ہیر دی موت دی خبر رانجھے نوں دیݨی
ਹੀਰ ਦੀ ਮੌਤ ਦੀ ਖ਼ਬਰ ਰਾਂਝੇ ਨੂੰ ਦੇਣੀ
ہیر جان بحق تسلیم ہوئی، سیالاں دفن کر کے خط لکھایا ای۔
ولی غوث تے قطب سبَھ ختم ہوئے، موت سچ ہے رب فرمایا ای۔
کل شیٔ ھالک الا وجھہ، حکم وچ قرآن دے آیا ای۔
اساں صبر کیتا تساں صبر کرنا، ایہہ دُھروں ہی ہندڑ ا آیا ای۔
اساں ہور اُمید سی ہور ہوئی، خالی جائے اُمید فرمایا ای۔
ایہہ رضا قطعی نہ ٹلے ہرگز، لکھ آدمی تُرت بھجایا ای۔
ڈیرا پُچھ کے دھیدو دا جا وڑ یا، خط روئیکے ہتھ پھڑ ایا ای۔
ایہہ رو ونا خبر کیہ لیایائی، منہ کاس تھوں بُرا بنایا ای۔
معزول ہویوں تخت زندگی، تھوں فرمان تغیر دا آیا ای۔
میرے مال نُوں خیر ہے قاصداو، آکھ کاسنوں ڈسکنا لایا ای۔
تیرے مال نُوں دھاڑ وی اوہ پیا، جس توں کسے نہ مال چھڈایا ای۔
ہیر موئی نُوں اٹھواں پہر ہویا، مینوں سیالاں نے اَج بھجایا ای۔
وارثؔ شاہ میاں گل ٹھیک جانیں، تیتھے کُوچ دا آدمی آیا ای۔
ਹੀਰ ਜਾਨੇ-ਬਹੱਕ ਤਸਲੀਮ ਹੋਈ, ਸਿਆਲਾਂ ਦਫ਼ਨਾ ਕੇ ਖ਼ਤ ਲਿਖਾਇਆ ਈ।
ਵਲੀ ਗ਼ੌਸ ਤੇ ਕੁਤਬ ਸਭ ਖ਼ਤਮ ਹੋਏ, ਮੌਤ ਸੱਚ ਹੈ ਰੱਬ ਫ਼ੁਰਮਾਇਆ ਈ।
'ਕੁਲ ਸ਼ੈਅਨ ਹਾਲਿਕੁਲ ਇੱਲਾ ਵਜ ਹਾ ਹੂ', ਹੁਕਮ ਵਿੱਚ ਕੁਰਾਨ ਦੇ ਆਇਆ ਈ।
ਅਸਾਂ ਸਬਰ ਕੀਤਾ ਤੁਸਾਂ ਸਬਰ ਕਰਨਾ, ਇਹ ਧੁਰੋਂ ਹੀ ਹੁੰਦੜਾ ਆਇਆ ਈ।
ਅਸਾਂ ਹੋਰ ਉਮੀਦ ਸੀ ਹੋਰ ਹੋਈ, ਖ਼ਾਲੀ ਜਾਏ ਉਮੀਦ ਫ਼ੁਰਮਾਇਆ ਈ।
ਇਹ ਰਜ਼ਾ ਕਤਈ ਨਾ ਟਲੇ ਹਰਗਿਜ਼, ਲਿਖ ਆਦਮੀ ਤੁਰਤ ਭਜਾਇਆ ਈ।
ਡੇਰਾ ਪੁਛ ਕੇ ਧੀਦੋ ਦਾ ਜਾ ਵੜਿਆ, ਖ਼ਤ ਰੋਇਕੇ ਹੱਥ ਫੜਾਇਆ ਈ।
ਇਹ ਰੋਵਣਾ ਖ਼ਬਰ ਕੀ ਲਿਆਇਆ ਏ, ਮੂੰਹ ਕਾਸ ਥੋਂ ਬੁਰਾ ਬਣਾਇਆ ਈ।
ਮਾਜ਼ੂਲ ਹੋਇਉਂ ਤਖ਼ਤ ਜ਼ਿੰਦਗੀ ਥੋਂ, ਫ਼ਰਮਾਨ ਤਗ਼ੱਈਅਰ ਦਾ ਆਇਆ ਈ।
ਮੇਰੇ ਮਾਲ ਨੂੰ ਖ਼ੈਰ ਹੈ ਕਾਸਦਾ ਓ, ਆਖ ਕਾਸਨੂੰ ਡੁਸਕਣਾ ਲਾਇਆ ਈ।
ਤੇਰੇ ਮਾਲ ਨੂੰ ਧਾੜਵੀ ਉਹ ਪਿਆ, ਜਿਸ ਤੋਂ ਕਿਸੇ ਨਾ ਮਾਲ ਛੁਡਾਇਆ ਈ।
ਹੀਰ ਮੋਈ ਨੂੰ ਅਠਵਾਂ ਪਹਿਰ ਹੋਇਆ, ਮੈਨੂੰ ਸਿਆਲਾਂ ਨੇ ਅੱਜ ਭਿਜਵਾਇਆ ਈ।
ਵਾਰਿਸ ਸ਼ਾਹ ਮੀਆਂ ਗੱਲ ਠੀਕ ਜਾਣੀਂ, ਤੈਥੇ ਕੂਚ ਦਾ ਆਦਮੀ ਆਇਆ ਈ।
hir jane-bahakk tasalim hoee, siaalan dafana ke khat likhaiaa ee.
vali ghaus te kutab sabh khatam hoe, maut sacch hai rabb furamaiaa ee.
'kul shaian halikul illa vaj ha hu', hukam vicch kuran de aaiaa ee.
asan sabar kita tusan sabar karana, ih dhuron hi hundarra aaiaa ee.
asan hor umid si hor hoee, khali jae umid furamaiaa ee.
ih raza katee na tale haragiz, likh aadami turat bhajaiaa ee.
dera puchh ke dhido da ja varriaa, khat roike hatth pharraiaa ee.
ih rovana khabar ki liaaiaa e, munh kas thon bura banaiaa ee.
mazul hoiun takhat zindagi thon, faraman taghaeeear da aaiaa ee.
mere mal nun khair hai kasada o, aakh kasanun dusakana laiaa ee.
tere mal nun dharravi uh piaa, jis ton kise na mal chhudaiaa ee.
hir moee nun athavan pahir hoiaa, mainun siaalan ne ajj bhijavaiaa ee.
varis shah miaan gall thik janin, taithe kuch da aadami aaiaa ee.