ਰਾਂਝੇ ਦਾ ਪੰਜਾਂ ਪੀਰਾਂ ਨੂੰ ਯਾਦ ਕਰਨਾ

پنجاں پیراں نوں رانجھنے یاد کیتا، جدوں ہیر سنیہڑا گھلیا ای۔

ماں باپ قاضی سبھا گرد ہوئے، گلہ سبھناں دا اساں جھلیاای۔

آئے پیر پنجے اگے ہتھ جوڑے، نِیر روندیاں مُول نہ ٹھلیاای۔

بچہ کون مصیبتاں پیش آئیاں، وِچوں جیو ساڈا تھرتھلیائی۔

میری ہیر نوں ویر حیران کیتا، قاضی ماؤں تے باپ پتھلیا ای۔

مدد کرو خداء دے واسطے دی، میرا عشق خراب ہو چلیا ای۔

بہت پیار دلاسڑے نال پیراں، مئیں رانجھے دا جیو تسلیا ای۔

تیری ہیر دی مدد تے میاں رانجھا، مخدوم جہانیاں گھلیا ای۔

دو سد سُنا کھاں ونجھلی دے، ساڈا گاونے تے جیو چلیا ای۔

وارث شاہ اگے جٹ گاؤندائی، ویکھو راگ سُن کے جیو ہلیا ای۔

ਪੰਜਾਂ ਪੀਰਾਂ ਨੂੰ ਰਾਂਝਣੇ ਯਾਦ ਕੀਤਾ, ਜਦੋਂ ਹੀਰ ਸੁਨੇਹੜਾ ਘੱਲਿਆ ਈ।

ਮਾਂ ਬਾਪ ਕਾਜ਼ੀ ਸਭ ਗਿਰਦ ਹੋਏ, ਗਿਲਾ ਸਭਨਾ ਦਾ ਅਸਾਂ ਝੱਲਿਆ ਈ।

ਆਏ ਪੀਰ ਪੰਜੇ ਅੱਗੇ ਹਥ ਜੋੜੇ, ਨੀਰ ਰੋਂਦਿਆਂ ਮੂਲ ਨਾਲ ਠੱਲ੍ਹਿਆ ਈ।

ਬੱਚਾ ਕੌਣ ਮੁਸੀਬਤਾਂ ਪੇਸ਼ ਆਈਆਂ, ਵਿੱਚੋਂ ਜਿਉ ਸਾਡਾ ਥਰਥੱਲਿਆ ਈ।

ਮੇਰੀ ਹੀਰ ਨੂੰ ਵੀਰ ਹੈਰਾਨ ਕੀਤਾ, ਕਾਜ਼ੀ ਮਾਉਂ ਤੇ ਬਾਪ ਪਥੱਲਿਆ ਈ।

ਮਦਦ ਕਰੋ ਖੁਦਾਇ ਦੇ ਵਾਸਤੇ ਜੀ, ਮੇਰਾ ਇਸ਼ਕ ਖ਼ਰਾਬ ਹੋ ਚੱਲਿਆ ਈ।

ਬਹੁਤ ਪਿਆਰ ਦਿਲਾਸੜੇ ਨਾਲ ਪੀਰਾਂ, ਮੀਏਂ ਰਾਂਝੇ ਦਾ ਜੀਉ ਤਸੱਲਿਆ ਈ।

ਤੇਰੀ ਹੀਰ ਦੀ ਮੱਦਤੇ ਮੀਆਂ ਰਾਂਝਾ, ਮਖ਼ਦੂਮ ਜਹਾਨੀਆਂ ਘੱਲਿਆ ਈ।

ਦੋ ਸੱਦ ਸੁਣਾ ਖਾਂ ਵੰਝਲੀ ਦੇ, ਸਾਡਾ ਗਾਵਣੇ ਤੇ ਜੀਉ ਚੱਲਿਆ ਈ।

ਵਾਰਿਸ ਸ਼ਾਹ ਅੱਗੇ ਜਟ ਗਾਂਵਦਾ ਈ, ਵੇਖੋ ਰਾਗ ਸੁਣ ਕੇ ਜੀਉ ਹੱਲਿਆ ਈ।

panjan piran nun ranjhane yad kita, jadon hir suneharra ghalliaa ee.

man bap kazi sabh girad hoe, gila sabhana da asan jhalliaa ee.

aae pir panje agge hath jorre, nir rondiaan mul nal thallhiaa ee.

baccha kaun musibatan pesh aaeeaan, vicchon jiu sada tharathalliaa ee.

meri hir nun vir hairan kita, kazi maun te bap pathalliaa ee.

madad karo khudai de vasate ji, mera ishak kharab ho challiaa ee.

bahut piaar dilasarre nal piran, mien ranjhe da jiu tasalliaa ee.

teri hir di maddate miaan ranjha, makhadum jahaniaan ghalliaa ee.

do sadd suna khan vanjhali de, sada gavane te jiu challiaa ee.

varis shah agge jat ganvada ee, vekho rag sun ke jiu halliaa ee.