ਕਿਆ ਇਸ਼ਕ ਅੜਾਹ ਮਚਾਇਆ ਹੈ

کیا عشق اڑاہ مچایا ہے۔ہر روز ایہہ سوز سوایا ہے۔

سر تن من پھوک جلایا ہے۔مٹّھا جوبن مفت گنوایا ہے۔

بھیڑی دلّڑی مار مونجھایا ہے۔دم دم وچّ درد سوایا ہے۔

سٹّ سیجھ اکیلی ہوت نسّے۔غم پا کر جھولی ایش خسّے۔

گل ہار پھلاں دا نانگ ڈسّے۔ڈکّھی قسمت سب ڈکّھ لایا ہے۔

سوہݨا سانگ ہجر دی مار گیا۔یکباری یار وسار گیا۔

کر زار نزار کھوار گیا۔تتّی بے وسّ بار سہایا ہے۔

ایہا دلّڑی عشق دی کٹّھڑی ہے۔جیں صبر آرام ونجایا ہے۔

ما ڈتّڑی شوق دی گٹّھڑی ہے۔جیں صبر آرام ونجایا ہے۔

دل لاوݨ حال ونجاوݨ ہے۔سکھ ڈیوݨ تے ڈکّھ پاوݨ ہے۔

غم کھاوݨ درد نبھاوݨ ہے۔نیڑا بیشک کوڑا جایا ہے۔

سوہݨے باجھ فرید قرار گیا۔کمّ کار سبھو گھر بار گیا۔

سب ناز نواز سنگار گیا۔سر بار ڈہاگ سہایا ہے۔

ਕਿਆ ਇਸ਼ਕ ਅੜਾਹ ਮਚਾਇਆ ਹੈ।ਹਰ ਰੋਜ਼ ਇਹ ਸੋਜ਼ ਸਵਾਇਆ ਹੈ।

ਸਰ ਤਨ ਮਨ ਫੂਕ ਜਲਾਇਆ ਹੈ।ਮੁੱਠਾ ਜੋਬਨ ਮੁਫ਼ਤ ਗੰਵਾਇਆ ਹੈ।

ਭੈੜੀ ਦਿੱਲੜੀ ਮਾਰ ਮੁੰਝਾਇਆ ਹੈ।ਦਮ ਦਮ ਵਿੱਚ ਦਰਦ ਸਵਾਇਆ ਹੈ।

ਸੱਟ ਸੇਝ ਇਕੇਲੀ ਹੋਤ ਨੱਸੇ।ਗ਼ਮ ਪਾ ਕਰ ਝੋਲੀ ਐਸ਼ ਖ਼ੱਸੇ।

ਗਲ ਹਾਰ ਫੁਲਾਂ ਦਾ ਨਾਂਗ ਡਿੱਸੇ।ਡੁੱਖੀ ਕਿਸਮਤ ਸਬ ਡੁੱਖ ਲਾਇਆ ਹੈ।

ਸੋਹਣਾ ਸਾਂਗ ਹਿਜਰ ਦੀ ਮਾਰ ਗਿਆ।ਯਕਬਾਰੀ ਯਾਰ ਵਸਾਰ ਗਿਆ।

ਕਰ ਜ਼ਾਰ ਨਜ਼ਾਰ ਖਵਾਰ ਗਿਆ।ਤੱਤੀ ਬੇ ਵੱਸ ਬਾਰ ਸਹਾਇਆ ਹੈ।

ਏਹਾ ਦਿੱਲੜੀ ਇਸ਼ਕ ਦੀ ਕੁੱਠੜੀ ਹੈ।ਜੈਂ ਸਬਰ ਆਰਾਮ ਵੰਜਾਇਆ ਹੈ।

ਮਾ ਡਿੱਤੜੀ ਸ਼ੌਕ ਦੀ ਗੁੱਠੜੀ ਹੈ।ਜੈਂ ਸਬਰ ਆਰਾਮ ਵੰਜਾਇਆ ਹੈ।

ਦਿਲ ਲਾਵਣ ਹਾਲ ਵੰਜਾਵਣ ਹੈ।ਸੁਖ ਡੇਵਣ ਤੇ ਡੁੱਖ ਪਾਵਣ ਹੈ।

ਗ਼ਮ ਖਾਵਣ ਦਰਦ ਨਿਭਾਵਣ ਹੈ।ਨੇੜਾ ਬੇਸ਼ਕ ਕੂੜਾ ਜਾਇਆ ਹੈ।

ਸੋਹਣੇ ਬਾਝ ਫ਼ਰੀਦ ਕਰਾਰ ਗਿਆ।ਕੰਮ ਕਾਰ ਸਭੋ ਘਰ ਬਾਰ ਗਿਆ।

ਸਬ ਨਾਜ਼ ਨਵਾਜ਼ ਸੰਗਾਰ ਗਿਆ।ਸਰ ਬਾਰ ਡੁਹਾਗ ਸਹਾਇਆ ਹੈ।

kiaa ishak arrah machaiaa hai.har roz ih soz savaiaa hai.

sar tan man phuk jalaiaa hai.muttha joban mufat ganvaiaa hai.

bhairri dillarri mar munjhaiaa hai.dam dam vicch darad savaiaa hai.

satt sejh ikeli hot nasse.gham pa kar jholi aish khasse.

gal har phulan da nang disse.dukkhi kisamat sab dukkh laiaa hai.

sohana sang hijar di mar giaa.yakabari yar vasar giaa.

kar zar nazar khavar giaa.tatti be vass bar sahaiaa hai.

eha dillarri ishak di kuttharri hai.jain sabar aaram vanjaiaa hai.

ma dittarri shauk di guttharri hai.jain sabar aaram vanjaiaa hai.

dil lavan hal vanjavan hai.sukh devan te dukkh pavan hai.

gham khavan darad nibhavan hai.nerra beshak kurra jaiaa hai.

sohane bajh farid karar giaa.kanm kar sabho ghar bar giaa.

sab naz navaz sangar giaa.sar bar duhag sahaiaa hai.