।

ਪਾਹ ਹੰਬਾਹ ਉਗਾਰ ਗਈਂਦੇ।ਮੈਂ ਲੇਖੇ ਅਕਸੀਰ।

ਵੁਠ ਕਨੂੰ ਥਈ ਧਰਤੀ ਥਲੜੀ।ਸਾਗੀ ਮੁਲਕ ਮਲ੍ਹੇਰ।

ਰਲੜੇ ਸਜਨ ਸੁਹਾਵਣ ਥਲੜੇ।ਕਾਰ, ਕਕੀ, ਕੀੜ।

ਜੈਸਲਮੇਰ ਨਰਹਾਈ ਮਾਣੂੰ।ਥੀ ਡੋਹੀਂ ਖੰਡ ਖੀਰ।

ਥਲ ਚਤਰਾਂਗ ਅੰਦਰ ਮੇਂ ਸੱਸੀ।ਬੇਲੀਂ ਬੇਟੀਂ ਹੀਰ।

ਰੋਜ਼ ਅਜ਼ਲ ਦਾ ਤੈਂਡਾ ਸਾਡਾ।ਮਾਲ ਮਵੈਸ਼ੀ ਸੀਰ।

ਜਾਂਵਣ ਲਾਦਾ ਮਿਲਕ ਤੁਸਾਡਾ।ਤਨ ਮਨ ਸੀਸ ਸਰੀਰ।

ਕੋਝੀ ਕਮਲੀ ਤੈਡੇ ਨਾਂ ਦੀ।ਨਾ ਕਰ ਯਾਰ ਕਰੀਰ।

ਮੂੰਝਾਂ ਦੋਸਤ ਤੇ ਖੁਸ਼ੀਆਂ ਦੁਸ਼ਮਨ।ਸੁਖ ਵੈਰੀ ਡੁਖ ਵੀਰ।

ਜਾਨੀ ਜੋੜ ਚਲਇਓ ਕਾਨੀ।ਸੰਧ ਸੰਧ ਦੇ ਵਿਚ ਪੀੜ।

ਬਠ ਚੂਚਕ ਬਠ ਖੇੜੇ ਭੈੜੇ।ਤੌਂ ਨਾ ਥੀ ਦਿਲਗੀਰ।

ਡੇਹੋਂ ਡੇਂਹ ਕੋਰਾੜਾ ਥੀਵੇ।ਵਾਹ ਸਿਕ ਦੀ ਤਾਸੀਰ।

ਰੋ ਰੋ ਤੁਠਲੀ ਪਈਆਂ ਨਾਸੂਰਾਂ।ਦਿਲ ਵਿਚ ਸੌ ਸੌ ਚੀਰ।

ਉਰਿਆਨੀ ਦੀ ਖਲਅਤ ਮਿਲੜੀ।ਸੁੰਜਬਰ ਦਾ ਜਾਗੀਰ।

ਹੋ ਹੋ ਫਕੜੀ ਸ਼ਹਿਰ ਖਵਾਰੀ।ਸਾਡੀ ਹੈ ਤੌਕੀਰ।

ਗੌਸ ਕੁਤਬ ਸਬ ਤੌਂ ਤੂ ਸਦਕੇ।ਕੌਨ ਫ਼ਰੀਦ ਫਕੀਰ।

ve tun sanvala n mar nainan de tir.

akkhiaan shar karan nit bukhiaan.hin papi be pir.

zulaphan mushakin bannh bannh devan.dilarri kun tazir.

tainde nal hai sanval sohana.dil lanvan takasir.

naz nihore gamaze tainde.masahaph di tafasir.

kakal paniaan nang varadha.ditharri charrham sarir.

jhokan aan savalarriaan singa.nain lorrhede nir.

pah hanbah ugar geende.main lekhe akasir.

vuth kanun thee dharati thalarri.sagi mulak malher.

ralarre sajan suhavan thalarre.kar, kaki, kirr.

jaisalamer narahaee manun.thi dohin khand khir.

thal chatarang andar men sassi.belin betin hir.

roz azal da tainda sada.mal mavaishi sir.

janvan lada milak tusada.tan man sis sarir.

kojhi kamali taide nan di.na kar yar karir.

munjhan dosat te khushiaan dushaman.sukh vairi dukh vir.

jani jorr chalio kani.sandh sandh de vich pirr.

bath chuchak bath kherre bhairre.taun na thi dilagir.

dehon denh korarra thive.vah sik di tasir.

ro ro tuthali peeaan nasuran.dil vich sau sau chir.

uriaani di khalat milarri.sunjabar da jagir.

ho ho phakarri shahir khavari.sadi hai taukir.

gaus kutab sab taun tu sadake.kaun farid phakir.