ਹੀਰ ਦੀ ਸੱਸ

ہاتھی فوج دا وڈا سنگار ہوندا، اَتے گھوڑے سنگار ہین نراں دے نی۔

اچھا پہننا کھاونا شان شوکت، ایہہ سب بنا ہین زراں دے نی۔

گھوڑے کھان کھٹن کرامات کر دے، اکھیں ویکھدیاں جان بِن پراں دے نی۔

مجھیں گائیں سنگار دیاں ستَھ ٹلے، اَتے نُونہاں سنگار ہن گھراں دے نی۔

خیر خواہ دے نال بدخواہ ہونا، ایہہ کم ہن گیدیاں خراں دے نی۔

مشہور ہے رسم جہان اندر، پیار وہوٹیاں دے نال وراں دے نی۔

دل عورتاں لین پیار کر کے، ایہہ گبھرو مرگ ہن سراں دے نی۔

تدوں رَن بَدخُو نُوں عقل آوے، جدوں لت وجس وچ پھراں دے نی۔

سیدا ویکھ کے جائے بَلا وانگوں، وَیر دوہاں دے سراں تے دھڑاں دے نی۔

ਹਾਥੀ ਫ਼ੌਜ ਦਾ ਵੱਡਾ ਸਿੰਗਾਰ ਹੁੰਦਾ, ਅਤੇ ਘੋੜੇ ਸੰਗਾਰ ਹਨ ਨਰਾਂ ਦੇ ਨੀ।

ਹੱਛਾ ਪਹਿਨਣਾ ਖਾਵਣਾ ਸ਼ਾਨ ਸ਼ੌਕਤ, ਇਹ ਸਭ ਬਣਾਇ ਹਨ ਜ਼ਰਾਂ ਦੇ ਨੀ।

ਘੋੜੇ ਖਾਣ ਖੱਟਣ ਕਰਾਮਾਤ ਕਰਦੇ, ਅਖੀਂ ਵੇਖਦਿਆਂ ਜਾਣ ਬਿਨ ਪਰਾਂ ਦੇ ਨੀ।

ਮਝੀਂ ਗਾਈਂ ਸਿੰਗਾਰ ਦੀਆਂ ਸੱਥ ਟੱਲੇ, ਅਤੇ ਨੂੰਹਾਂ ਸ਼ਿੰਗਾਰ ਹਨ ਘਰਾਂ ਦੇ ਨੀ।

ਖ਼ੈਰਖ਼ਾਹ ਦੇ ਨਲ ਬਦਖ਼ਾਹ ਹੋਣਾ, ਇਹ ਕੰਮ ਹਨ ਗੀਦੀਆਂ ਖਰਾਂ ਦੇ ਨੀ।

ਮਸ਼ਹੂਰ ਹੈ ਰਸਮ ਜਹਾਨ ਅੰਦਰ, ਪਿਆਰ ਵਹੁਟੀਆਂ ਦੇ ਨਾਲ ਵਰਾਂ ਦੇ ਨੀ।

ਦਿਲ ਔਰਤਾਂ ਲੈਣ ਪਿਆਰ ਕਰਕੇ, ਇਹ ਗਭਰੂ ਮਿਰਗ ਹਨ ਸਰਾਂ ਦੇ ਨੀ।

ਤਦੋਂ ਰੰਨ ਬਦਖੂ ਨੂੰ ਅਕਲ ਆਵੇ, ਜਦੋਂ ਲੱਤ ਵੱਜਸ ਵਿੱਚ ਫ਼ਰਾਂ ਦੇ ਨੀ।

ਸੈਦਾ ਵੇਖ ਕੇ ਜਾਏ ਬਲਾ ਵਾਂਗੂੰ, ਵੈਰ ਦੋਹਾਂ ਦੇ ਸਿਰਾਂ ਤੇ ਧੜਾਂ ਦੇ ਨੀ।

hathi fauj da vadda singar hunda, ate ghorre sangar han naran de ni.

hacchha pahinana khavana shan shaukat, ih sabh banai han zaran de ni.

ghorre khan khattan karamat karade, akhin vekhadiaan jan bin paran de ni.

majhin gaeen singar diaan satth talle, ate nunhan shingar han gharan de ni.

khairakhah de nal badakhah hona, ih kanm han gidiaan kharan de ni.

mashahur hai rasam jahan andar, piaar vahutiaan de nal varan de ni.

dil auratan lain piaar karake, ih gabharu mirag han saran de ni.

tadon rann badakhu nun akal aave, jadon latt vajjas vicch faran de ni.

saida vekh ke jae bala vangun, vair dohan de siran te dharran de ni.