Kafian Sachal Sarmast

nangarra nimani da jiven tiven palana

maili han mandi han, beshakk tedi bandi han

dhakki mainda dholana, mede aib na pholana

pee han panare tede laggi han lare tede

tedi zat satari, doh n mede golana

nal kojhi de jalana, asan kane val aavana

(jogi nal jalana val nahin aavana)

yar sachal tun (kun) lahin kashale

ghunghat kholana bah bah bolana

keha shak guman daniyan ve, sabh kahin surat sair tusada .

lakkh poshakan karake aashik, kitoee ham hairan .

shah manasur da sir kapayoee, malh kharra maidan .

o bhi tun hain, ai bhi tun hain, aap karin araman .

mullan thi kar deven fatava, aap thiven kuraban .

'sachu' hoya nam tusada, karen deen aap bayan .

dilabar sanun aiven aakhiya, n chhorr khalak di khuvaren .

hik nam asada yad karin, bie dunhen jahan visaren .

vich duniya de jo dam jiven, nal tohid guzaren .

bekhudi vich vahadat vali, jadan achanak aande .

aav dariyae hairat de andar, tup tup gote khande .

'subahani ma aaizamu shani', sacchal iho haraf alande .

khud hi ihoee khud hi, nahin aur koee alinda .

mansur hoke vekho, suli oopar charrhinda .

tarahun tarah tamasha, aap aapana suninda .

soee kamu karije, janhin vich allah aap banije .

vich maidan muhabbat vale, dam kadam dharije .

iha takabir 'fanafi' vali, pahale pahar parrhije .

mar naghara 'analahak' da, suli sir charrhije .

andar bahar hiko hoyon, 'mutu kabal' marije .

vich kufar isalam kadahan, aashik ta n arrije .

'subahani ma aaizamu shani', sacchal sur sunije .

ishaku thi inasanu, aayo sailani sair te .

surat men aadam je, aadam damu mahamanu .

sacha tun sulatanu, satagur sachu sunayo .

odun rahabar aae, yar tusan kun bahun pucchhada .

sunan nali visar gayose, mulla jo sabak parrhae .

sab kanhin vele shauk sajan de, dil te shor machae .

aape janin yad kitone, sacchal bakhat savae .

kayon daravesh sadaeen sacchal ? tun kayon daravesh sadaeen ?

vich ibadat na vich taat, kahen so vel aaeen ?

kojhe tede kam sabhoee, tajan sir vich paeen !

aapani rah vi gum kitoee, banhan nun vat vikhaeen .

hadi murashid mehar karesi, pand tinhin dar paeen .

suhani surat yar suhane di, ditham jo hik diharre .

dasat kitus talavar birah di, mare vat ulare .

kharre rahani badh banhan agun, aashik vich nazare .

rubaru mashukan sacchal, dende sir bechare !

suhane de shala bagh husun kun, kosa vau na lagge !

hun de aashik asan bhi nise, ishak latose agge .

surat suhani vekhan nale, tan sacchal da tage !

ghaziyan nun gham keha yaro, sir da sang n karade .

vich maidan muhabbat vale, maradane thi marade .

nali unhan de thive n parra, jo hovani bedarade .

sacchal aashak eeven sunapin, rui jinhan de zarade .

ishak keha keha aanda ! suno arri mayo, main kaya janan ?

ishak ahin kun aakhani sare, ratiyan dinhan jo rovanda .

ishak sarasar jan malamat, lokan nun nahin bhanda .

akal sharam sabh dur satinda, ishak jahen dahun aanda .

sah sacchal da roz azal de, virah kanun nahin vanda .

ishak di khabar, n tekun hai birah di khabar .

je puchhin asan kanun, he be ziyan zahar .

tekun nahin kita he, ana birah be-khabar .

sir jan dil sabhaee, agun dosat dhar, n dar .

nahin khavab nahin aaram, iho ishak da asar .

denda avval nikali, tekun sara shahar .

sacchal asande kite, hoven roz muntazar .

jani so teda jamal, keha keha honda .

zare honda shakar shirin, zare zahar zaval .

zare aanda khush asannun, zare jiu da janjal .

dekhan de vich joee aanda, heee so khas khayal .

sun sacchal yar mainun jo kita, ahin de ninhun nihal .

roz azal usatad asanun, hik satar priti di parrhi .

sa main dil di takhati ute, chah vichun likh charrhi .

sacchal ishak budha na thive, kaya jo chiti darrhi .

main talib zuhad n takava da, hik mangan muhabbat masati .

diti hun usatad azal de, hath talab di takhati .

sacchal masati mul n thive, jan jan hove hasati .

aa pandhi kar nal asade, kaee galhi sajan de aavan di .

hijar tede meda hal vinaya, ithan rut aaee hai savan di .

khub basant bahar jo khulaya, hun aaee mund milavan di .

main gharib nimani nun nahin, kut haraf alavan di .

nali sachu de, suhina saeen, kar kaee ninhun nibhavan di .

akhiyan yar suhane diaan suhanayan, khuni zulam karendayan .

bazan vangun karan satune, dam n hik dherendayan .

khavan mas te rat bhi pivan, changul nal marendayan .

ana bhi sacchal dhapan nahin, karan khun kharrendayan .

akhiyan baz akab suhane diaan, karan pakhan paravaz vade .

agun unhan, mushatakan de, honde sau nayaz vade .

banhan badh, ghat gal vich gari, karade kharr ailaj vade .

tan bhi sacchal mashukan de, hosani ghamaze naz vade .

suhana yar hamesh sade nal bhi, khilada hasada .

hik dam dur n thive sathun, vich akhin de vasada .

biya koee kam na jane haragiz, khil khil dilarri khasada .

ninhun nibah asan nal sacchal, galhi ihaee dasada .

ishak laga ghar visar giyose, matalab sudh thayose .

hasil aa thiyose sara, jo kujh aap mangiyose .

sud ziyan kanun miyan, sacchal hun ta chhut payose .

suhaniyan nal n hujat kaee, pa palu kar zari .

rubaru kharr banhan badh ke, ghat gichi vich gari .

sacchal shal nibah nivije, nal yaran di yari .

mulla, chhorr kitaban, piven mi di hik payali .

palak tahen vich kazi, thiven masatan masat mavvali .

sacchal sabak visar karahun, hoven muhabbat vali .

mukh mahatab sajan da suniyan, ghunghat vich lukayusi .

dunhe nur tijale dinde, kayon vat aap chhupayusi .

zahir batin soee aaha, bazi bhed banayusi .

chashaman de chamakare lukade, lashak biraha layusi .

surat vichun murat ban ke, sacchal nam sadayusi .

kaziya, kehe masile karinden ? ishak shara kaya lage lage .

dozakh bahishat de de n darrake, bhav asan kanun bhage bhage .

bab birah da koee n parrhaden, kaghaz likhaden bage bage .

mullan di daurr masite taeen, ishak di manzil age age .

sachu hai misakin nimana, toh tede nal tage tage .

harafu halalu hekirro, biya sabhu haraf haramu .

aashikani anzamu, iho aai ajib san .

ghund kholh didar vikhau, main aaiaa mukkh vekhan nun .

pa pajeb pairan vich kariaan, payal kun chhimakau .

pahir pusakan ves gulabi, kota chandan chakhau .

hal sacchal da malum taikun, sayal kun n sikau .

teda darasan pavana ve, hun nimani nun miyan !

jo karisan, hun karisan, val ithan nahin aavanave !

bar birahon da bari aaha, sir asan tan chavanave !

saval sachu da agun saeeyan de, sara araz sunavanave !

jani javab n denda, araz asande da saeen .

je main aakhan hal hijar da, ta bhi o n alenda .

pand gichia vich je main pavan, jhirrakan de jhalenda .

hath bhi badhan pairan bhi pavan, tadan bhi nal n nenda .

suno sunayan galahi muhab diyan, mari bechari nun venda .

nal dadhe de yari, lagarri azal kanun .

banhan badh ke pesh povan main, nal saeeyan de zari .

ilamu akul te sharam haya kanun, ishak kiti bezari .

apani marazi nal asan khud, birah chatose bari .

anan asande nal karam de, aa tun sajan hikavari .

ishak tede di dil mede te, asal kanun mukhatari .

tekun he malum, ai piyara, galah sacchal di sari .

tede dar medi zari zari, ala ala lakh vari vari .

main nimani aiben hani, tar tushade tari tari .

nal tusande roz azal kanun, yar asandi yari yari .

hal asande di dilabar saeen, sudh tusankun sari sari .

mukharra vakhalin tun hikavari, main hijaran di mari mari .

sag sacchal hai dar tede da, gal tahin kun garati gari .

suhana saeen bakhash asannun, jo koi doh kitose .

nam khuda de afon karin, jo tede ninhan nitose .

palu tusanda roz azal kanun, dilabar dasat litose .

apana jan sacchal kun suhana, tekun palu ghatayose .

palav tusande payan main palav tusande piyan .

avagun dahun dekh n mede, hal kanun hun giyan .

ishak da payala pi karahun, aiven divani thiyan .

tane tuhamat devan mainun, ral mil siyalen suniyan .

anan sachu de aav payara, birah tusandarre leiaan .

main mandi, main mandi, kiven sadavan hun bandi .

tauba tauba te isataghafar, gichi patose gandi .

ihin galahun kaee mudat dil te, rahi he daradamandi .

bajhun saiyan de hun sachu ve, kar n bi kaee kandi .

roz azal khan abad taeen, atham gichia gal gani .

doh dingayun disu n munhinjiyun, muhab kariyo maharabani .

kian sachua ji dilarri dilabar, dosat kayav divani .

aman de vich rakh yar suhane di, allah sangat sari .

tanhin de nal asan di aahe, yakadal ya rab yari .

dosati de vich puchhin je main kun, sacchal rakhan sachari .

zari, sajan, lakh zari, medi tede nal .

nal tusa de medi yari, jiven vaneee tiven pal .

aakhan yar tenun hikavari, tedi gujharri gal .

medi tekun he sudh sari, varak hijar da val .

azal kanun mede gal vich gari, aav sade gale jal .

sacchal hai sag dar tede da, dosat sigha gham tal .

des asande aaven, yar piyaral ve miyan .

rahin asande dilabar nerre, dur n sathun javin .

anan nimani de, suhana saeen, per saghera pavin .

tusan bajhun nit phiran beragan, chir ta vat kayon lavin .

nanu allah de thivan ailazan, chit sacchal tun n chavin .

asan ghariban de nal dilabar chanarri kitoee .

age pichhe he gal tusande, jiven vaneee tiven pal .

'nanhanu akarabu' iha isharat, varak hijar da val .

sacchal kaun hai umr sabhaee, jo shan de vich jal .

kafi

bat biraha di ehi ehi ajab jehi .

mil mashukan masalahat kiti, aashik katal karasiyun .

katal kanun jo pichhe tahan kun, shahar dhindhore desun .

kanun dhindhore pichhe tahan kun, laharen vich lurrasiyun .

lahar kanun jo bahar aaya, ramaz ihen di zehi ehi ajab jehi .

lahar kanun pichhe tahan kun, aatish vich satesun .

aatish vich jo sat tahen kun, phuk arrah machasiyun .

phuk arrah macha tahen di vaeen khak udesun .

khak aashik di akhiyan de vich, surama jorr ke pasiyun .

aashik so jo surama thive, galhi unnhi di kehi, ehi ajab jehi .

suniyan subah de vele, aashik pakarr ke taiyar karesun .

shabashab tahin de pichhun, faujan hasan charrhasiyun .

vich latan de aashik shoda, kabu kaid karesun .

avval hushiyan dekar pichhe, ai manasuba chalesun .

nal tahin de jehi vani, aape karasun ehi, ehi ajab jehi .

chalo ve suniyan aashik kite, suraha met malesun .

vich dariya lohu de tahen kun, dhupan nal dhosiyun .

dhopen nal dhuva tahin kun, ghote khub divesun .

ghote kanun jo puchhe tahan kun, dekar lat burresun .

budan kanun jo bahar aaya, galhi karije kehi, ehi ajab jehi .

ranga rang nakashi vala, mahala ek banesun .

hade gade tahin aashik de, vat thanbhe kam karesun .

char ee baju karake dake, purri jorr jurresun .

sir aashik da tahin de utun, dike daras dharesun .

khun di kimat asan thiyose, katal thiya paradehi, ehi ajab jehi .

aashik aaho mashuk shikari, iho shikar karesun .

ramazan ghamazan mazaghan vale, tinnhi kun tir maresun .

nam allah de nal aashik kun, cha takabir ghatesun .

hatthen apane ghan aashik de, cha vat khal khalesun .

botiyan karake aatish de vich, sikhen sir charrhesun .

sikhen utun lah karahan, tal phal kar vandesun .

tal phal da gaya zara puraza, jan jigar vich pehi, ehi ajab jehi .

asal kanun jo sada aaha, sacchal yar puchhesun .

vich darazen jai tahin de, sara virah vandesun .

uho asanda asan uhen de, ishak kitose nehi, ehi ajab jehi .

lokan nun khabar kehi tahane deve jani jani

asalon aahi nal ranjhan de pirat maindi ghani ghani

main te ranjhan ghat pitase khir makkhan jhani jhani

boli jogi di dil mainde kun bahun bahun vani vani

ishake di masalat main te mahi gurrhi eha gani gani

suno ri seeaan pirat asadi nal sacchu de bani bani

aavan javan di sudhata nahin aadam thi kar aaiaa

zahir joee batin soee murashid iv samajhaiaa

tehi makani nan bataosu kadam dahira chaiaa

chautha makan seee kar jane hik ghar rang jo laiaa

jinhan khaniaan kanun guzar giaa hik so val oothan jaiaa

sacchu vich sifat banakar sara sir chhipaiaa

akkhiaan baz ukab sohane diaan shor ghatan shahijoriaan

masat hovan masataniaan duhin dadhe kaif lagoriaan

munh vich duh mahatab ni roshan ya vat nur katoriaan

khuni khun karendiaan sacchal tanvi sada sagoriaan

sohane diaan shahabaz akkhin hun ya vat zalim zure

mizaghan devan tazir ushakan den vale jin dure

kadar unhan da unhan kon jinhan pite taze ture

masat mavali tithan aakar sutan sir hik jure

khabar jinhan nun ihai na sacchal hal tinhan de bure

sher akkhin shahizor sohane diaan barachha jan talavariaan

hakam sakhat hakumat valiaan saneen aap savariaan

marin mulak dilin da yaro kabiz rahin karariaan

kinniaan main badashahiaan ditthiaan sacchal unhan udariaan

la nafi da kalaman sanun murashad aap parrhaiaa

hatthiyan ditosu hinmat jinhi sara hosh gavaiaa

asan vi tinhan de kite yaro mihana sir te chaiaa

sacchal thi kuraban unhan ton jinhan aa ke josh jagaiaa

ishak de asarar di yaro agg saramasatan nun

zahid aabid mullan kazi karade yad gujashatan nun

isatakabal te mazi kaya hai hal ditosu dilakhasatan nun

nashe ishak de aashak janan kal kaise kanbakhatan nun

takava zuhad te din kufar bhatth ghattin sarabasatan nun

ishak hadi da ghalib hoiaa sacchal nesat karenda basatan nun

ih sabh sail bahir da hai ee na kaee bharana kashati

vich dariaau vahadat vale sut chhorrin iha hasati

ghinasin khal visar sabhaee jiharri galhi gujashati

isatakabal bhatthi chhorr mazi kun sacchal mang saramasati

kit babal te kit mahi

seeu ni main tan ranjhan de larr laggiaan

main te ranjhan hik thiuse kherriaan nal judaee

bele bahisan ranjhu vale chhorr babani shahi

bee harakaee man-piu jaee hir ishak di jaee

sacchu aakhe soz mahi da denda ishak gavahi

ishak de bajhon biya sabh kurr suli te manasur

na koee dozak na koee jannat na koee hur kasur

na sada man manenda mulliaan da mazakur

dueen javani langh giuse tan thiuse jhur

zahir dekhiun yar sajan da naini vala nur

biya sabh bahin phiratiaan phahiaan chhorran haini zarur

sacchal sacch seee kar jane hai tun aap hazur

asadi jan kun lagarri havae shamas tabarezi

main ohi ja te aaiaa han jithan khasan di khunchezi

vekho manasur kun ishake kita saradar aavezi

uthan main rahi gee muddat akhiya biraha ke parakhezi

vekho yaro ushakan te kiti hai ishake changezi

asal mahibub di eha sacchal hai khub paravezi

akkhiaan ishak te ishak ni abaru mizagan ishak sabho ee

jadugar da jadu dadha sabh nun hairat hoee

aashik dekh husan de murache hal vajendiaan roee

sacchal tir kamanan bazan bhajj na vainda koee

husan valiaan diaan kalaman charrhiaan kahin na jhalliaan paliaan

mushatakan de maran kite ghor karendiaan ghaliaan

daradamandan de diliaan ute chot chalavan chaliaan

mushatakan kun ihanan akkhiaan diaan vat marake faujan valiaan

dahashat jhalake sacchal saeen rangabhariaan nal raliaan

sohana yar khiraman aaiaa naz gharur ghamaz kanun

luk kharre shahabaz te shikare chashaman de paravaz kanun

dahashat jhall na saki bazan chhup kharre aavaz kanun

ishak di aait parrhi ushakan husan vale abayaz kanun

sacchal kun ihe sudhan peeaan sariaan shahir daraz kanun

mushatakan kun yar sohane diaan chhakan karendiaan chhama

dekh ushak bhi vakat uhin dam sir di chavan tama

husan di hak pee vanj har ja kaya ubha te kaya lanma

'sacchal' gharib kun ratin dihan ghamaza laiaa ghama

karan shahid mushatakan nun ih chashaman diaan shamashiriaan

sir te daradamandan de yaro vah barriaan sarasiriaan

laf ghazaf valiaan diaan 'sacchal' tinhan te faujan phiriaan

banke nain sipahi larrade zoran zor na talade

mushatakan de vat maran bajhon pichhe mul na valade

khush hovan khunrezi kolon chal sitam di chalade

nur bhariaan dohe shaman vangan lal yakuti balade

aashik yar 'sacchal' nahin kharrade agun akhin de jalade

val val val sau chhalle chhalle phahiaan jorr kharraus

sihar jadu vekh murr vekh unhan te tarahin tarah parrhaus

ushakan diaan kar dilin divaniaan hukama hukam phasaus

bhajje 'sacchal' uh aashik kiven husan di fauj charrhaus

banke nain sajjan de ghalib mar dende mushatakan

diliaan lut niun hik vari karade kanm kazakan

bahan badh kharrade agun sifan sif ushakan

ishak valiaan diaan har dam 'sacchal' vanjh chunmian khakan

vakat namaz digar de ditham vah husan de chale

pechon pech latak pe gul te kes bishiar kale

dohe dekh hakumat vale nain navab nirale

mizagan tir kamanan abaru maran karan n tale

kaee garaz n rakhade kahin di masat phiran matavale

lal laban yakut ramani aali manasab vale

'sacchal' dekh unhan de agun kita "han" havale

ditha main rukhasar sohane da khush khurashaidi khubi

akhiaan katil thivan kahari masal munh mahibubi

ushakan kun aa kare asiri ishak vali asalubi

n makhaluk akhije 'sacchal' sara rang rabubi