کافیاں شاہ حسین
Kafian Shah Hussain
Shah Hussain · 164 sections · 1,883 lines
Shahmukhi is machine transliteration from the Gurmukhi, not yet checked by a person.
آگے نیں ڈونگھی، میں کت گݨ لنگھساں پار
آگے نیں ڈونگھی، میں کت گݨ لنگھساں پار۔رہاؤ۔
رات انّیری پندھ دراڈا،
ساتھی نہیوں نال۔1۔
نال ملاہ دے اݨبݨ ہوئی،
اوہ سچے میں کوڑ وگوئی،
کے در کریں پکار۔2۔
سبھنا سئیاں سہ راویا،
میں رہ گئی بے تکرار۔3۔
کہے حسین فقیر نماݨا،
میں رونیاں وکھت گجار۔4۔
آکھر دا دم بجھ، وے اڑیا
آکھر دا دم بجھ، وے اڑیا۔رہاؤ۔
ساری عمر وننایا ایویں،
باکی رہیا نا کجھ وے اڑیا۔1۔
در تے آئے لتھے واپاری،
جیتھوں لیتیا وست ادھاری،
جاں تر تھیندا ہی گجھ وے اڑیا۔2॥
کہے حسین فقیر سائیں دا،
لجھ کلجھ ن لجھ وے اڑیا۔3۔
آخر پچھوتاوینگی کڑیئے
آخر پچھوتاوینگی کڑیئے،
اٹھ ہݨ ڈھول منائے لے نیں۔1۔رہاؤ۔
سوہے ساوے لال باݨے،
کر لے کڑیئے من دے بھاݨے،
اک گھڑی شہ مول ن بھاݨے،
جاسن رنگ وٹائے۔1۔
کتھے نی تیرے نال دے ہاݨی،
کلّر وچ سبھ جائے سماݨی،
کتھے ہی تیری اوہ جوانی،
کتھے تیرے حسن ہوائے۔2۔
کتھے نی تیرے ترکی تازی،
سائیں بن سبھ کوڑی بازی،
کتھے نی تیرا سوئنا رپا،
ہوئے خاک سواہ۔3۔
کتھے نی تیرے ماݨک موتی،
اہ جنج تیری آئے کھلوتی،
کہے حسین فقیر نماݨا،
پو سائیں دے راہ۔4۔
آکھ نیں مائے آکھ نیں
آکھ نیں مائے آکھ نیں،
میرا حال سائیں اگّے آکھ نیں۔1۔رہاؤ۔
پریم دے دھاگے انتر لاگے،
سولاں سیتی ماس نیں۔1۔
نج جݨیدیئے بھولیئے مائے،
جݨ کر لایو پاپ نیں۔2۔
کہے حسین فقیر نماݨا،
جاݨدا مولا آپ نیں۔3۔
آؤ کڑے رل جھومّر پاؤ نیں
آؤ کڑے رل جھومّر پاؤ نیں،
آؤ کڑے رل رام دھیاؤ نیں۔
ماݨ لے گلیاں بابل والیاں،
وت ن کھیڈݨ دیسیا ماؤ نیں۔رہاؤ۔
ساڈا جیو ملݨ نوں کردا،
سوننا لوک بخیلی کردا۔
سانوں ملݨ دا پہلڑا چاؤ نیں۔1۔
سئیاں وسن رنگ مہلیں،
چاؤ جناں دے کھیڈݨ چلّی۔
ہتھ اٹیرن رہ گئی چھلّی،
در مکلاؤ بیٹھے آؤ نیں۔2۔
اچّے پپّل پینگھاں پئیاں،
سبھ سئیاں مل جھوٹݨ گئیاں۔
آپو آپݨی گئی لنگھاؤ نیں۔3۔
کہے حسین فقیر نماݨا،
دنیاں چھوڈ آخر مر جاݨا۔
کدی تاں اندر جھاتی پاؤ نیں۔4۔
آپ نوں پچھاݨ بندے
آپ نوں پچھاݨ بندے۔
جے تدھ آپݨا آپ پچھاتا،
صاحب نوں ملݨ آسان بندے۔رہاؤ۔
اچڑی ماڑی سوئنے دی سیجا،
ہر بن جاݨ مساݨ بندے۔1۔
اتّھے رہݨ کسے دا ناہیں،
کاہے کوں تاݨہ تاݨ بندے۔2۔
کہے حسین فقیر ربّاݨا،
فانی سبھ جہان بندے۔3۔
عاشق ہوویں تاں عشق کماویں
عاشق ہوویں تاں عشق کماویں۔رہاؤ۔
راہ عشق دا سوئی دا نکّا،
تاگا ہووے تاں جاویں۔1۔
باہر پاک اندر آلودا،
کیا توں شیکھ کہاویں۔2۔
کہے حسین جے پھارگ تھیویں،
تاں خاص مراتبا پاویں۔3۔
اہنس وس رہی دل میرے
اہنس وس رہی دل میرے،
سورت یار پیارے دی۔
باغ تیرا بگیچا تیرا،
میں بلبل باغ تہارے دی۔رہاؤ۔
آپݨے شہ نوں آپ ریجھاواں،
ہاجت نہیں پسارے دی۔1۔
کہے حسین فقیر نماݨا،
تھیواں کھاک دوارے دی۔2۔
عملاں دے اپر ہوگ نبیڑا
عملاں دے اپر ہوگ نبیڑا،
کیا سوپھی کیا بھنگی۔رہاؤ۔
جو رب بھاوے سوئی تھیسی،
سائی بات ہے چنگی۔1۔
آپے ایک انیک کہاوے،
صاحب ہے بہرنگی۔2۔
کہے حسین سہاگن سوئی،
جے سہ دے رنگ رنگی۔3۔
انی جندے مینڈڑیئے
انی جندے مینڈڑیئے،
تیرا نلیاں دا وکھت وہاݨا۔1۔رہاؤ۔
راتیں کتّیں دہیں اٹیریں،
گوڈے لایو تاݨا۔1۔
کوئی جو تند پئی اولی،
صاحب مول ن بھاݨا۔2۔
چیری آئی ڈھل ن کائی،
کیا راجا کیا راݨا۔3۔
کہے حسین فقیر سائیں دا،
ڈاڈھے دا راہ نماݨا۔4۔
انی سئیو نیں
انی سئیو نیں،
میں کتّدی کتّدی ہٹّی،
اتّݨ دے وچ گوڑے رلدے،
ہتھ وچ رہ گئی جٹی۔1۔رہاؤ۔
سارے ورھے وچ چھلّی اک کتّی،
کاگ مریندا جھٹّی۔1۔
سیجے آواں کنت ن بھاواں،
کائی وگّ گئی کلم اپٹھی۔2۔
کہے حسین فقیر سائیں دا،
سبھ دنیاں جاندی ڈٹّھی۔4۔
اساں بہڑ نا دنیاں آوݨا
اساں بہڑ نا دنیاں آوݨا۔رہاؤ۔
سدا نا پھلن توریاں
سدا نا لگدے نی ساوݨا۔1۔
سوئی کمّ وچار کے کیجیئے جی،
جاں تے انت نہیں پچھتاوݨا۔2۔
کہے شاہ حسین سݨائے کے،
اساں خاک دے نال سماوݨا۔3۔
اساں کتکوں شیخ سداوݨا
اساں کتکوں شیخ سداوݨا،
گھر بیٹھیاں منگل گاوݨا،
اساں ٹکر منگ منگ کھاوݨا،
اساں ایہو کمّ کماوݨا۔1۔رہاؤ۔
عشق فقیراں دی ٹوہݨی،
ایہہ وست اگوچر جوہݨی،
اساں طلب تیری ہے سوہݨی،
اساں ہر دمّ رب دھیاوݨا۔1۔
اساں ہور ن کسے آکھݨا،
اساں نام سائیں بھاکھݨا،
اک تکیا تیرا راکھݨا،
اساں من اپنا سمجھاوݨا۔2۔
اساں اندر باہر لال ہے،
اساں مرشد نال پیار ہے،
اساں ایہو وݨج وپار ہے،
اساں جیوندیاں مر جاوݨا۔3۔
کوئی مرید کوئی پیر ہے،
ایہ دنیاں سبھ زہیر ہے۔
اک شاہ حسین فقیر ہے،
اساں رلمل جھرمٹ پاوݨا۔4۔
چور کرن نتّ چوریاں
چور کرن نتّ چوریاں،
عملی نوں عملاں دیاں گھوڑیاں،
کامی نوں چنتا کام دی،
اساں طلب سائیں دے نام دی۔1۔رہاؤ۔
پاتشاہاں نوں پاتشاہیاں،
شاہاں نوں اگراہیاں،
مہراں نوں پنڈ گرانو دی۔1۔
اک باجی پائی سائیاں،
اک اچرج کھیل بݨائیاں،
سبھ کھیڈ کھیڈ گھر آنودی۔2۔
لوک کرن لڑائیاں،
سرم رکھیں توں سائیاں،
سبھ مر مر خاک سمانودی۔3۔
اک شاہ حسین فقیر ہے،
تسیں ن کوئی آکھو پیر ہے،
اساں کوڑی گلّ ن بھانودی۔4۔
اتّݨ میں کیوں آئی ساں
اتّݨ میں کیوں آئی ساں،
میری تند ن پئیا کائے۔
آؤندیاں اٹھ کھیڈݨ لگی،
چرکھا چھڈیا چائے۔رہاؤ۔
کتّݨ کارݨ گوڑھے آندے،
گیا بلیدا کھائے۔1۔
ہورناں دیاں اڑی اٹّیاں،
نماݨی دی اڑی کپاہ۔2۔
ہورناں کتّیاں پنج ست پوݨیاں،
میں کی آکھانگی جائے۔3۔
کہے حسین سچجیاں ناری،
لیسن سہ گل لائے۔4۔
بابل گنڈھیں پائیاں
بابل گنڈھیں پائیاں،
دن تھوڑے، پائے،
داج وہونی میں چلی،
مکلاؤڑے آئے۔1۔
یا مولا یا مولا،
پھر ہے بھی مولا۔1۔رہاؤ۔
گنڈھاں کھلݨ تیریاں،
تینوں خبر ن کائی،
اس وچھوڑے موت دے،
کوئی بھیݨ ن بھائی۔2۔
آوہ ملہ سہیلڑیو،
میں چڑنی ہاں کھارے،
وتّ ن میلا ہوسیاں،
ہݨ ایہو وارے۔3۔
ماں رووندی زار زار،
بھیݨ کھری پکارے،
ازرائیل فریشتا
لے چلیا وچارے۔4۔
اک انھیری کوٹھڑی
دوجا دیوا ن باتی،
باہوں پکڑ جم لے چلے،
کوئی سنگ ن ساتھی۔5۔
خودی تکبّری بندیا چھوڈ دے،
توں پکڑ ہلیمی،
گور نماݨی نوں توں یاد کر،
تیرا وطن کدیمی۔6۔
ہتّھ مروڑیں سر دھݨے،
ویلا چھل جاسی،
کہے حسین فقیر نماݨا،
متر ہوئے اداسی 7۔
باجھوں سجّݨ مینوں ہور نہیں سجھدا
باجھوں سجّݨ مینوں ہور نہیں سجھدا۔
باجھوں سجّݨ مینوں ہور نہیں سجھدا۔رہاؤ۔
من تنور آنہی دے النبے،
سیج چڑھیدا مینڈا تن من بھجدا۔1۔
تن دیاں تن جاݨے،
من دیاں من جاݨے،
مہرمی ہوئے س دل دیاں بجھدا۔2۔
کہے حسین فقیر سائیں دا،
لوک بکھیلا پچ پچ لجھدا۔3۔
بالپݨ کھیڈ لے کڑیئے نیں
بالپݨ کھیڈ لے کڑیئے نیں،
تیرا اجّ کہ کلھ مکلاوا۔رہاؤ۔
کھینوڑا کھڈندیئے کڑیئے،
کنّ سوئنے دا والا،
ساہرڑے گھر البت جاݨا،
پیئیئے کوڑا دعوا۔1۔
ساوݨ مانہ سرنگڑا آیا،
دسّن ساویں تلّے،
کہے حسین فقیر سائیں دا،
اج آئے کلھ چلّے۔2۔
بندے آپ نوں پچھاݨ
بندے آپ نوں پچھاݨ۔
جے تیں آپدا آپ پچھاتا،
سائیں دا ملݨ اسان۔رہاؤ۔
سوئنے دے کوٹ رپہری چھجّے،
ہر بن جاݨ مساݨ۔1۔
تیرے سر تے جم ساجش کردا،
بھاویں توں جاݨ ن جاݨ۔2۔
ساڈھے تن ہتھ ملکھ تساڈی،
ایڈے توں تاݨے نا تاݨ۔3۔
سوئنا رپا تے مال خزینا،
ہوئے رہیا مہمان۔4۔
کہے حسین فقیر نماݨا،
چھڈّ دے خودی گمان۔5۔
بریاں بریاں بریاں وے
بریاں بریاں بریاں وے،
اسیں بریاں وے لوکا۔
بریاں کول ن بہ وے۔
تیراں تے تلواراں کولوں،
تکّھیاں برہوں دیاں چھریاں وے لوکا۔1۔رہاؤ۔
لڈ سجّݨ پردیس سدھاݨے،
اسیں ودیا کر کے مڑیاں وے لوکا۔1۔
جے توں تخت ہزارے دا سائیں،
اسیں سیالاں دیاں کڑیاں وے لوکا۔2۔
ساجھ پات کاہوں سوں ناہیں،
سائیں کھوجن اسیں ٹریاں وے لوکا۔3۔
جنھاں سائیں دا ناؤں ن لیتا،
اوڑک نوں اوہ جھریاں وے لوکا۔4۔
کہے حسین فقیر سائیں دا،
ساہب سیوں اسیں جڑیاں وے لوکا۔5۔
(پاٹھ بھید)
اسیں بریاں وے لوکا بریاں۔
کول ن بہ وے اسیں بریاں۔رہاؤ۔
تیراں تے تلواراں کولوں،
تکّھیاں نیݨاں دیاں چھریاں۔
سجّݨ اساڈے پردیس سدھاݨے،
اسیں ودیا کر کے مڑیاں۔
جے توں تخت ہزارے دا سائیں،
اسیں سیالاں دیاں کڑیاں۔
کہے حسین فقیر رباݨا،
لگیاں مول ن مڑیاں۔
چارے پلو چولݨی، نیݨ روندی دے بھنّے
چارے پلو چولݨی،
نیݨ روندی دے بھنّے۔رہاؤ۔
کت ن جاݨا پوݨیاں،
دوش دینیاں مونّے۔1۔
آوݨ آوݨ کہ گئے،
ماہ باراں پونّے۔2۔
اک انّھیری کوٹھڑی،
دوجے متّر وچھونّے۔3۔
کالے ہرنا چر گیوں
شاہ حسین دے بنّے۔4۔
چندیں ہجار آلم توں کیہڑیاں کڑے
چندیں ہجار آلم توں کیہڑیاں کڑے۔
چریندی آئی لیلڑے،
تمیندی انّ کڑے۔رہاؤ۔
اچّی گھاٹی چڑھدیاں،
تیرے کنڈے پیر پڑے۔
تیں جیہا میں کوئی ن ڈٹّھا،
اگّے ہوئے مڑے۔1۔
بناں عملاں آدمی،
ویندے ککّھ لڑے۔
پیر پیکنبر اؤلیئے،
درگہ جائے وڑے۔2۔
سبھے پاݨی ہاریاں،
رنگا رنگ گھڑے۔
شاہ حسین فقیر سائیں دا،
درگہ ونج کھڑے۔3۔
چارے پلّے چونڑی نیݨ روندی دے بھنّے
چارے پلّے چونڑی نیݨ روندی دے بھنّے۔
آوݨ آوݨ کہ گئے جاہ باگاں پونّے۔
کتّ ن جاݨاں پوݨیاں دوش دیدی ہاں مونّے۔
لکھݨ ہارا لکھ گیا کی ہوندا رونّے۔
اک ہنیری کوٹھڑی دوجا متّر وچھونّے۔
کالیا ہرنا چر گیوں، شاہ حسین دے بنّے۔
چرکھا میرا رنگلڑا رنگ لال
چرکھا میرا رنگلڑا رنگ لال۔رہاؤ۔
جیوڈ چرکھا تیوڈ مونّے،
ہݨ کہ گیا، باراں پونّے،
سائیں کارن لوئن رونّے،
روئے وننایا ہال۔1۔
جیوڈ چرکھا تیوڈ گھمائݨ،
سبھے آئیاں سیس گوندائݨ،
کائی ن آئیا حال ونڈائݨ،
ہݨ کائی ن چلدی نال۔2۔
وچّھے کھادھا گوڑھا واڑا،
سبھو لڑدا ویڑا پاڑا،
میں کی پھیڑیا ویہڑے دا نیں،
سبھ پئیاں میرے کھیال 3۔
جیوڈ چرکھا تیوڈ پچّھی،
ماپیاں میریاں سر تے رکّھی،
کہے حسین فقیر سائیں دا،
ہر دم نام سمال۔4۔
چوہڑی ہاں دربار دی
چوہڑی ہاں دربار دی۔رہاؤ۔
دھیان دی چھجّلی گیان دا جھاڑو،
کام کرودھ نتّ جھاڑدی۔
قاضی جاݨے سانوں ہاکم،
جاݨے، ساتھے پھارکھتی ویگار دی۔1۔
ملّ جاݨے ار مہتا جاݨے،
میں ٹہل کراں سرکار دی۔
کہے حسین فقیر نماݨا،
طلب تیرے دیدار دی۔2۔
ڈاڈھا بیپرواہ
ڈاڈھا بیپرواہ،
میڈّی لاج تیں پر آہی۔
ہتّھی مہندی پیریں مہندی،
کھارے چائے بہائی۔
سسّ نناݨاں دیندیاں تاہنے،
داج وہوݨی آئی۔
سونّے مونّے دائم رونّے،
چرکھے جیو کھپایا۔
بیبی پچّھی دائم پچّھی،
کت تونب جس وچ پایا۔
بھوندیاں چوندیاں چھلّی کیتی،
کاج پایا لے جایا۔
رات اندھیری گلینئیں چکّڑ،
ملیا یار سپاہی۔
شاہ حسین فقیر سائیں دا،
ایہہ گلّ سجھدی آہی۔
درد وچھوڑے دا حال
درد وچھوڑے دا حال،
نی میں کینوں آکھاں۔
سولاں مار دیوانی کیتی،
برہوں پیا ساڈے خیال،
نی میں کینوں آکھاں۔
سولاں دی روٹی دکھاں دا لاوݨ،
ہڈّاں دا بالݨ بال،
نی میں کینوں آکھاں۔
جنگل جنگل پھراں ڈھونڈھیندی،
اجے ن ملیا مہینوال،
نی میں کینوں آکھاں۔
رانجھݨ رانجھݨ پھراں ڈھونڈھیندی،
رانجھݨ میرے نال،
نی میں کینوں آکھاں۔
کہے حسین فقیر سائیں دا،
ویکھ نماݨیاں دا حال،
نی میں کینوں آکھاں۔
ڈیکھ ن مینڈے اوگݨ ڈاہوں
ڈیکھ ن مینڈے اوگݨ ڈاہوں،
تیرا نام ستّاری دا۔رہاؤ۔
توں سلطان سبھو کچھ سردا،
مالم ہے تینوں حال جگر دا،
تو کولوں کچھ ناہیں پڑدا،
پھول ن عیب وچاری دا۔1۔
توں ہی آکل توں ہی دانا،
توں ہی میرا کر کھسمانا،
جو کچھ دل میرے وچ گزرے،
توں مہرم گلّ ساری دا۔2۔
تونہے داتا تونہے بھگتا،
سبھ کچھ دیندا مول ن چکّدا،
توں دریاؤ مہر دا وہندا،
مانگن کرب بھکھاری دا۔3۔
ایہ عرض حسین سݨاوے،
تیرا کیتا میں من بھاوے،
دوکھ درد کچھ نیڑ ن آوے،
ہر دم شکر گزاری دا۔4۔
دل درداں کیتی پوری
دل درداں کیتی پوری،
دل درداں کیتی پوری۔رہاؤ۔
لکھ کروڑ جہناں دے جڑیا،
سو بھی جھوری جھوری۔1۔
بھٹّھ پئی تیری چٹّی چادر،
چنگی فقیراں دی بھوری۔2۔
سادھ سنگت دے اولھے رہندے،
بدّھ تناں دی سوری۔3۔
کہے حسین فقیر سائیں دا،
خلکت گئی ادھوری۔4۔
دن چار چوگان میں کھیل، کھڑی
دن چار چوگان میں کھیل، کھڑی،
دیکھاں کوݨ جیتے باجی کوݨ ہارے۔
گھوڑا کوݨ کا چاک چالاک چالے،
دیکھاں ہاتھ ہمّت کر کوݨ ڈارے۔رہاؤ۔
اس جیو پر باجیا آن پڑی،
دیکھاں گوئے میدان میں کوݨ مارے۔1۔
ہائے ہائے جہان پکارتا ہے،
سمجھ کھیل باجی شاہ حسین پیارے۔2۔
دہوں لتھا ہی ہرٹ ن گیڑ نیں
دہوں لتھا ہی ہرٹ ن گیڑ نیں۔1۔رہاؤ۔
سئیاں نال گھر ونن سویرے،
کوڑے جھیڑ ن جھیڑ نیں۔1۔
اکنا بھریا اک بھر گئیاں،
اکنا نوں بھئی اویر نیں۔2۔
پچھوں دی پچھتاسیں کڑیئے،
جدوں پوسیا گھومّݨ گھیر نیں۔3۔
کہے حسین فقیر سائیں دا،
اتھے وت نہیں آوݨا پھیر نیں۔4۔
دن لتھڑا ہرٹ ن گیڑ موئیئے
دن لتھڑا ہرٹ ن گیڑ موئیئے۔
اک بھر آئیاں اک بھر چلیاں۔
اکنا لائی ڈیر موئیئے۔
تجھے بگانی کیا پڑی،
توں آپݨی آپ نبیڑ موئیئے۔
کہے حسین فقیر سائیں دا،
آوݨ ن دوجی ویر موئیئے۔
دنیاں جیوݨ چار دہاڑے
دنیاں جیوݨ چار دہاڑے،
کوݨ کس نال رسّے۔رہاؤ۔
جہ ولّ ونجاں موت تتے ولّ،
جیون کوئی ن دسّے۔1۔
سر پر لدّݨا ایس جہانوں،
رہݨا ناہیں کسّے۔2۔
کہے حسین فقیر سائیں دا،
موت وٹیندڑی رسّے۔3۔
دنیاں تالب مطلب دی وو
دنیاں تالب مطلب دی وو،
سچ سݨ وو فقیرا۔رہاؤ۔
مطلب آوے مطلب جاوے،
مطلب پوجے گر پیرا۔1۔
مطلب پہناوے، مطلب کھلاوے،
مطلب پلاوے نیرا۔2۔
کہے حسین جن مطلب چھوڈیا،
سو میرن سر میرا۔3۔
دنیاں توں مر جاوݨا، وت ن آوݨا
دنیاں توں مر جاوݨا، وت ن آوݨا،
جو کچھ کیتو برا بھلا وو،
کیتا آپݨا پاوݨا۔رہاؤ۔
آدمیوں پھر مردہ کیتا،
متر پیاریا تیرا چولا سیتا،
گور منزل پہونچاوݨا۔1۔
چار دہاڑے گوئل واسا،
کیا جاݨا کت ڈھلسی وو پاسا،
بالک من پرچاوݨا۔2۔
چہوں جݨیاں مل جھولم جھولی،
کندھے اٹھائے لیتا ڈنڈا ڈولی،
جنگل جائے وساوݨا۔3۔
کہے حسین فقیر رباݨا،
کوڑ کڑاوا کردا ای ماݨا،
کھاکو دے وچ سماوݨا۔4۔
گاہک ویندا ہی کجھ وٹ لے
گاہک ویندا ہی کجھ وٹ لے۔
آیا گاہک مول ن موڑیں،
ٹکا پنجاہا گھٹّ لے۔رہاؤ۔
پیئیاڑے دن چار دہاڑے،
ہر ول جھاتی گھت لے۔1۔
بابل دے گھر داج وہوݨی،
دڑ بڑ پوݨّی کت لے۔2۔
ہورنا نال ادھار کریندی،
ساتھہ بھی کجھ ہتھ لے۔3۔
کہے حسین فقیر نماݨا،
اہ شاہاں دی مت لے۔4۔
گل وو کیتی ساڈے خیال پئی
گل وو کیتی ساڈے خیال پئی،
گل پئی وو نباہی لوڑیئے۔رہاؤ۔
شمھاں دے پروانے وانگوں،
جلدیاں انگ ن موڑیئے۔1۔
ہاتھی عشق مہاوت رانجھا،
انکس دے دے ہوڑیئے۔2۔
کہے حسین فقیر سائیں دا،
لگّی پریت ن توڑیئے۔3۔
گھڑی اک دے مجمان مساپھر
گھڑی اک دے مجمان مساپھر،
پئیاں تاں رہݨ سرائیں۔
کوٹاں دے سکدار سݨیدے،
اکّھی دسدے ناہیں۔رہاؤ۔
چھوڈ تکبّری پکڑ ہلیمی،
کوئی کہیں دا ناہیں۔1۔
کہے حسین فقیر نماݨا،
ہر دم سائیں سائیں۔2۔
گھر سوہݨ سہیاں ایتڑیاں
گھر سوہݨ سہیاں ایتڑیاں،
ہوڑیاں ہٹکیاں رہݨ ن مولے،
ڈونگھے چکّڑ لیٹڑیاں۔رہاؤ۔
کائیاں بھکّھیاں کائی تہائی،
کائے جگندیاں کائے نندرائی،
کئیاں سکھیاں چوند مچائی،
پنجاں بیڑی وہݨ لڑھائی،
سبھ گھر دیاں منجھ بھیتڑیاں۔1۔
پنجے سکھیاں اکو جیہیاں،
حکم سنجوگ اکٹّھیاں ہوئیاں،
جو پنجاں نوں دھاگا پائے،
سا سبھرائی کنت ریجھائے،
کہے حسین بشرمیں سئیناں،
آئے پون اچیتڑیاں۔2۔
گھولی ونناں سائیں تیتھوں
گھولی ونناں سائیں تیتھوں،
ہال اساڈے دے محرم سجّݨا۔
کدی تاں درس دکھال پیاریا،
سدا سہارا پڑدے کجّݨا۔رہاؤ۔
ایہو منگ لیتی تو کولوں،
پل پل بڈھے تساں ول لگّݨا۔1۔
کہے حسین فقیر نماݨا،
ہر دم نام تساڈے رجّݨا۔2۔
گھومّ چرکھڑیا گھومّ (وے)
گھومّ چرکھڑیا گھومّ (وے)،
تیری کتّݨ والی جیوے،
نلیاں وٹّݨ والی جیوے۔رہاؤ۔
بڈّھا ہویوں شاہ حسینا،
دندیں جھیراں پئیاں،
اٹھ سویرے ڈھونڈݨ لگوں،
سنجھ دیاں جو گئیاں۔1۔
ہر دم نام سمال سائیں دا،
تاں توں استھر تھیویں،
پنجاں ندیاں دے مونہ آیا،
کت گݨ چایا جیویں۔2۔
چرکھا بولے سائیں سائیں،
بائڑ بولے توں،
کہے حسین فقیر سائیں دا،
میں ناہیں سبھ توں۔3۔
گوئلڑا دن چار
گوئلڑا دن چار،
کڑے سئیاں کھیڈݨ آئیاں نی۔رہاؤ۔
بھولی ماؤ ن کھیڈݨ دیئی،
ہنجھو درد روائیاں نی۔
چند کے چاندن سئیاں کھیڈݨ،
گافل تمر رہائیاں نی۔1۔
ساہرڑے گھر البت جاݨا،
جاݨن سے سبھرائیاں نی۔
کہے حسین فقیر نماݨا،
جناں چائیاں سو توڑ نبھائیاں نی۔2۔
ہسّݨ کھیڈݨ بھائے اساڈے
ہسّݨ کھیڈݨ بھائے اساڈے،
دتّا جی رب آپ اسانوں۔
اک روندے روندے روئے گئے،
اک ہس رس لے گئے گوئے میدانوں۔رہاؤ۔
چھوڈ تکبّری پکڑ ہلیمی،
کی وٹیو اس خودی گمانوں۔1۔
کہے حسین فقیر سائیں دا،
صحیح سلامت چلے جہانوں۔2۔
ہوں متیں دیندی ہاں بال ااݨے نوں
ہوں متیں دیندی ہاں بال ااݨے نوں۔
دارو لایا لگدا ناہیں،
پچھ پچھ رہی سیاݨے نوں۔رہاؤ۔
سیاہی گئی سپیدی آئی،
رونیں ہاں وکھت وہاݨے نوں۔
پنجاں ندیاں دے مونہ آئی،
کیہا دوس مہاݨے نوں۔
کہے حسین فقیر سائیں دا،
کی کریئے رب دے بھاݨے نوں۔
ہݨ تݨ دیساں تیرا تاݨا
ہݨ تݨ دیساں تیرا تاݨا،
میری جندڑیئے نیں۔
صاحب جادڑیئے نیں۔
سرپر جاوݨیئیں نیں۔
گھومّ ن آوݨیئیں نیں۔
ہݨ تݨ دیساں تیرا تاݨا۔
کتّدیاں کتّدیاں امر وہائی،
نکلیا سوت پراݨا۔
کھڈّی دے وچ جلاہی پھاتھی،
نلیاں دا وکھت وہاݨا۔رہاؤ۔
تاݨے پیٹے اکو سوتر،
دتیا بھاؤ ن جاݨا۔
چونسی پینسی چھڈ کراہی،
ہزاریں رچّھ پچھاݨا۔1۔
تاݨا آندا باݨا آندا،
آندا چرکھا پراݨا۔
آکھݨ دی کچھ ہاجت ناہیں،
جو جاݨے سو جاݨا۔2۔
دھرن اکاش وچ وتھ چپّے دی،
تہاں شاہاں دا تاݨا۔
سبھ دیسے شیشے دا مندر،
وچ شاہ حسین نماݨا۔3۔
حسینوں کس باغے دی مولی
حسینوں کس باغے دی مولی۔
باگاں دے وچ چنبا مروا،
میں بھ وچ گندھولی۔
کوڑی دنیاں کوڑا ماݨا،
دنیاں پھردی پھلی۔
چھوڈ تکبّر پکڑ ہلیمی،
شاہ حسین پائے سمجھولی۔
اک عرض نماݨیاں دی
اک عرض نماݨیاں دی،
سݨ جندو نیں۔
سرت دا تاݨا،
نرت دا باݨا،
ہر ہر پیٹا
وݨ جندو نیں۔رہاؤ۔
کاہے کو جھریں تے جھکھ ماریں،
رام بھجن بن باجی ہاریں،
بیجیا ہی سو لݨ جندو نیں۔1۔
کاہے گربہں دیکھ جوانی،
تیں جیہیاں کئیاں کھان کھوانی،
کال لئیاں سبھ چݨ جندو نیں۔2۔
کہے حسین فقیر گدائی،
پچّھی پوݨی دیہ لٹائی،
شہ نوں ملنی ہیں ہݨ جندو نیں۔3۔
اک دن تینوں سپنا بھی ہوسن
اک دن تینوں سپنا بھی ہوسن
گلیاں بابل والیاں۔
اڈّ گئے بھور پھلّاں دے کولوں،
سݨ پتّراں سݨ ڈالیاں۔
جنگل ڈھونڈیا میں بیلا ڈھونڈیا،
بوٹا بوٹا کر بھالیاں۔
کتّݨ بیٹھیاں وت وت گئیاں،
جیوں جیوں کھسم سمالیاں۔
سیئی راتیں لیکھے پئیاں،
جکے نال متّراں دے جالیاں۔
جت تن لگّی سوئی تن جاݨے،
ہور گلّاں کرن سکھالیاں۔
کہے حسین فقیر سائیں دا،
برہوں تساڈے جالیاں۔
اک دن تینوں سپنا تھیسن
اک دن تینوں سپنا تھیسن،
گلیاں بابل والیاں وو۔رہاؤ۔
اڈ گئے بھور پھلّاں دے کولوں،
سݨ پتّراں سݨ ڈالیاں۔1۔
جت تن لگّی سوئی تن جاݨے،
ہور گلّاں کرن سکھالیاں۔2۔
رہ وے قاضی دل نہیوں راضی،
گلّاں ہوئیاں تاں ہووݨ والیاں۔3۔
سیئی راتیں لیکھے پوسن،
جو نال صاحب دے جالیاں۔4۔
ناؤں حسینا تے ذات جلاہا،
گالیاں دیندیاں تاݨیاں والیاں۔5۔
اک دوئے تن چار پنج
اک دوئے تن چار پنج،
چھیئے ست اسیں اٹھ نوں۔رہاؤ۔
چرکھا چائے سبھے گھر گئیاں،
رہی اکیلی اک ہوں۔1۔
جیہا ریجا ٹھوک وݨایو،
تیہی چادر تاݨ سوں۔2۔
کہے حسین فقیر سائیں دا،
آئے لگّی ہݨ چھک پوں۔3۔
عشق فقیراں دا قائم دائم
عشق فقیراں دا قائم دائم،
کبہوں ن تھیوے بیہا۔
تینوں رب نا بھلّی دوائے فقیراں دی ایہا۔1۔رہاؤ۔
ہورناں نال ہسندی کھڈندی،
ساہاں تھوں گھونگٹ کیہا۔1۔
شہ نال توں مول ن بولیں،
ایہہ گمان کویہا۔2۔
چارے نیݨ گڈاوڈ ہوئے،
وچّ وچولا کیہا۔3۔
اچّھل ندیاں تارو ہوئیاں،
وچ بریتا کیہا۔4۔
آپ کھانیں ہیں ددّھ ملیدا،
شاہاں نوں ٹکّر بیہا۔5۔
کہے حسین فقیر سائیں دا،
مر جاݨا تے ماݨا کیہا۔6۔
اتھے رہݨا ناہیں
اتھے رہݨا ناہیں،
کوئی بات چلݨ دی کر وو۔رہاؤ۔
وڈے اچّے مہل اساریو،
گور نماݨی گھر وو۔1۔
جس دیہی دا توں ماݨ کرینیں،
جیوں پرچھاوے ڈھر وو۔2۔
چھوڑ ترکھائی پکڑ ہلیمی،
بھے صاحب تھیں ڈر وو۔3۔
کہے حسین حیاتی لوڑیں
تاں مرن تھیں اگے مر وو۔4۔
ایویں گئی وہائے
ایویں گئی وہائے،
کوئی دم یاد ن کیتا۔رہاؤ۔
رہی وݨائے تݨائے،
کوئی گز پاڑ ن لیتا۔1۔
کورا گئی ہنڈھائے،
کوئی رنگدار ن لیتا۔2۔
بھریا سر لیلائے،
کوئی بک جھول ن پیتا۔3۔
کہے حسین گدائے،
چلدیاں ودا ن کیتا۔4۔
ایویں گجری رات
ایویں گجری رات،
کھیڈݨ نا تھیا۔رہاؤ۔
سبھے ذاتی وڈّیاں،
نماݨی فقیراں دی جات۔1۔
کھیڈ گھنّو کھڈائے گھنّو،
تھی گئی پربھات۔2۔
کھڑا پکارے پاتݨی
بیڑا کوات۔3۔
شاہ حسین دی آجزی،
کاچھ (قاف) کہاڑے وات۔4۔
ایویں گجری گالیں کردیاں
ایویں گجری گالیں کردیاں،
کچھ کیتو ناہیں سردیاں۔1۔رہاؤ۔
توں ستوں چادر تݨ کے،
تیں امل ن کیتیاں جاݨ کے،
رس روسیں لیکھا بھردیاں۔1۔
جائے پچھو انا وانڈھیاں،
جنھاں اندر بلدی ڈاڈھیاں،
اوہناں عرض ن کیتی ڈردیاں۔2۔
کہے حسین سݨائے کے،
پچھتاسیں اتھوں جائے کے،
کوئی سنگ ن ساتھی مردیاں۔3۔
جاگ ن لدھیا سݨ جندو
جاگ ن لدھیا سݨ جندو،
ہبھو وہاݨی رات۔رہاؤ۔
اس دم دا وو کی بھرواسا،
رہن سرانئیں رات۔1۔
وچھڑے تن من بہڑ ن میلا،
جیوں ترور تٹّے پات۔2۔
کہے حسین فقیر سائیں دا،
ہوئے گئی پربھات۔3۔
جاں جیویں تاں ڈردا رہ وو
جاں جیویں تاں ڈردا رہ وو۔رہاؤ۔
باندر باجی کرے بجاری،
سہل نہیں اتھے لاون یاری،
رہ وو اڈک وچھیڑ اناڑی،
کڈھ ن گردن سدھا وہ وو۔1۔
نیہی سر تے ناؤں دھراون،
بلدی آتش نوں ہتھ پاون،
آہیں کڈّھݨ تے کوک سݨاون،
گل ن تینوں بݨدی اوہ وو۔2۔
در میدان محبت ذاتی،
سہل نہیں اتھے پاون جھاتی،
جیں تے برہ وگاوے کاتی،
مڈھ کلیجے دے اندر ڈہ وو۔3۔
اصلی عشق متّراں دا ایہا،
پہلے مار سکاون دیہا،
سہل نہیں اتھے لاون نیہا،
جے لایو تاں کسے ن کہ وو۔4۔
تو باجھو سبھ جھوٹھی باجی،
کوڑی دنیاں پھرے گمازی،
نہوں حقیقت گھنّ مجازی،
دوویں گلّاں سٹ ن بہ وو۔5۔
کہے حسین فقیر گدائی،
دم ن مارے بے پرواہی،
سو جاݨے جن آپے لائی،
اہ ویکھ جاننی آئے اہ وو۔6۔
جگ میں جیون تھوہڑا کوݨ کرے جنجال
جگ میں جیون تھوہڑا کوݨ کرے جنجال۔رہاؤ۔
کیندے گھوڑے ہستی مندر،
کیندا ہے دھن مال۔1۔
کہاں گئے ملاں کہاں گئے قاضی،
کہاں گئے کٹک ہزار۔2۔
ایہہ دنیاں دن دوئے پیارے،
ہر دم نام سمال۔3۔
کہے حسین فقیر سائیں دا،
جھوٹھا سبھ بیوپار۔4۔
جہاں دیکھو تہاں کپٹ ہے
جہاں دیکھو تہاں کپٹ ہے،
کہوں ن پیو چین۔
دغاباز سنسار تے،
گوشا پکڑ حسین۔رہاؤ۔
من چاہے مہبوب کو،
تن چاہے سکھ چین۔1۔
دوئے راجے کی سیندھ میں
کیسے بݨے حسین۔2۔
جیتی جیتی دنیاں رام جی
جیتی جیتی دنیاں رام جی،
- تیرے کولوں منگدی۔رہاؤ۔
کونڈا دیئیں سوٹا دیئیں،
کوٹھی دیئیں بھنگ دی۔
صافی دیئیں مرچاں دیئیں،
بے-منتی دیئیں رنگ دی۔
پوست دیئیں باٹی دیئیں،
چاٹی دیئیں کھنڈ دی۔
گیان دیئیں دھیان دیئیں،
مہما سادھو سنگ دی۔
شاہ حسین فقیر سائیں دا،
ایہہ دوائے ملنگ دی۔
جھمے جھم کھیل لے منجھ ویہڑے
جھمے جھم کھیل لے منجھ ویہڑے،
جپدیاں نوں ہر نیڑے۔1۔رہاؤ۔
ویہڑے دے وچ ندیاں وگݨ،
بیڑے لکّھ ہزار،
کیتی اس وچ ڈبّدی ڈٹّھی،
کیتی لنگھی پار۔1۔
اس ویہڑے دے نوں دروازے،
دسویں کلف چڑھائی،
تس دروازے دی مہرم ناہیں،
جت سہ آوہ جائی۔2۔
ویہڑے دے وچ آلا سوہے،
آلے دے وچ طاقی،
طاقی دے وچ سیج وچھاواں،
اپݨے پیا سنگ راتی۔3۔
اس ویہڑے وچ مکناں ہاتھی،
سنگل نال کھہیڑے،
کہے حسین فقیر سائیں دا،
جاگدیاں کوݨ چھیڑے۔4۔
جندو مینڈڑیئے
جندو مینڈڑیئے،
تیرا نلیاں دا وکھت وہاݨا۔رہاؤ۔
راتیں کتیں راتیں اٹیریں،
گوشے لایو تاݨا۔
اک ج تند اولّا پے گیا،
صاحب مول ن بھاݨا۔
چار دہاڑے گوئل واسا،
اٹھ چڑدا پچھوتاݨا۔
چیری آئی ڈھلّ ن کرسی،
کی راجا کی راݨا۔
کسے نواں کسے پراݨا،
کسے ادّھوراݨا۔
کہے حسین فقیر سائیں دا،
بن مسلت اٹّھ جاݨا۔
جنھاں کھڑی ن کیتی میری ڈولڑی
جنھاں کھڑی ن کیتی میری ڈولڑی،
انی ہو ماں دوس کہاراں نوں۔رہاؤ۔
کولوں تینڈے واہی لڈ لڈ چلے،
تیں اجے ن بدّھا بھاراں نوں۔1۔
اک لڈ چلے اک بنّھ بیٹھے،
کوݨ اٹھائے ساڈیاں بھاراں نوں۔2۔
سر تے موت کھڑی پکارے،
من لوچے باغ بہاراں نوں۔3۔
کہے حسین فقیر نماݨا،
کوئی مڑ سمجھاوے انھاں یاراں نوں۔4۔
جس نگری ٹھاکر جس ناہیں
جس نگری ٹھاکر جس ناہیں،
سو کاکر کوکر بستی ہے۔
اگر چندن کی سار ن جاݨے،
پاتھر سیتی گھستی ہے۔
چھیلاں سیتی گھونگھٹ کاڈھے،
بیلاں سیتی ہستی ہے۔
کہے حسین فقیر سائیں دا،
سوا سیر کی مستی ہے۔
جت ول مینڈا متّر پیارا
جت ول مینڈا متّر پیارا،
اتھے ونجھ آکھیں مینڈی آجزی وو۔رہاؤ۔
جوگݨ ہوواں دھونہاں پانواں،
تیرے کارݨ میں مر جاواں،
تیں ملیاں میری تازگی وو۔1۔
راتیں درد دہیں درماندی،
مرن اساڈا واجبی وو۔2۔
لٹاں کھول گلے وچ پائیاں،
میں بیراگݨ آد دی وو۔3۔
جنگل بیلے پھراں ڈھونڈھیدی،
کوک ن سکاں ماری لاج دی وو۔4۔
کہے حسین فقیر سائیں دا،
راتیں دہیں میں جاگدی وو۔5۔
جوبن گیا تاں گھلیا
جوبن گیا تاں گھلیا،
ربا تیری مہر ن جاوے۔
آیا ساوݨ من پرچاوݨ،
سئیاں کھیڈݨ ساویں۔رہاؤ۔
نیں بھی ڈونگھی تلا پراݨا،
مولا پار لنگھاوے۔1۔
اکناں وٹیاں پوݨیاں،
اک سوت وݨاوے۔2۔
اک کنتاں باجھ وچاریاں،
اکناں ڈھول کلاوے۔3۔
کہے حسین فقیر نماݨا،
جھوٹھے بنّھدے نی دھاوے۔4۔
کائی بات چلݨ دی توں کر ووئے
کائی بات چلݨ دی توں کر ووئے،
اتے رہنا ناہیں۔
ساڈھے ترے ہتّھ ملکھ بندے دی،
گور نماݨی گھر ووئے۔رہاؤ۔
اچے مندر سنہری چھجّے،
وچ رکھایا در ووئے۔
جس مایا دا ماݨ کریندا،
سو دوتاں دا گھر ووئے۔
لکھ لکھ پڑھنا مول ن گڑھنا،
بھے سائیں دا کر ووئے۔
جاں آئی آگیا پربھ بلایا،
ہوئے نماݨا توں چل ووئے۔
آگے صاحب لیکھا مانگے،
تاں توں بھی کچھ کر ووئے۔
کہے حسین فقیر رباݨا،
دنیاں چھوڈ زرورت جاݨا،
مرݨ تے اگّے مر ووئے۔
کدی سمجھ میاں مر جاݨا ہی
کدی سمجھ میاں مر جاݨا ہی۔
کوڑی سیج سویں دن راتیں،
کوڑا تول وہاݨا ہی۔رہاؤ۔
ہڈّاں دا کلبوت بݨایا،
وچ رکھیا بھور رباݨا ہی۔1۔
چار دہاڑے گوئل واسا،
لد چلیو لباݨا ہی۔2۔
کہے حسین فقیر مولے دا،
سائیں دا راہ نماݨا ہی۔3۔
کدی سمجھ ندانا
کدی سمجھ ندانا،
گھر کتّھے ای سمجھ ندانا۔رہاؤ۔
آپ کمینا تیری عقل کمینی،
کوݨ کہے توں دانا۔1۔
انھیں راہیں جاندے ڈٹّھڑے،
میر، ملک، سلطانا۔2۔
آپے مارے تے آپ جیوالے،
ازرائیل بہانا۔2۔
کہے حسین فقیر سائیں دا،
بن مسلت اٹھ جاݨا۔4۔
کے باگے دی مولی حسین
کے باگے دی مولی حسین،
توں کے باگے دی مولی۔رہاؤ۔
باگاں دے وچ پھل اجائب،
توں بی اک گندھولی۔1۔
آپݨا آپ پچھاݨے ناہیں،
اورا دیکھ کیوں بھولی۔2۔
عشقے دے دریاؤ کراہی،
منسور قبولی سولی۔3۔
شاہ حسین پیا در اتے،
جے کر پوے قبولی۔4۔
کوݨ کسے نال رسّے
کوݨ کسے نال رسّے۔رہاؤ۔
جہ ولّ ونجاں موت تتے ولّ،
جیوݨ کوئی ن دسّے۔1۔
سر پر لدّݨا ایس جہانوں،
رہݨا ناہیں کسّے۔2۔
کہے حسین فقیر سائیں دا،
موت وٹیندڑی رسّے۔3۔
کیڑھے دیسوں آئیوں نیں کڑیئے
کیڑھے دیسوں آئیوں نیں کڑیئے،
تیں کیہا کیہا شور مچایو کیوں۔
اپنا سوت تیں آپ ونجھایا،
دوس جلاہے نوں لایو کیوں۔رہاؤ۔
تیرے اگّے اگّے چرکھا،
پچّھے پچّھے پیہڑا،
کتنی ہیں ہال بھلیرے کیوں۔1۔
چھلّڑیاں پنج پائے پچھوٹے،
جائے بجار کھلوویں کیوں۔2۔
نال سرافاں دے جھیڑا تیرا،
لیکھا دیندی توں روویں کیوں۔3۔
سئیاں وچ کھڈندیئے کڑیئے،
سہ منہ بھلایو کیوں۔4۔
راہاں دے وچ اؤکھی ہوسیں،
اتنا بھار اٹھایو کیوں۔5۔
کہے حسین فقیر نماݨا،
مرنا چت ن آیو کیوں۔6۔
کیا کرسی باب نماݨی دے
کیا کرسی باب نماݨی دے۔
ن اساں کتّیا ن اساں تونبیا،
کیہا بکھرا تاݨی دے۔رہاؤ۔
جمّدیاں تل رووݨ لگّے،
یاد پیو نے دن گھاݨی دے۔1۔
گور نماݨی وچ پوندیاں کہیاں،
ہو ہوائیں تیریاں اتھے رہیاں،
واس آیا وچ واݨی دے۔2۔
کہے حسین فقیر مولے دا،
آکھے سکھن ہکّانی دے۔3۔
کیا کیتو ایتھے آئے کے
کیا کیتو ایتھے آئے کے،
کیا کرسیں اتھے جائے کے۔1۔رہاؤ۔
نا تیں تونبݨ تونبیا،
نا تیں پننݨ پننیا،
نا لیتو سوت کتائے کے۔1۔
نا تیں چرکھا پھیریا،
نا تیں سوت اٹیریا،
نا لیتو تاݨی تݨائے کے۔2۔
نا تیں ویل پنجایا،
نا تیں پچّھی پایا،
نا لیتو داج رنگائے کے۔3۔
شاہ حسین میں داج وہوݨیاں،
عملاں باجھہ گلّاں کوڑیاں،
نا لیتو شہ ریجھائے کے۔4۔
کت گݨ لگینگی سہ نوں پیاری
کت گݨ لگینگی سہ نوں پیاری۔رہاؤ۔
اندر تیرے کوڑا وت گیو ہی،
مول ن دتو بہاری۔1۔
کتّݨ سکّھ نی وللّیئے کڑیئے،
چڑھیا لوڑیں کھاری۔2۔
تندو ٹٹی اٹیرن بھنّا،
چرکھے دی کر کاری۔3۔
کہے حسین فقیر سائیں دا،
عملاں باجھ کھواری۔4۔
کیوں گمان جندو نی
کیوں گمان جندو نی،
آکھر ماٹی سیوں رل جاݨا۔
ماٹی سیوں رل جاݨا ہے تاں،
سرپر دنیاں جاݨا۔رہاؤ۔
میر ملک پاتشاہ شہزادے،
چوا چندن لاندے۔
خوشیاں وچ رہݨ متوالے،
ننگیں پیریں جاندے۔1۔
لو بالی درگاہ صاحب دی،
کہی ن چلدا ماݨا۔
آپو آپ جباب پچھیسی،
کہے حسین فقیر نماݨا۔2۔
کوئی دم جینودیاں رشنائی
کوئی دم جینودیاں رشنائی،
مویاں دی خبر ن کائی۔رہاؤ۔
چہوں جݨیاں رل ڈولی چائی،
ساہرڑے پہونچائی۔
سسّ نناݨاں دیندیاں تاہنے،
داج وہوݨی آئی۔
قبر نماݨی وچ وگّݨ کہیاں،
بنّھ چلائیاں ڈاڈھے دیاں وہیاں،
رہیاں ہول ہوائی۔
کہے حسین فقیر رباݨا،
دنیاں چھوڈ زرورت جاݨا،
رب ڈاہڈھے قلم وگائی۔
کوئی دم ماݨ لے رنگ رلیاں
کوئی دم ماݨ لے رنگ رلیاں،
دھن جوبن دا ماݨ ن کریئے،
بہت سیاݨیاں چھلیاں۔رہاؤ۔
جنھاں نال بالپݨ کھیڈیا،
سے سئیاں اٹّھ چلیاں۔1۔
بابل اتّݨ چھڈّ چھڈّ گئیاں،
ساہرڑے گھر چلیاں۔2۔
ایہہ گلیاں بھی سپنا تھیسن،
بابل والیاں گلیاں۔3۔
کہے حسین فقیر سائیں دا،
کر لے گالیں بھلیاں۔4۔
کڑے جاندیئے نی تیرا جوبن کوڑا
کڑے جاندیئے نی تیرا جوبن کوڑا،
پھیر ن ہوسیا رنگلا چوڑا۔رہاؤ۔
وت ن ہوسیا اہل جوانی،
ہسّ لے کھیڈ لے نال دل جانی،
مہ تے پوسیا کھاک دا دھوڑا۔1۔
کہے حسین فقیر نماݨا،
جو تھیسی رب ڈاڈھے دا بھاݨا،
چلݨا ہی تاں بنّ لے موڑھا۔2۔
لٹکدی لٹکدی نیں مائے
لٹکدی لٹکدی نیں مائے،
ہر بولو رام لٹکدی ساہرے چلّی۔
سسّ نݨاݨاں دیون تاانے،
پھردی ہیں گھونگھٹ کھلّھی۔
بھولڑی مائے کسیدڑے پایا،
میں کڈّھ ن جاݨدی جھلّی۔
بابل دے گھر کجھ ن وٹّیا،
تے کجھ ن کھٹّیا،
میرے ہتھ نیں اٹیرن چھلّی۔رہاؤ۔
نال جنھاں دے اتݨ بہندی،
ویکھدی سݨدی وارتا کہندی ،
ہݨ پکڑ تناہاں گھلّی۔1۔
ڈاڈھے دے پیادڑے نیں آئے،
آن کے ہتّھ اوہناں تکڑے نیں پائے،
میرا چارا کجھ ن چلّی۔2۔
لٹکدی لٹکدی میں سیج تے نیں آئی،
چھوڈ چلّے مینوں سکّڑے نیں بھائی،
پھلّ پان بیڑا مینوں اہل دکھلائی،
میں سیج اکلّڑی ملّی۔3۔
کہے حسین فقیر نماݨا،
جو تھیسی ربّ ڈاڈھے دا بھاݨا،
میں آئی ہاں الّ وللّی۔4۔
لکھی لوہ قلم دی قادر
لکھی لوہ قلم دی قادر،
نیں مائے، موڑ جے سکنی ہیں موڑ۔رہاؤ۔
ڈولی پائے لے چلّے کھیڑے،
نا میں تھے اجر نا زور۔
رانجھݨ سانوں کونڈیاں پائیاں،
دل وچ لگّیاں زور۔1۔
مچّھی وانگوں پئی تڑپھاں،
قادر دے ہتھ ڈور۔
کہے حسین فقیر سائیں دا،
کھیڑیاں دا کوڑا شور۔2۔
مائیں نیں میں بھئی دوانی
مائیں نیں میں بھئی دوانی،
دیکھ جگت مے شور۔
اکنا ڈولی اکنا گھوڑی،
اک سوے اک گور۔1۔رہاؤ۔
ننگیں پیریں جاندڑے ڈٹھڑے،
جن کے لاکھ کروڑ۔1۔
اک شاہ اک دالدری،
اک سادھو اک چور۔2۔
کہے حسین فقیر نماݨا،
بھلے اساتھوں ڈھور۔3۔
مائیں نیں میں کینوں آکھاں
مائیں نیں میں کینوں آکھاں،
درد وچھوڑے دا ہال۔1۔رہاؤ۔
دھوناں دھکھے میرے مرشد والا،
جاں پھولاں تاں لال۔1۔
سولاں مار دوانی کیتی،
برہوں پیا ساڈے خیال۔2۔
دکھاں دی روٹی سولاں دا سالݨ،
آہیں دا بالݨ بال۔3۔
جنگل بیلے پھراں ڈھونڈھیندی،
اجے ن پایو لال۔4۔
کہے حسین فقیر نماݨا،
شہ ملے تاں تھیواں نہال۔5۔
ماہی ماہی کوکدی
ماہی ماہی کوکدی،
میں آپے رانجھݨ ہوئی۔1۔رہاؤ۔
رانجھݨ رانجھݨ مینوں سبھ کوئی آکھو،
ہیر ن آکھو کوئی۔1۔
جس شہ نوں میں ڈھونڈھدی وتّاں،
ڈھونڈھ لدھا شہ سوئی۔2۔
کہے حسین سادھاں دے ملیا،
نکل بھول گیوئی۔3۔
میں بھی جھوک رانجھݨ دی جاݨا
میں بھی جھوک رانجھݨ دی جاݨا،
نال میرے کوئی چلّے۔رہاؤ۔
پیریاں پوندی منتاں کردی،
جاݨا تاں پیا اکلّے۔1۔
نیں بھی ڈونگھی تلھا پراݨا،
شیہاں تاں پتّݨ ملّے۔2۔
جے کوئی خبر متراں دی لیاوے،
میں ہتھ دے دینیاں چھلّے۔3۔
راتیں درد دہیں درماندی،
گھاؤ متراں دے الّے۔4۔
رانجھا یار طبیب سݨیندا،
میں تن درد اولّے۔5۔
کہے حسین فقیر نماݨا،
سائیں سنیہڑے گھلّے۔6۔
مینڈے سجݨا وے مولے نال بݨی
مینڈے سجݨا وے مولے نال بݨی،
دنیاں والے نوں دنیاں دا ماݨا،
ننگاں نوں ننگ مݨی۔1۔رہاؤ۔
ن اسیں ننگ ن دنیاں والے،
ہسدی جݨی کھݨی۔1۔
دنیاں چھوڈ فقیر تھیاسے،
جاگی پریم کݨی۔2۔
کہے حسین فقیر سائیں دا،
جاݨے آپ دھݨی۔3۔
مینڈی دل رانجھن راون منگے
مینڈی دل رانجھن راون منگے۔1۔رہاؤ۔
جنگل بیلے پھراں ڈھونڈھیندی،
رانجھݨ میرے سنگے۔1۔
میہیں آئیاں،
میرا ڈھول ن آیا،
ہیراں کوکے وچ جھنگے۔2۔
راتیں دہیں پھراں وچ جھل دے،
پڑن بنبولاں دے کنڈے۔3۔
کہے حسین فقیر نماݨا،
رانجھݨ ملے کتے ڈھنگے۔4۔
مینڈی دل تینڈے نال لگّی
مینڈی دل تینڈے نال لگّی۔
توڑی نہیں تٹدی چھوڑی نہیں چھٹدی،
قلم ربانی وگّی۔رہاؤ۔
سائیں دے کھزانے کھلھے،
اسیں بھی جھولڑی اڈّی۔1۔
کچر ک بالیں میں عقل دا دیوا،
برہ اندھیرڑی وگّی۔2۔
کوئی میری کوئی دولی،
شاہ حسین پھڈّی۔3۔
مینہڈی جان جو رنگے سو رنگے
مینہڈی جان جو رنگے سو رنگے۔رہاؤ۔
مستک جنھاں دے پئی فقیری،
بھاگ تناں دے چنگے۔1۔
سرت دی سوئی پریم دے دھاگے،
پینود لگّے ستّ سنگے۔2۔
کہے حسین فقیر سائیں دا،
تخت ن ملدے منگے۔3۔
مینوں انبڑ جو آکھدی کت نی
مینوں انبڑ جو آکھدی کت نی،
مینوں بھولی جو آکھدی کت نی۔رہاؤ۔
میں نج کتݨ نوں سکھیاں،
مینوں لگّیاں سانگاں تکّھیاں،
میں پچّھی نوں ماراں لت نی۔1۔
ہنجھو روندا سبھ کوئی،
عاشق روندے رت نی۔2۔
کہے شاہ حسین سݨائے کے،
اتھے پھیر ن آوݨا وت نی۔3۔
من اٹکیا بے-پرواہ نال
من اٹکیا بے-پرواہ نال۔
اوس دین دنی دے شاہ نال۔1۔رہاؤ۔
قاضی ملّاں متّی دیندے،
کھرے سیاݨے راہ دسیندے،
عشق کی لگّے راہ نال۔1۔
ندیوں پار رانجھݨ دا ٹھاݨا،
کیتا کول زروری جاݨا،
منّتاں کراں ملاہ نال۔2۔
کہے حسین فقیر نماݨا،
دنیاں چھوڈ آخر مر جاݨا،
اوڑک کمّ الاہ نال۔3۔
مندی ہاں کہ چنگی ہاں
مندی ہاں کہ چنگی ہاں،
بھی صاحب تیری بندی ہاں۔رہاؤ۔
گہلا لوک جاݨے دیوانی،
میں رنگ صاحب دے رنگی ہاں۔1۔
ساجن میرا اکھیں وچ وسدا،
میں گلیئیں پھراں نشنگی ہاں۔2۔
کہے حسین فقیر سائیں دا،
میں ور چنگے نال منگی ہاں۔3۔
من وارنے تو پر جانودا
من وارنے تو پر جانودا۔رہاؤ۔
گھول گھمائی صدقے کیتی،
سانوں جے کوئی ملے وو گرانو دا۔1۔
جے گھر آئے وسیا میرا پیارا،
اوتھے دوجا نہیں سمانودا۔2۔
سبھ جگ ڈھونڈھ بہتیرا مینوں،
تدھ بن ہور ن بھانودا۔3۔
کہے حسین پیا در تیرے،
سائیں تالب تیرڑے نانو دا۔4۔
متیں دینی ہاں بال ااݨے نوں
متیں دینی ہاں بال ااݨے نوں۔رہاؤ۔
پنجاں ندیاں دے مونہ آیو،
کیہا دوس مہاݨے نوں۔1۔
دارو لایا لگدا ناہیں،
پچھنی ہاں وید سیاݨے نوں۔2۔
سیاہی گئی سفیدی آئیا،
کی روندا وکھت وہاݨے نوں۔3۔
کہے حسین فقیر سائیں دا،
کی جھرناں ہیں رب دے بھاݨے نوں۔4۔
مہبوباں فقیراں دا
مہبوباں فقیراں دا
سائیں نگہوان،
ظاہر باتن اک کر جاݨن،
سبھ مشکل تھیا اسان۔1۔رہاؤ۔
شادی غمی ن دل تے آنݨ،
سدا رہݨ مستان۔1۔
کہے حسین تھر سچے سیئی،
ہور فانی کل جہان۔2۔
میرے صاحبہ میں تیری ہو مکی آں
میرے صاحبہ میں تیری ہو مکی آں۔رہاؤ۔
منہ نا وساریں توں مینوں میرے صاحبہ،
ہر گلوں میں چکی آں۔1۔
اؤگݨیاری نوں کو گݨ ناہیں،
بکھس کریں تاں میں چھٹی آں۔2۔
جیوں بھاوے تیوں راکھ پیاریا،
داوݨ تیرے میں لکی آں۔3۔
جے توں نظر مہر دی پاویں،
چڑھ چوبارے میں ستّی آں۔4۔
کہے حسین فقیر سائیں دا،
در تیرے دی میں کتّی آں۔5۔
میاں گل سݨی نا جاندی سچّی
میاں گل سݨی نا جاندی سچّی۔
سچّی گل سݨیوے کیونکر
کچّی ہڈّاں وچ رچّی۔1۔رہاؤ۔
سچّی گل سݨی تناہاں،
چݨگ جنھاں تن مچّی۔
پڑدا پاڑ ڈٹھونے پریتم،
دوت موئے سبھ پچّی۔1۔
زہری ناگ پھرن وچ گلیئیں،
جیہڑی سہ لڑ لگّی سو بچّی۔
کہے حسین سہاگن سائی،
جو گل تھیں واندی نچّی۔2۔
متراں دی مجمانی کارن
متراں دی مجمانی کارن،
دل دا لوہو چھاݨیدا۔رہاؤ۔
کاڈھ کلیجا کیتا بیرے،
سو بھی ناہیں لائک تیرے،
ہور تفیک نہیں کچھ میرے،
اک کٹورا پاݨی دا۔1۔
سیج ستی نیݨیں نیند ن آوے،
ظالم برہوں آݨ ستاوے،
لکھاں کتاب بھیجاں در تیرے،
دل دا ہرپھ پچھاݨیدا۔2۔
راتیں درد دہیں درماتی،
ہݨ نیݨاں دی لائیا کاتی،
کدیں تے مڑ کے پاوہ جھاتی،
دیکھو حال نماݨی دا۔3۔
جیوں بھاوے تیوں کرے پیارا،
انھاں لگاں دا پنتھ نیارا،
راتیں دہے دھیان تہارا،
جیوں بھاوے تیوں تاریدا۔4۔
تیرے کارݨ میں پھراں ازادی،
جنگل ڈھونڈیا میں پیر پیادی،
رو رو نیݨ کرن پھریادی،
کیہا دوش نماݨی دا۔5۔
دکھاں سولاں رل کیتا ایکا،
ن کوئی سہرا ن کوئی پیکا،
آس رہی ہݨ تیری ایکا،
پلّا پکڑ ااݨی دا۔6۔
کہے حسین فقیر قراری،
دردونداں دی ریت نیاری،
ایہا ویدن میں تن بھاری،
اگّے سچّ پچھاݨیدا۔7۔
متّراں دی مجمانیں خاتر
متّراں دی مجمانیں خاتر،
دل دا لہو چھاݨیدا۔1۔رہاؤ۔
کڈّھ کلیجا کیتم بیرے،
سو بھی لائک ناہیں تیرے،
ہور توفیک نہیں کچھ میرے،
پیو کٹورا پاݨی دا۔1۔
متّراں لکھ کتابت بھیجی،
لگّا باݨ پھراں تڑپھیندی،
تن وچ طاقت رہی ن مولے،
رو رو ہرف پچھاݨیدا۔2۔
تن من اپݨا پرزے کیتا،
تینوں مہر ن آئیا میتا،
اسانوں ہور ازر ن کوئی،
چارا کیا نماݨی دا۔3۔
کہے حسین فقیر نماݨا،
تے باجھہ کوئی ہور ن جاݨا،
توں ہی دانا توں ہی بینا،
تونہیں تاݨ نتاݨی دا۔4۔
مشکل گھاٹ فقیری دا وو
مشکل گھاٹ فقیری دا وو،
پائے کٹھالی درمت گالی،
کرم جگائے شریری دا وو۔رہاؤ۔
چھوڈ تکبّری پکڑ ہلیمی،
راہ پکڑو شیریں دا وو۔1۔
کہے حسین فقیر نماݨا،
دفتر پاڑو میری دا وو۔2۔
نال سجݨ دے رہیئے
نال سجݨ دے رہیئے۔
جھڑکاں جھنباں تے تقصیراں،
سو بھی سر تے سہیئے۔
جے سر کٹّ لیݨ دھڑ نالوں،
تاں بھی آہ ن کہیئے۔
چندن رکّھ لگا وچ ویہڑے،
زور دھناݨے کھہیئے۔
مرݨ مول تے جیوݨ لاہا،
دلگیری کیوں رہیئے۔
کہے حسین فقیر سائیں دا،
رب دا دتّا سہیئے۔
نی اسیں آؤ کھڈاہاں لڈّی
نی اسیں آؤ کھڈاہاں لڈّی۔رہاؤ۔
نو تار ڈور گڈّی دی،
اسیں لے کر ہاں اڈّی۔1۔
ساجن دے ہتّھ ڈور اساڈی،
میں ساجن دی گڈّی۔2۔
اس ویلے نوں پچھوتاسیں،
جائے پوسیں وچ کھڈّی۔3۔
کہے حسین فقیر سائیں دا،
سبھ دنیاں جاندی بڈّی۔4۔
نیں گیڑ گڑندیئے
نیں گیڑ گڑندیئے،
گڑیدا گڑدا گومّا۔رہاؤ۔
پنجاں نوں کیوں جھردا بھنودو،
اکسے پائیاں دھومّا۔
جو فل میٹھے چݨ چݨ کھادھیو،
آہیو کوڑا تومّا۔1۔
اؤکھی گھاٹی بکھڑا پینڈا،
راہ فقیراں دا لمّا۔
ساری امر وننائیا اینوے،
کر کر کوڑے کمّاں۔2۔
جس دھن توں گرب کرینیں،
سو نال ن چلسن دمّاں۔
لخّاں تے کروڑاں والے،
سے پوسݨ وس جمّاں 3۔
آؤندیاں تھوں سد بلہاری،
جاؤندیاں تھوں گھومّاں۔
کہے حسین فقیر سائیں دا،
پیر ساہاں دے چومّاں۔4۔
نی مائے سانوں کھیڈݨ دیئے
نی مائے سانوں کھیڈݨ دیئے،
میرا وت کھیڈݨ کوݨ آسی۔رہاؤ۔
اک کیڑی بیا درس بھلیرا،
تھر ہر کنپے کوئی ایہہ جیا میرا،
سہ گݨونتا بیا روپ چنگیرا،
انگ لاوے کہ مول ن لاسی۔1۔
ایہہ جگ جھوٹھا دنیاں فانی،
ایویں گئی میری اہل جوانی،
گفلت نال میری عمر وہانی،
جو لکھیا سوئی ہوسی۔2۔
شاہ حسین فقیر ربّاݨا،
سو ہوسی جو رب دا بھاݨا،
اوڑک اتھوں اتھے جاݨا،
اس ویلے نوں پچھوتاسی۔3۔
نیں مائے، مینوں کھیڑیاں دی گلّ ن آکھ
نیں مائے، مینوں کھیڑیاں دی
گلّ ن آکھ۔رہاؤ۔
رانجھݨ مینہڈا میں رانجھݨ دی،
کھیڑیاں نوں کوڑی جھاک۔1۔
لوک جاݨے ہیر کملی ہوئی،
ہیرے دا ور چاک۔2۔
کہے حسین فقیر سائیں دا،
جاݨدا مولا آپ۔3۔
نماݨیاں دی ربا ربا ہوئی
نماݨیاں دی ربا ربا ہوئی۔1۔رہاؤ۔
بھٹھ پئی تیری چٹّی چادر،
چنگی فقیراں دی لوئی۔1۔
درگاہ وچ سہاگݨ سوئی،
جو جو کھل کھل نچّ کھلوئی۔2۔
کہے حسین فقیر سائیں دا،
تاں در لہسیں ڈھوئی۔3۔
نی سئیو اسیں نیݨاں دے آکھے لگّے
نی سئیو اسیں نیݨاں دے آکھے لگّے۔
جنھاں پاک نگاہاں ہوئیاں،
سے کہیں ن جاندے ٹھگّے۔رہاؤ۔
کالے پٹ ن چڑھے سپھیدی،
کاگ ن تھیندے بگّے۔1۔
شاہ حسین شہادت پائن،
جو مرن متّراں دے اگّے۔2۔
نی سئیو مینوں ڈھول ملے تاں جاپے
نی سئیو مینوں ڈھول ملے تاں جاپے۔
برہ بلائے گھتّی تن اندر،
میں آپے ہوئی آپے۔رہاؤ۔
بالپݨا میں کھیل گوایا،
جوبن ماݨ بیاپے۔
سہ راوݨ دی ریت ن جاݨی،
اس سوننے ترناپے۔1۔
عشق وچھوڑے دی بالی ڈھاڈھی،
ہر دم مینوں تاپے۔
ہکس کہیں نال داد ن دتّی،
اک سوننے ترناپے۔2۔
سکݨ دور ن تھیوے دل توں،
ویکھݨ نوں من تاپے۔
کہے حسین سہاگݨ سائی،
جاں سہ آپ سنناپے۔3۔
نی تینوں رب ن بھلّی
نی تینوں رب ن بھلّی،
دوائے فقیراں دی ایہا۔
رب ن بھلّی ہور سبھ بھلّی،
رب ن بھلّن جیہا۔رہاؤ۔
آیاں کڑماں نوں کٹّیں ملیدا،
فقراں نوں ٹکّر بیہا۔1۔
سوئنا رپا سبھ چھل ویسی،
عشق ن لگدا لیہا۔2۔
ہورناں نال ہسندی کھڈندی،
تینوں سہ نال گھونگھٹ کیہا۔3۔
چارے نیݨ گڈا وڈ ہوئے،
وچ وچولا کیہا۔4۔
عشق چوبارے پائیو جھاتی،
ہݨ تینوں غم کیہا۔5۔
آئیئے دی سہوں بابلے دی سہوں،
گل چنگیرڑی ایہا۔6۔
جس جوبن دا توں ماݨ کریندی،
سو جل بل تھیسی کھیہا۔7۔
کہے حسین فقیر سائیں دا،
مرݨا تاں ماݨا کیہا۔8۔
اوتھے ہور ن کائے قبول میاں
اوتھے ہور ن کائے قبول میاں،
گل نینہ دی۔1۔رہاؤ۔
اک لائے ببھوت بہن لائے تاڑی،
اک ننگے پھردے وچ اجاڑیں،
کوئی درد ن چھاتی تینہ دی۔1۔
اک راتیں جاگن ذکر کریندے،
اک سردے فردے بھکھ مریندے،
جائے نہیں اتھے کینہ دی۔2۔
اک پڑھدے نی ہرف قرآناں،
اک مسلے کردے نال زباناں،
ایہہ گل ن ہاسی ہینہ دی۔3۔
کامل دے دروازے جاویں،
خیر نیہوں دا منگ لیاویں،
تاں خبر پوی تس تھینہ دی۔4۔
کہے حسین فقیر گدائی،
لکّھاں دی گل ایہا آہی،
تلب نیہیں نوں نینہ دی۔5۔
پاندھیا وو گنڈھ سوننڑی
پاندھیا وو گنڈھ سوننڑی،
چھڈ کے ن سوں۔1۔رہاؤ۔
پنڈ سبھوئی چوریں بھریا،
چھٹے چیر ن چونّڑی۔1۔
دھر جھگڑیندیاں لازم تھیسیں،
پھر کر سمجھ اتھونّڑی۔2۔
سبھنیں چھیریں پاݨی وہندا،
اج کل بھجے تیری کونّڑی۔3۔
کہے حسین فقیر سائیں دا،
تیری وہندی عمر وہونّڑی۔4۔
پاوینگا دیدار ساہب دا
پاوینگا دیدار ساہب دا،
فقیرا ہور بھی نیواں ہوئے۔1۔رہاؤ۔
ٹوپی میلی سابݨ تھوڑا،
بہ کنارے دھوئے۔1۔
میݨی ڈھگّی نام سائیں دا،
اندر بہ کر چوئے۔2۔
اچھل ندیاں تارو ہوئیاں،
میں کنڈھے رہی کھلوئے۔4۔
کہے حسین فقیر سائیں دا،
ہوݨی ہوئے سو ہوئے۔5۔
پیارے بن راتیں ہوئیاں وڈّیاں
پیارے بن راتیں ہوئیاں وڈّیاں۔
رانجھا جوغی میں جگیاݨی،
کملی کر کر سڈّیاں۔رہاؤ۔
ماس جھرے جھر پنجر ہویا،
کرکن لگیاں ہڈّیاں۔1۔
میں ااݨی نیہوں کی جاݨا،
برہ تناواں گڈّیاں۔2۔
کہے حسین فقیر سائیں دا،
داوݨ تیرے میں لگّیاں۔3۔
پیارے لال کیا بھرواسا دم دا
پیارے لال کیا بھرواسا دم دا۔رہاؤ۔
اڈیا بھور تھیا پردیسی
اگّے راہ اگمّ دا۔
کوڑی دنیاں کوڑ پسارا
جیوں موتی شبنم دا۔1۔
جنھاں میرا سہ ریجھایا
تنھاں نہیں بھو جمّ دا۔
کہے حسین فقیر سائیں دا،
چھڈّ سریر بھسم دا۔2۔
پوتھی کھولھ دکھا بھائی بامݨا
پوتھی کھولھ دکھا بھائی بامݨا،
پیارا کد وو ملسی سامݨا۔1۔رہاؤ۔
بݨ کاہے بیلا سبھ پھلیا،
درد ماہی دا در در ہلیا،
جھک رہیاں نی عشق پلامݨا۔1۔
دیکھو کیڈے میں پیڑے پاڑدی،
میں لنگھدی تے ناگ لتاڑدی۔
ستّیاں شیہاں نوں نتّ الانگھݨا۔2۔
میری جند اتے ول ہو رہی،
مینوں روگ نا ہوندا کو صحیح،
نت اٹھ بیلے ول ترانگھݨا۔3۔
نتّ شاہ حسین پکاردا،
سائیں طلب تیرے دربار دا،
اک ٹک اساں ول جھاکݨا۔4۔
راتیں سویں دہیں پھردی توں وتّے
راتیں سویں دہیں پھردی توں وتّے،
تیرا کھیڈݨ نال بپار، جندو،
کدی اٹھ رام رام سمار، جندو۔رہاؤ۔
ساہرڑے گھر البت جاݨا،
پیئیاڑے دن چار، جندو۔1۔
اج تیرے مکلاؤ آئے،
رہیئے ن کوئے بچار، جندو۔2۔
کہے حسین فقیر سائیں دا،
آوݨ ایہی وار، جندو۔3۔
ربا میرے اؤگݨ چت ن دھریں
ربا میرے اؤگݨ چت ن دھریں۔رہاؤ۔
اؤگݨیاری نوں کو گݨ ناہیں،
لوں لوں عیب بھری۔1۔
جیوں بھاوے تیوں راکھ پیاریا،
میں تیرے دوارے پری۔2۔
کہے حسین فقیر نماݨا،
ادلوں فجل کریں۔3۔
ربا میرے گوڈے دے ہیٹھ پروٹڑا
ربا میرے گوڈے دے ہیٹھ پروٹڑا،
میں کتّنی ہاں چائیں چائیں۔رہاؤ۔
تن تنبور رگاں دیاں تاراں،
میں جپنی ہاں سائیں سائیں۔1۔
دل میرے وچ ایہو گجری،
میں سچے سوں نیہوں لائیں۔2۔
کہے حسین فقیر سائیں دا،
میری لگڑی توڑ نباہیں۔3۔
ربا میرے حال دا مہرم توں
ربا میرے حال دا مہرم توں۔رہاؤ۔
اندر توں ہیں باہر توں ہیں،
روم روم وچ توں۔1۔
توں ہیں توں ہیں باݨا،
سبھ کچھ میرا توں۔2۔
کہے حسین فقیر نماݨا،
میں ناہیں سبھ توں۔3۔
ربا وے میں نلی چھپائی
ربا وے میں نلی چھپائی،
توں بکھسݨ ہارا سائیں۔رہاؤ۔
ہتّھیں میرے موندری،
میں کمّ کیوں کر کریں۔
پیریں میرے لال جتّی،
میں تاݨا کیوں کر تݨی،
چلّھے پچھے پنج کسورے،
مال کیوں کر بھریں۔1۔
اندر بولݨ مرغیاں،
تے باہر بولن مور۔
کہے حسین فقیر سائیں دا،
تاݨی نوں لے گئے چور، جورا جور۔2۔
رہیئے وو نال سجن دے، رہیئے وو
رہیئے وو نال سجن دے، رہیئے وو۔رہاؤ۔
لکّھ لکّھ بدیاں تے سو تاہنے،
سبھو سر تے سہیئے وو۔1۔
توڑے سر وننے دھڑ نالوں،
تاں بھی حال ن کہیئے وو۔2۔
سخن جنھاں دا ہووے دارو،
حال اتھائیں کہیئے وو۔3۔
چندن رکھ لگا وچ ویہڑے،
جور دھناݨے کھہیئے وو۔4۔
کہے حسین فقیر سائیں دا،
جیوندیاں مر رہیئے وو۔5۔
روندا مول ن سوندا ہی
روندا مول ن سوندا ہی۔
جس تن درداں دی آہ،
سوئی تن روندا ہی۔
کنیاری دی سیجے اپّر،
سکھیا کوئی ن سوندا ہی۔
چارے پلّے میرے چکّڑ بڈے،
کیہڑا مل مل دھوندا ہی۔
درداں دا دارو تیرے اندر وسدا،
کوئی سنت طبیب ملوندا ہی۔
کہے حسین فقیر رباݨا،
جو لکھیا سوئی ہوندا ہی۔
ساجن رٹھڑا جاندا وے
ساجن رٹھڑا جاندا وے،
میں بھلیاں وے لوکا۔
ساجن مینڈا وے،
میں ساجن دی،
ساجن کارن میں جلیاں وے لوکا۔1۔رہاؤ۔
جے کوئی ساجن آݨ ملاوے،
بندی تس دی انملیاں وے لوکا۔1۔
کہے حسین فقیر سائیں دا،
سائیں ملے تاں میں پھلّیاں وے لوکا۔2۔
ساجن تمرے روسڑے
ساجن تمرے روسڑے،
موہ آدر کرے ن کوئے۔
در در کرن سہیلیاں،
میں تر تر تاکو توہ۔1۔رہاؤ۔
سالو سہج ہنڈھائے لے نیں
سالو سہج ہنڈھائے لے نیں،
توں سالو سہج ہنڈھائے لے نیں۔رہاؤ۔
سالو میرا کیمتی،
کوئی دیکھݨ آئیاں تریمتیں،
گئیں سبھ سلاہ۔1۔
سالو پایا ٹننݨے،
گوانڈھݨ آئی منگݨے،
دتّا کہی ن جاہ۔2۔
سالو دھر کشمیر دا،
کوئی آیا برفاں چیردا،
جاݨا کر کے راہ۔3۔
سالو دھر گجرات دا ،
کوئی میں بھو پہلی رات دا،
کتے ڈھنگ بہائے۔4۔
سالو دھر ملتان دا،
کوئی رب دلاں دیاں جاݨدا،
ستی سہ گل لائے۔5۔
سالو میرا آل دا،
کوئی مہرم ناہیں حال دا،
کس پے آکھاں جائے۔6۔
سالو بھوچھݨ جوڑیا،
کوئی تھیسی رب دا لوڑیا،
ہور ن کیتا جائے۔7۔
سبھے سالو والیاں،
کوئی اک برکھ دیاں ڈالیاں،
تیرے تل ن کائے۔8۔
سالو دا رنگ جاوݨا،
کوئی پھیر نا اس جگّ آوݨا،
چلے گھومّ گھومّائے۔9۔
سالو میرا اݨیدا،
کوئی شام بندرابن سݨیدا،
جاݨا بکھڑے راہ۔10۔
کہے حسین گدائیا،
کوئی رات جنگل وچ آئیا،
رب ڈاڈھا بیپرواہ۔11۔
سبھ سکھیاں گݨونتیاں
سبھ سکھیاں گݨونتیاں،
وے میں اوگݨیاری۔رہاؤ۔
بھے صاحب دے پربت ڈردے،
وے میں کوݨ وچاری۔1۔
جس گل نوں سہ بھجیا ای وو،
سو میں بات بساری۔2۔
کہے حسین فقیر نماݨا،
چھٹّا جے مہر کرے ستّاری۔3۔
سبھ ول چھڈ کے توں اکو ول ہوئے
سبھ ول چھڈ کے توں اکو ول ہوئے۔
ول ول دے وچ کئی ول پیندے،
اک دن دیسیں روئے۔رہاؤ۔
اوکھی گھاٹی بکھڑا پینڈا،
ہݨ ہی سمجھ کھلوئے۔
چھوڑ تکبر پکڑ ہلیمی،
پوی تڈاہیں سوئے۔
کڑکن کپڑ سہ دریاواں،
تھیو مہاݨا بیڑی ڈھوئے۔
کہے حسین فقیر نماݨا،
جو ہوݨی سو ہوئے۔
سادھاں دی میں گولی ہوساں
سادھاں دی میں گولی ہوساں،
گولیاں دے کرم کریساں۔
چونکا پھیریں میں دیئیں بہاری،
جوٹھے باسن دھوساں۔رہاؤ۔
پپّل پت چݨیندی وتّا،
لوک جاݨے دیوانی۔
گہلا لوک ن حال دا مہرم،
مینوں برہوں لگائی کانیں۔1۔
لوکاں سݨیا دیساں سݨیا،
ہیر بیراگن ہوئی۔
اک سݨیندا لکّھ سݨے،
میرا کہاں کریگا کوئی۔2۔
ساول دی میں باندی بردی،
ساول مینہڈا سائیں۔
کہے حسین فقیر نماݨا،
سائیں سکّدی نوں درس دکھائیں۔3۔
صدقے میں وننا اوہناں راہاں توں
صدقے میں وننا اوہناں راہاں توں،
جن راہیں سو سہ آیا ہی۔1۔رہاؤ۔
پچّھی سٹ ستّاں بھرڑاندی،
کتّݨ توں چت چایا ہی۔1۔
دل وچ چݨگ اٹھی ہیرے دی،
رانجھݨ تخت ہزاریوں پایا ہی۔2۔
کہے حسین فقیر نماݨا،
مولے دوست ملایا ہی۔3۔
سائیں بیپرواہ مینڈی
سائیں بیپرواہ مینڈی،
لاج تو پر آئی،
چہوں جݨیاں میری ڈولی چکّی،
ساہرڑے پہونچائی۔1۔رہاؤ۔
تند تٹی اٹیرن بھنّا،
تکلڑے ول پایا،
بھوندیاں جھوندیاں چھلّی کتّی،
کاگ پیا لے جایا۔1۔
رات اندھیری گلیئیں چکّڑ،
ملیا یار سپاہی،
کہے حسین فقیر نماݨا،
ایہہ گلّ سجھدی آہی۔2۔
سائیں جناندڑے ولّ، تناں نوں غم کیندا، وے لوکا
سائیں جناندڑے ولّ،
تناں نوں غم کیندا، وے لوکا۔رہاؤ۔
سیئی بھلیاں جو ربّ ولّ آئیاں،
جنھاں نوں عشق چروکا، وے لوکا۔1۔
عشقے دی سر کھاری چائیا،
در در دینیاں ہوکا، وے لوکا۔2۔
کہے حسین فقیر سائیں دا،
لدّھا ہی پریم جھروکھا، وے لوکا۔3۔
سائیں جناندڑے ولّ،
تناں نوں غم کیندا، وے لوکا،
ہو میں واری غم کیندا، وے لوکا۔4۔
سائیں سائیں کریندیاں ماں پیو ہڑیندیاں
سائیں سائیں کریندیاں ماں پیو ہڑیندیاں،
کوئی نیہڑا لایو۔
ول گھر وننݨ کیہا وے ماہیا۔رہاؤ۔
ہیرے نوں عشق چروکا آہا،
جاں آہی ددھ واتی۔
وچ پنگھوڑے دے پئی تڑپّھے،
ویدن رتی ن ذاتی۔
برہ کسائی تن انتر وڑیا،
گھنّ کہاوی کاتی۔
سیاں ورھیاں دی جہمت جاوے،
جے رانجھݨ پاوے جھاتی۔1۔
چھلت پڑی تن رانجھݨ والی،
مہرم ہوئے سوئی پٹّے۔
لکھ لکھ سوئیاں تے لکھ نہیرن،
لکھ جنبوراں دے تٹّے۔
لکھ لکھ ملّاں تے لکھ قاضی،
لکھ علم پڑ پڑ ہٹے۔
جے ٹک رانجھݨ درس دکھاوے،
تاں ہیر عذابوں چھٹے۔2۔
شاہ حسین فقیر سݨاوے،
رانجھے باجھوں برہوں ستاوے،
جے ملساں تاں سانت آوے۔3۔
سائیں توں میں واریاں وو
سائیں توں میں واریاں وو،
واریاں وو، وار ڈاریاں وو۔
چپّ کراں تاں دیون تاانے،
جاں بولاں تاں ماریاں وو۔رہاؤ۔
اکنا کھنّی نوں ترساویں،
اکّ ونڈ ونڈ دیندے نے ساریاں وو۔1۔
اکنا ڈھول کلاوے نی سئیو،
اک کنتاں دے باجھ بچاریاں وو۔2۔
اؤگݨیاری نوں کو گݨ ناہیں،
نت اٹھ کردی زاریاں وو۔3۔
کہے حسین فقیر سائیں دا،
فضل کریں تاں تاریاں وو۔4۔
سئیو میرا ماہی تاں آݨ ملاوو
سئیو میرا ماہی تاں آݨ ملاوو،
کاہل ہوئیاں گھݨی۔1۔رہاؤ۔
بابل کولوں داج نا منگدی،
ماؤں ن منگدی مالوں۔
اکو رانجھݨ پل پل منگدی،
چھٹّے ہیر جنجالوں۔1۔
روندی پکڑ بیٹھائی کھارے،
زوری دتیو لاواں۔
کھونّی کھیڑے دے گل بدّھی،
کوکاں تے کرلاواں۔2۔
کرنگ صبر رانجھݨ دی سیوا،
ہیر سپنے مل مل آوے 3۔
راتیں بھی کالیں تے میہیں بھی کالیاں،
چریا لوڑن بیلے۔
کہے حسین فقیر نماݨا،
وچھڑیاں رب میلے 4۔
سجݨ بن راتیں ہوئیاں وڈّیاں
سجݨ بن راتیں ہوئیاں وڈّیاں۔
ماس جھڑے جھڑ پنجر ہویا،
کݨ کݨ ہوئیاں ہڈّیاں۔
عشق چھپایا چھپدا ناہیں،
برہوں تݨاواں گڈّیاں۔
رانجھا جوگی میں جگیاݨی،
کملی کر کر سدّیاں۔
کہے حسین فقیر سائیں دا،
دامن تیرے لگّیاں۔
سجّݨ دے گل بانہ اساڈی
سجّݨ دے گل بانہ اساڈی،
کیوں کر آکھاں چھڈّ وے اڑیا۔
پوستیاں دے پوست وانگوں،
عمل پیا اساڈے ہڈّ وے اڑیا۔
رام نام دے سمرن باجھوں،
جیوݨ دا کی ہجّ وے اڑیا۔
کہے حسین فقیر سائیں دا،
صاحب دے لڑ لگّ وے اڑیا۔
سجݨ دے ہتھ بانہ اساڈی، کیوں کر آکھاں چھڈ وے اڑیا
سجݨ دے ہتھ بانہ اساڈی،
کیوں کر آکھاں چھڈ وے اڑیا۔رہاؤ۔
رات اندھیری بدّل کݨیاں،
باجھ وکیلاں مشکل بݨیاں،
ڈاڈھے کیتا سڈ وے اڑیا۔1۔
عشق محبت سیئی جاݨن،
پئی جناں دے ہڈّ وے اڑیا۔2۔
کلّر کھٹّ ن کھوہڑی،
چینا ریت نا گڈّ وے اڑیا۔3۔
نت بھرینا ایں چھٹیاں،
اک دن جاسیں چھڈ وے اڑیا۔4۔
کہے حسین فقیر نماݨا،
نیݨ نیݨاں نال گڈ وے اڑیا۔5۔
سجّݨا، اسیں موریوں لنگھ پیاسے
سجّݨا، اسیں موریوں لنگھ پیاسے۔
بھلا ہویا گڑ مکّھیاں کھادھا،
اسیں بھݨ بھݨاٹوں چھٹیاسے۔رہاؤ۔
ڈھنڈ پراݨی کتّیاں لکّی،
اسیں سرور ماہ دھوتیاسے۔1۔
کہے حسین فقیر سائیں دا،
اسیں ٹپّݨ ٹپّ نکلیاسے۔2۔
سجّݨا بولݨ دی جائے ناہیں
سجّݨا بولݨ دی جائے ناہیں۔
اندر باہر اکّا سائیں،
کس نوں آکھ سݨائیں۔
اکّو دلبر سبھ گھٹ رویا،
دوجا نہیں کدائیں۔
کہے حسین فقیر نماݨا،
ستگر توں بل جائیں۔
سمجھ ندانڑیئے، تیرا ویندا وکھت وہاندا
سمجھ ندانڑیئے، تیرا ویندا وکھت وہاندا۔رہاؤ۔
اہ دنیاں دوہ چار دہاڑے،
دیکھدیاں لد جاندا۔1۔
دولت دنیاں مال کھزینا،
سنگ ن کوئی لے جاندا۔2۔
مات پتا بھائی ست بنتا،
نال ن کوئی جاندا۔3۔
کہے حسین فقیر نماݨا،
باکی نام سائیں دا رہندا۔4۔
سارا جگ جاݨدا
سارا جگ جاݨدا،
سائیں تیرے ملݨ دی آس وو۔
میرے من مراد ایہو سائیاں،
سدا رہاں تیرے پاس وو۔رہاؤ۔
درشن دیہ دیا کر مو کوں،
سمراں میں ساس گراس وو۔1۔
کہے حسین فقیر نماݨا،
توں صاحب میں داس وو۔2۔
سݨ تو نیں کال مریندا ای
سݨ تو نیں کال مریندا ای،
ہر بھج لے گاہک ویندا ای۔رہاؤ۔
ڈونگھے جل وچ مچھلی وسّدی،
بھے صاحب دا من نہیں رکّھدی،
اوس مچّھلی نوں جال ڈھونڈھیندا ای۔1۔
میر ملک پاتشاہ شاہزادے،
جھلدے نیزے وجّدے واجے،
وچ گھڑی پھناہ کریندا ای۔2۔
کوٹھے ممٹ تے چوبارے،
وس وس گئے کئی لوک وچارے،
اک پلک ن رہݨے دیندا ای۔3۔
چڑی جندڑی کال سچاݨا،
نسدن بیٹھا لائے دھیانا،
اوہ اج کل تینوں پھسیندا ای۔4۔
کہے حسین فقیر نماݨا،
دنیاں چھوڈ آخر مر جاݨا،
نر کوڑا مان کریندا ای۔5۔
سرت کا تاݨا نرت کا باݨا
سرت کا تاݨا نرت کا باݨا،
سچّ کا کپّڑا وݨ جندے نی۔
کاہے کوں جھریں تے جھکھ ماریں،
رام نام بن باجی ہاریں،
جو بیجیا سو لݨ جندے نی۔
خان خوینی تے سلطانی،
کال لئیاں سبھ چݨ جندے نی۔
شاہ حسین فقیر گدائی،
پچّھی پوݨی سبھ لٹائی،
شاہ نوں ملیا لوڑیں ہݨ جندے نی۔
تاریں سائیں ربا وے میں اوگݨیاری
تاریں سائیں ربا وے میں اوگݨیاری۔
سبھ سئیاں گݨونتیاں
تاریں سائیں ربا وے میں اوگݨیاری۔
بھیجی سی جس بات نو پیاری ری،
سائی بات وساری۔
سل مل سئیاں داج رنگایا پیاری ری،
میں رہی کواری۔
انگݨ کوڑا وت گیا،
مڑ دیہ بہاری۔
بھے سائیں دے پربت ڈردے،
میں کوݨ وچاری۔
کہے حسین سہیلیو،
عملاں باجھ خواری۔
تیرے سہ راوݨ دی ویرا
تیرے سہ راوݨ دی ویرا،
ستی ہیں تاں جاگ،
موڈھے تیرے دوئے جݨے،
لکھدے نی آب ثواب۔1۔رہاؤ۔
ایہہ ویلا ن لہسیں کڑیئے،
تھیسیں توں بہت خراب۔1۔
کہے حسین شہ لیکھا پچّھسی،
دیسیں توں کوݨ جباب۔2۔
تھوہڑی رہ گئیو راتڑی
تھوہڑی رہ گئیو راتڑی،
سہ راویو ناہیں۔
دھنّ سوئی سہاگݨی،
جن پیا گل باہیں۔رہاؤ۔
اک انّھیری کوٹھڑی،
دوجا دیوا ن باتی۔
بانہ پکڑ جم لے چلے،
کوئی سنگ ن ساتھی۔1۔
ستی رہی کلکھݨی،
جاگی وڈ بھاگی۔
جاگن کی بدھ سو لہے،
جس انتر لاگی۔2۔
کہے حسین سہیلیو،
سہ کت بدھ پئیئے۔
کر صاحب دی بندگی،
ریݨ جاگرت رہیئے۔3۔
تنا غم کیہا سائیں جنھاں دے ولّ
تنا غم کیہا سائیں جنھاں دے ولّ۔رہاؤ۔
سوہݨی سورت دلبر والی،
رہی اکّھیں وچ گلّ۔1۔
اک پل سجݨ جدا ن تھیوے،
بیٹھا اندر مل۔2۔
کہے حسین فقیر سائیں دا،
چلݨا اجّ کہ کلّ۔3۔
توں آہو کتّ وللّی
توں آہو کتّ وللّی،
نی کڑیئے توں آہو کتّ وللّی۔رہاؤ۔
ساری عمر گوائیا ایویں،
پچّھی ن گھتّیا چھلّی۔1۔
گلیاں وچ پھرے لٹکندی،
ایہہ گل ناہیوں بھلّی۔2۔
کہے حسین فقیر سائیں دا،
داج وہوݨی چلّی۔3۔
تجھے گور بلاوے گھر آؤ رے
تجھے گور بلاوے گھر آؤ رے۔
جو آوے سو رہݨ ن پاوے،
کیا میر ملک امراؤ رے۔رہاؤ۔
ہر دم نام سمال سائیں دا،
ایہہ اؤسر ایہہ داؤ رے۔1۔
کہے حسین فقیر نماݨا،
آخر خاک سماؤ رے۔2۔
ٹک بوجھ من میں کوݨ ہے
ٹک بوجھ من میں کوݨ ہے،
سبھ دیکھ آواگوݨ ہے۔
من اؤر ہے تن اؤر ہے،
من کا وسیلا پوݨ ہے۔رہاؤ۔
بندا بݨایا جاپ کو،
توں کیہا لبھاݨا پاپ کو،
تیں صحیح کی کیا آپ کو۔1۔
اک شاہ حسین فقیر ہے،
تسیں ن آکھو پیر ہے،
جگ چلتا دیکھ وہیر ہے۔2۔
ٹک بوجھ سمجھ دل کون ہے
ٹک بوجھ سمجھ دل کون ہے۔
من کا وسیلا پون ہے۔
بندا بنایا جاپ کو۔
توں کیا بھلاویں پاپ کو۔
من اور ہے مکھ اور ہے۔
دنیاں آواگون ہے۔
شاہ حسین فقیر ہے۔
جگ چلتا دیکھ وہیر ہے۔
تسیں بئی ن بھلّو
تسیں بئی ن بھلّو،
کائے جے میں بھلیاں۔
پریم پیالا ستگر والا،
پیوت ہی میں جھلیاں۔1۔رہاؤ۔
لوک لاج کل کی مرجادا،
ڈال سجّݨ ول چلیاں۔1۔
کہے حسین فقیر سائیں دا،
نام تیرے میں ہلیاں۔2۔
تسیں مت کوئی کرو گمان
تسیں مت کوئی کرو گمان،
جوبن دھن ٹھگّ ہے۔1۔رہاؤ۔
ہنساں دے بھلاوے بھلی،
جھولی لیتا بگّ ہے۔1۔
پبّݨ پتّر اپر موت،
توہیں سارا جگّ ہے۔2۔
نندیا دھروہ بکھیلی چگلی،
نتّ کردا پھردا ٹھگّ ہے۔3۔
کہے حسین سیئی جگّ آئے،
جنھاں پچھاتا رب ہے۔4۔
تسیں رل مل دیہ ممارکھاں
تسیں رل مل دیہ ممارکھاں،
میرا سوہݨا سجݨ گھر آیا ہی۔1۔رہاؤ۔
جس سجݨ نوں میں ڈھونڈھیدی وتاں،
سو سجݨ میں پایا ہی۔1۔
ویہڑا تاں اننݨ میرا،
بھیا سہاوݨا،
ماتھے نور سہایا ہی۔2۔
کہے حسین فقیر نماݨا،
مرشد دوست ملایا ہی۔3۔
واہو بݨدی ہے گل
واہو بݨدی ہے گل،
سجݨ نال میلا کریئے۔
پار کھڑا متر رانجھݨ،
سارے باہلیئے نیں تریئے۔رہاؤ۔
بھو ساگر بخڑا ات بھاری،
سادھاں دے لیڑے چڑیئے۔1۔
سائیں کارن جوگن ہوواں،
کریئے جو کچھ سریئے۔2۔
لکّھ ٹکّا میں سرینی دیواں،
جے سہ پیارا وریئے۔3۔
ملیا یار ہوئی رسنائی،
دم سکرانے دا بھریئے۔4۔
کہے حسین حیاتی لوڑیں،
تاں جینودیاں ہی مریئے۔5۔
وارے وارے جانی ہاں گھولیاں(گھولی آہی) نیں
وارے وارے جانی ہاں گھولیاں(گھولی آہی) نیں۔رہاؤ۔
جس ساجن دا دیوو تسیں میہݨا،
تس ساجن دی میں گولی آہی نیں۔1۔
اچاچیتی بھول بھلاوے،
بابل دے گھر بھولی آہی نیں۔2۔
کہے حسین فقیر نماݨا،
تدھ باجھو کوئی ہور ن جاݨا،
خاک پیراں دی میں رولی آہی نیں۔3۔
واری وو دیکھ نماݨیاں دا ہال
واری وو دیکھ نماݨیاں دا ہال،
کداوی وو مہر پوی۔رہاؤ۔
راتیں درد دہیں درماندی،
برہ بھچھایاڑ سینہ۔1۔
رو رو نیݨ بھرینی ہاں جھولی،
جیوں ساوݨدڑو مینہ۔2۔
گل وچ پلّو مینڈا دست پیراں تے،
کدی تاں اساڈڑا تھیو۔3۔
سر صدقے قربانی کیتی،
گھول گھماندی ہاں جیو۔4۔
کہے حسین فقیر سائیں دا،
ہور بھروسا نہیں کہی دا،
آن ملااڑو پیو۔5۔
وو گمانیاں، دم گنیمت جاݨ
وو گمانیاں، دم گنیمت جاݨ۔رہاؤ۔
کیا لے آیا کیا لے جاسیں،
پھانی کل جہان۔1۔
چار دہاڑے گوئل واسا،
اس جیون دا کی بھرواسا،
نا کر اتنا ماݨ۔2۔
کہے حسین فقیر نماݨا،
آخر خاک سماݨ۔3۔
وو کی آکڑ آکڑ چلݨا
وو کی آکڑ آکڑ چلݨا۔رہاؤ۔
کھائے کھراکاں تے پہݨ پشاکاں،
کی جم دا بکرا پلݨا۔2۔
ساڈھے تنّ ہتھ ملک تساڈا،
کیوں جوہ پرائی ملّݨا۔2۔
کہے حسین فقیر سائیں دا،
انت کھاک وچ رلݨا۔3۔
وو یار جنھاں نوں عشق تناں کتّݨ کیہا
وو یار جنھاں نوں عشق تناں کتّݨ کیہا،
البیلی کیوں کتّے۔رہاؤ۔
لگّا عشق چکّی مسلاہت،
بسریاں پنجے ستّے۔1۔
گھائل مائل پھرے دوانی،
چرکھے تند ن گھتّے۔2۔
میری تے ماہی دی پریت چروکی،
جاں سری آہے ن چھتّے۔3۔
کہے حسین فقیر نماݨا،
نین سائیں نال رتّے۔4۔
وتّ ن آوݨا بھولڑی ماؤ
وتّ ن آوݨا بھولڑی ماؤ،
ایہو واری تے ایہو داؤ۔
بھلا کریں تاں بھج لے ناؤں۔رہاؤ۔
جاں کواری تاں چاؤ گھݨا،
پت پرائے دے وس پواں،
کیا جاݨا کیہی گھلّے واؤ۔1۔
سو کھیڈݨ جنھاں بھاگ متھورے،
کھیڈدیاں لہ جان وسورے،
کھیڈ کھڈندڑی دا لتھا چاؤ۔2۔
چوپڑ دے کھانے چوراسی،
جو پگّے سے چوٹ ن خاصی،
کیا جاݨا کیا پوسی داؤ۔3۔
ساچی ساکھی کہے حسینا،
جاں جیویں تاہیں سکھ چینا،
پھیر ن لہسیا پچھوتاؤ۔4۔
وتّ ن دنیاں آوݨ
وتّ ن دنیاں آوݨ۔
سدا ن پھلے توریا،
سدا ن لگّے ساوݨ۔رہاؤ۔
ایہہ جوبن تیرا چار دہاڑے،
کاہے کوں جھوٹھ کماوݨ۔
پیوکڑے دن چار دہاڑے،
البت سہرے جاوݨ۔
شاہ حسین فقیر سائیں دا،
جنگل جائے سماوݨ۔
ویلا سمرݨ دا نی، اٹّھی رام دھیائے
ویلا سمرݨ دا نی،
اٹّھی رام دھیائے۔رہاؤ۔
ہتّھ ملے مل پچھوتاسیں،
جد ویسیا وکھت وہائے۔1۔
اس تڑے توں بھر بھر گئیاں،
توں آپݨی وار لنگھائے۔2۔
اکنا بھریا اک بھر گئیاں،
اک گھرے اک راہ۔3۔
کہے حسین فقیر سائیں دا،
آتݨ پھیرا پائے۔4۔
یا دلبر یا سر کر پیارا
یا دلبر یا سر کر پیارا۔
جے توں ہیں مشتاک یگانا۔
سر دیوݨ دا چھوڈ بہانا۔
دے دے لال لباں دے لارے۔
سولی اپر چڑھ لے ہلارے۔
جنھاں سچ تنھاں لب نہیں پیارے۔
سچو سچ پھر ساچ نہارے۔
شاہ حسین جنھاں سچّ پچھاتا۔
کامل عشق تنھاں دا ذاتا۔
آئے ملیا تنھاں پیارا۔
}}