ਸਿਆਲਾਂ ਨੇ ਹੀਰ ਨੂੰ ਮਾਰ ਦੇਣਾ

سیالاں بیٹھ کے سَتھ وچار کیتی، بھلے آدمی غیرتاں پالدے جی۔

یارو گل مشہور جہان اُتے، سانوں مہنے ہیر سیال دے جی۔

پت رہے گی نہ جے ٹور دِتی، نڈھی نال مُنڈے مہینوال دے جی۔

پھٹ جیبھ دے کا لکاں بیٹیاں دی، عیب جواں دے مہنے کال دے جی۔

جتھوں کھاوندے تتھوں دا برامنگن، دغا کرن ہو محرم حال دے جی۔

قبر وِچ دیوث خنزیر ہوسن، جیہڑ ے لاڑ ھ کرن دھن مال دے جی۔

عورت آپنی کول جے غیر ویکھن، غیرت کرن نہ اوس دے حال دے جی۔

مُنہ تِنہاں دا ویکھنا خُوک وانگوں، قتل کرن رفیق جو نال دے جی۔

سید شیخ نُوں پیر نہ جاننا ایں، عمل کرے جے اوہ چنڈال دے جی۔

ہوء چُوہڑ ا ترک حرام مُسلم،، مسلمان سبھ اوس دے نال دے جی۔

دولتمند دیوث دی ترک صحبت، مگر لگیے نیک کنگال دے جی۔

کوئی کچکرا لعل نہ ہو جاندا، جے پرو وے ئے نال اوہ لعل دے جی۔

زہر دے کے مارے ئے نڈھڑ ی نُوں، گنہگار ہو ذوالجلال دے جی۔

مار سٹیا ہیر نُوں ماپیاں نے، ایہہ پیکھنے اوس دے خیال دے جی۔

بدعملیا! جنہاں تھوں کریں چوری، محرم حال تیرے وال وال دے جی۔

سانوں جنتیں ساتھ رلاونائیں، اساں آسرے فضل کمال دے جی۔

جیہڑ ے دوزخاں نُوں بنھ تورئینگے، وارثؔ شاہ فقیر دے نال دے جی۔

ਸਿਆਲਾਂ ਬੈਠ ਕੇ ਸੱਥ ਵਿਚਾਰ ਕੀਤੀ, ਭਲੇ ਆਦਮੀ ਗ਼ੈਰਤਾਂ ਪਾਲਦੇ ਨੀ।

ਯਾਰੋ ਗਲ ਮਸ਼ਹੂਰ ਜਹਾਨ ਉੱਤੇ, ਸਾਨੂੰ ਮੇਹਣੇ ਹੀਰ ਲਿਆਲ ਦੇ ਨੀ।

ਪੱਤ ਰਹੇਗੀ ਨਾ ਜੇ ਟੋਰ ਦਿੱਤੀ, ਨੱਢੀ ਨਾਲ ਮੁੰਡੇ ਮਹੀਂਵਾਲ ਦੇ ਨੀ।

ਫਟ ਜੀਭ ਦੇ ਕਾਲਖ ਬੇਟੀਆਂ ਦੀ, ਐਬ ਜੁਆਨੀ ਦੇ ਮੇਹਣੇ ਗਾਲ੍ਹ ਦੇ ਨੀ।

ਜਿੱਥੋਂ ਆਂਵਦੇ ਤਿੱਥੋਂ ਦਾ ਬੁਰਾ ਮੰਗਣ, ਦਗ਼ਾ ਕਰਨ ਜੋ ਮਹਿਰਮ ਹਾਲ ਦੇ ਨੀ।

ਕਬਰ ਵਿੱਚ ਦਾਉਸ ਖ਼ਨਜ਼ੀਰ ਹੋਸਣ, ਜਿਹੜੇ ਲਾਡ ਕਰਨ ਧਨ ਮਾਲ ਦੇ ਨੀ।

ਔਰਤ ਆਪਣੀ ਕੋਲ ਜੇ ਗ਼ੈਰ ਵੇਖਣ, ਗ਼ੈਰਤ ਕਰਨ ਨਾ ਓਸ ਦੇ ਹਾਲ ਦੇ ਨੀ।

ਮੂੰਹ ਤਿੰਨ੍ਹਾਂ ਦਾ ਵੇਖਣਾ ਖ਼ੂਕ ਵਾਂਗੂੰ, ਕਤਲ ਕਰਨ ਰਫ਼ੀਕ ਜੋ ਨਾਲ ਦੇ ਨੀ।

ਸੱਯਦ ਸ਼ੈਖ਼ ਨੂੰ ਪੀਰ ਨਾ ਜਾਣਨਾ ਈ, ਅਮਲ ਕਰਨ ਜੋ ਉਹ ਚੰਡਾਲ ਦੇ ਨੀ।

ਹੋਏ ਚੂਹੜਾ ਤੁਰਕ ਹਰਾਮ ਮੁਸਲਮ, ਮੁਸਲਮਾਨ ਸਭ ਓਸ ਦੇ ਨਾਲ ਦੇ ਨੀ।

ਦੌਲਤਮੰਦ ਦੇਉਸ ਦੀ ਤਰਕ ਸੁਹਬਤ, ਮਗਰ ਲੱਗੀਏ ਨੇਕ ਕੰਗਾਲ ਦੇ ਨੀ।

ਕੋਈ ਕਚਕੜਾ ਲਾਲ ਨਾ ਹੋ ਜਾਂਦਾ, ਜੇ ਪਰੋਈਏ ਨਾਲ ਉਹ ਲਾਲ ਦੇ ਨੀ।

ਜ਼ਹਿਰ ਦੇ ਕੇ ਮਾਰੀਏ ਨੱਢੜੀ ਨੂੰ, ਗੁਨਾਹਗਾਰ ਹੋ ਜਲਜਲਾਲ ਦੇ ਨੀ।

ਮਾਰ ਸੁੱਟਿਆ ਹੀਰ ਨੂੰ ਮਾਪਿਆਂ ਨੇ, ਇਹ ਪੇਖਨੇ ਓਸ ਦੇ ਖ਼ਿਆਲ ਦੇ ਨੀ।

ਬਦ-ਅਮਲੀਆਂ' ਜਿਨ੍ਹਾਂ ਥੋਂ ਕਰੇਂ ਚੋਰੀ, ਮਹਿਰਮ ਹਾਲ ਤੇਰੇ ਵਾਲ ਵਾਲ ਦੇ ਨੀ।

ਸਾਨੂੰ ਜੰਨਤੀਂ ਸਾਥ ਰਲਾਉਨਾ ਏਂ, ਅਸਾਂ ਆਸਰੇ ਫਜ਼ਲ ਕਮਾਲ ਦੇ ਨੀ।

ਜਿਹੜੇ ਦੋਜ਼ਖਾਂ ਨੂੰ ਬੰਨ੍ਹ ਟੋਰੀਅਨਗੇ, ਵਾਰਿਸ ਸ਼ਾਹ ਫ਼ਕੀਰ ਦੇ ਨਾਲ ਦੇ ਨੀ।

siaalan baith ke satth vichar kiti, bhale aadami ghairatan palade ni.

yaro gal mashahur jahan utte, sanun mehane hir liaal de ni.

patt rahegi na je tor ditti, naddhi nal munde mahinval de ni.

phat jibh de kalakh betiaan di, aib juaani de mehane galh de ni.

jitthon aanvade titthon da bura mangan, dagha karan jo mahiram hal de ni.

kabar vicch daus khanazir hosan, jiharre lad karan dhan mal de ni.

aurat aapani kol je ghair vekhan, ghairat karan na os de hal de ni.

munh tinnhan da vekhana khuk vangun, katal karan rafik jo nal de ni.

sayyad shaikh nun pir na janana ee, amal karan jo uh chandal de ni.

hoe chuharra turak haram musalam, musalaman sabh os de nal de ni.

daulatamand deus di tarak suhabat, magar laggie nek kangal de ni.

koee kachakarra lal na ho janda, je paroeee nal uh lal de ni.

zahir de ke marie naddharri nun, gunahagar ho jalajalal de ni.

mar suttiaa hir nun mapiaan ne, ih pekhane os de khiaal de ni.

bad-amaliaan' jinhan thon karen chori, mahiram hal tere val val de ni.

sanun jannatin sath ralauna en, asan aasare phazal kamal de ni.

jiharre dozakhan nun bannh torianage, varis shah fakir de nal de ni.