ਰਾਂਝਾ

سپ شیہنی وانگ کلہنیے نی، ماس کھانیے تے رت پینئے نی۔

کاہے فقر دے نال ریہاڑ پئی ایں، بھلا بخش سانوں ماپے جینئے نی۔

دُکھی جیو دِکھا نہ بھاگ بھرئیے، سوئن چڑی تے کونج لکھینئے نی۔

ساتھوں نِشا نہ ہوسیا مُول تیری، سکے خصم تھوں ناں پتنئیے نی۔

چرخا چائی کے نٹھیئیں مرد مارے، کسے یار نے پکڑ پلہنئیے نی۔

وارثؔ شاہ فقیر دے ویر پئی ایں، جرم تتیئے کرم دئیے ہینئے نی۔

ਸੱਪ ਸ਼ੀਹਣੀ ਵਾਂਗ ਕੁਲਹਿਣੀਏਂ ਨੀ, ਮਾਸ ਖਾਣੀਏਂ ਤੇ ਰੱਤ ਪੀਣੀਏਂ ਨੀ।

ਕਾਹੇ ਫ਼ੱਕਰ ਦੇ ਨਾਲ ਰੇਹਾੜ ਪਈਏਂ, ਭਲਾ ਬਖਸ਼ ਸਾਨੂੰ ਮਾਪੇ ਜੀਣੀਏਂ ਨੀ।

ਦੁਖੀ ਜੀਉ ਦੁਖਾ ਨਾ ਭਾਗ ਭਰੀਏ, ਸੋਇਨ-ਚਿੜੀ ਤੇ ਕੂੰਜ ਲਖੀਣੀਏਂ ਨੀ।

ਸਾਥੋਂ ਨਿਸ਼ਾ ਨਾ ਹੋਸੀਆ ਮੂਲ ਤੇਰੀ, ਸਕੇ ਖ਼ਸਮ ਥੀਂ ਨਾ ਪਤੀਣੀਏਂ ਨੀ।

ਚਰਖਾ ਚਾਇ ਨਿਹੱਥੜੇ ਮਰਦ ਮਾਰੇ, ਕਿਸੇ ਯਾਰ ਨੇ ਪਕੜ ਪਲੀਹਣੀਏਂ ਨੀ।

ਵਾਰਿਸ ਸ਼ਾਹ ਫ਼ਕੀਰ ਦੇ ਵੈਰ ਪਈਏ, ਜਰਮ-ਤੱਤੀਏ ਕਰਮ ਦੀ ਹੀਣੀਏਂ ਨੀ।

sapp shihani vang kulahinien ni, mas khanien te ratt pinien ni.

kahe fakkar de nal reharr peeen, bhala bakhash sanun mape jinien ni.

dukhi jiu dukha na bhag bharie, soin-chirri te kunj lakhinien ni.

sathon nisha na hosiaa mul teri, sake khasam thin na patinien ni.

charakha chai nihattharre marad mare, kise yar ne pakarr palihanien ni.

varis shah fakir de vair peee, jaram-tattie karam di hinien ni.