ਕਿਆ ਥਿਆ ਜੋ ਤੈਡੀ ਨ ਬਣੀ

کیا تھیا جو تیڈی ن بݨی۔تھیسی اوہا جو رب گݨی۔

دولت کوں چوچی لا اڑا۔ٹھگ باز دا ڈٹکو ن کھا۔

آزاد تھی سپھن سفا۔چݨ گھن سونجائیندی اݨی۔

دنیاں دا ن تھی آشنا۔ہے اے مکارا بے وفا۔

کھاویں ن مزݨ دا دغا۔ہے پنج کݨی تیکوں گھݨی۔

دھجّ وجّ دی جھگّ مگّ تروڑ وے۔ڈورے بھے ململ چھوڑ وے۔

ہے ڈلھ پتّھر دی بھور وے۔تیں کاݨ ہیرے دی کݨی۔

ملاں نہیں کہیں کار دے۔شیوے ن جاݨن یار دے۔

سمجھݨ ن بھیت اسرار دے۔ونج کنڈ دے بھرنے تھئے دݨی۔

ایں راہ ڈو آنوی نا ہا۔جے آئیں قدم ڈیہوں ڈینہ ودھا۔

پچھوں تے نا ڈیکھیں مونہ ولا۔حیلہ کریں سر تئیں تݨی۔

ننھی ترس باروچل رتی۔روہیں پہاڑی وچ تتّی۔

شودی سسّی رلدی وتّی۔نیہیں الھڑی ہکّ جݨی۔

ہے ول قہر دی مبتلا۔ہے او غضب دا بے وفا۔

من چھڈّ اتے من ڈے ویا۔آپت دے وچّ کھڑبڑ بݨی۔

سݨ بیوپھا دی گالھ وے۔پچھدے ن ہرگز مال وے۔

اصلوں ن لہم سنبھال وے۔ڈیوے ن چولی دی تݨی۔

تھی خوش فرید تے شادول۔ڈخڑیں کوں ن کر یاد ول۔

اجھو تھیوم جھوک آباد ول۔ایہا نیں ن ویہسی ہک مݨی۔

ਕਿਆ ਥਿਆ ਜੋ ਤੈਡੀ ਨ ਬਣੀ।ਥੀਸੀ ਓਹਾ ਜੋ ਰੱਬ ਗਿਣੀ।

ਦੌਲਤ ਕੂੰ ਚੂਚੀ ਲਾ ਅੜਾ।ਠਗ ਬਾਜ਼ ਦਾ ਡਟਕੋ ਨ ਖਾ।

ਆਜ਼ਾਦ ਥੀ ਸਫਨ ਸਫ਼ਾ।ਚੁਣ ਘਿਨ ਸੁੰਜਾਏਂਦੀ ਅਣੀ।

ਦੁਨੀਆਂ ਦਾ ਨ ਥੀ ਆਸ਼ਨਾ।ਹੈ ਏ ਮਕਾਰਾ ਬੇ ਵਫ਼ਾ।

ਖਾਵੀਂ ਨ ਮੁਜ਼ਿਣ ਦਾ ਦਗ਼ਾ।ਹੈ ਪੰਜ ਕਣੀ ਤੈਕੂੰ ਘਣੀ।

ਧੱਜ ਵੱਜ ਦੀ ਝੱਗ ਮੱਗ ਤਰੋੜ ਵੇ।ਡੋਰੇ ਭੇ ਮਲਮਲ ਛੋੜ ਵੇ।

ਹੈ ਡਿਲ੍ਹ ਪੱਥਰ ਦੀ ਭੋਰ ਵੇ।ਤੈਂ ਕਾਣ ਹੀਰੇ ਦੀ ਕਣੀ।

ਮੁਲਾਂ ਨਹੀਂ ਕਹੀਂ ਕਾਰ ਦੇ।ਸ਼ੇਵੇ ਨ ਜਾਣਿਨ ਯਾਰ ਦੇ।

ਸਮਝਣ ਨ ਭੇਤ ਇਸਰਾਰ ਦੇ।ਵੰਜ ਕੰਡ ਦੇ ਭਰਨੇ ਥਏ ਦਣੀ।

ਈਂ ਰਾਹ ਡੋ ਆਂਵੀ ਨਾ ਹਾ।ਜੇ ਆਈਂ ਕਦਮ ਡੇਹੋਂ ਡੇਂਹ ਵਧਾ।

ਪਿਛੋਂ ਤੇ ਨਾ ਡੇਖੀਂ ਮੂੰਹ ਵਲਾ।ਹੀਲਾ ਕਰੀਂ ਸਰ ਤਈਂ ਤਣੀ।

ਨਿਞ੍ਹੀ ਤਰਸ ਬਾਰੋਚਲ ਰਤੀ।ਰੋਹੀਂ ਪਹਾੜੀ ਵਿਚ ਤੱਤੀ।

ਸ਼ੋਦੀ ਸੱਸੀ ਰੁਲਦੀ ਵੱਤੀ।ਨੇਹੀਂ ਅਲ੍ਹੜੀ ਹਿੱਕ ਜਣੀ।

ਹੈ ਵਲ ਕਹਿਰ ਦੀ ਮੁਬਤਲਾ।ਹੈ ਓ ਗਜ਼ਬ ਦਾ ਬੇ ਵਫ਼ਾ।

ਮਨ ਛੱਡ ਅਤੇ ਮਨ ਡੇ ਵੀਆ।ਆਪਤ ਦੇ ਵਿੱਚ ਖੜਬੜ ਬਣੀ।

ਸੁਣ ਬੇਵਫਾ ਦੀ ਗਾਲ੍ਹ ਵੇ।ਪੁਛਦੇ ਨ ਹਰਗਿਜ਼ ਮਾਲ ਵੇ।

ਅਸਲੋਂ ਨ ਲਹਮ ਸੰਭਾਲ ਵੇ।ਡੇਵੇ ਨ ਚੋਲੀ ਦੀ ਤਣੀ।

ਥੀ ਖ਼ੁਸ਼ ਫ਼ਰੀਦ ਤੇ ਸ਼ਾਦਵਲ।ਡੁਖ਼ੜੀਂ ਕੂੰ ਨ ਕਰ ਯਾਦ ਵਲ।

ਅਝੂ ਥੀਵਮ ਝੋਕ ਆਬਾਦ ਵਲ।ਏਹਾ ਨੈਂ ਨ ਵੈਹਸੀ ਹਿਕ ਮਣੀ।

kiaa thiaa jo taidi n bani.thisi oha jo rabb gini.

daulat kun chuchi la arra.thag baz da datako n kha.

aazad thi saphan safa.chun ghin sunjaendi ani.

duniaan da n thi aashana.hai e makara be vafa.

khavin n muzin da dagha.hai panj kani taikun ghani.

dhajj vajj di jhagg magg tarorr ve.dore bhe malamal chhorr ve.

hai dilh patthar di bhor ve.tain kan hire di kani.

mulan nahin kahin kar de.sheve n janin yar de.

samajhan n bhet isarar de.vanj kand de bharane the dani.

een rah do aanvi na ha.je aaeen kadam dehon denh vadha.

pichhon te na dekhin munh vala.hila karin sar teen tani.

ninhi taras barochal rati.rohin paharri vich tatti.

shodi sassi ruladi vatti.nehin alharri hikk jani.

hai val kahir di mubatala.hai o gazab da be vafa.

man chhadd ate man de viaa.aapat de vicch kharrabarr bani.

sun bevapha di galh ve.puchhade n haragiz mal ve.

asalon n laham sanbhal ve.deve n choli di tani.

thi khush farid te shadaval.dukharrin kun n kar yad val.

ajhu thivam jhok aabad val.eha nain n vaihasi hik mani.