ਦਿੱਲੜੀ ਨਮਾਣੀ ਕੂੰ ਰੋਜ਼ ਮੁੰਝਾਰੀ

دلّڑی نماݨی کوں روز مونجھاری۔چھڈّ گیا ڈھولا یار آزاری۔

عشق نہیں کئی بھاہ غضب دی۔سڑدی جلدی جان وچاری۔

عاشق پھردے مست موالی۔سر قربان کرن لکھ واری۔

درد اندوہ تے سول ہزاراں۔لا کر یاری یار وساری۔

سید کریندے مرگ دلیندے۔نازو ادا ہن باز شکاری۔

چشماں شوکھ بہادر جنگی۔پلکاں دھردیاں دست کٹاری۔

جند فرید بچے ہݨ کینویں۔نیناں خدنگ چلائی کاری۔

ਦਿੱਲੜੀ ਨਮਾਣੀ ਕੂੰ ਰੋਜ਼ ਮੁੰਝਾਰੀ।ਛੱਡ ਗਿਆ ਢੋਲਾ ਯਾਰ ਆਜ਼ਾਰੀ।

ਇਸ਼ਕ ਨਹੀਂ ਕਈ ਭਾਹ ਗ਼ਜ਼ਬ ਦੀ।ਸੜਦੀ ਜਲਦੀ ਜਾਨ ਵਿਚਾਰੀ।

ਆਸ਼ਕ ਫਿਰਦੇ ਮਸਤ ਮਵਾਲੀ।ਸਰ ਕੁਰਬਾਨ ਕਰਨ ਲਖ ਵਾਰੀ।

ਦਰਦ ਅੰਦੋਹ ਤੇ ਸੂਲ ਹਜ਼ਾਰਾਂ।ਲਾ ਕਰ ਯਾਰੀ ਯਾਰ ਵਿਸਾਰੀ।

ਸੈਦ ਕਰੇਂਦੇ ਮੁਰਗ ਦਿਲੇਂਦੇ।ਨਾਜ਼ੋ ਅਦਾ ਹਿਨ ਬਾਜ਼ ਸ਼ਿਕਾਰੀ।

ਚਸ਼ਮਾਂ ਸ਼ੋਖ ਬਹਾਦਰ ਜੰਗੀ।ਪਲਕਾਂ ਧਰਦੀਆਂ ਦਸਤ ਕਟਾਰੀ।

ਜਿੰਦ ਫ਼ਰੀਦ ਬਚੇ ਹੁਣ ਕੇਂਵੇਂ।ਨੈਨਾਂ ਖ਼ਦੰਗ ਚਲਾਈ ਕਾਰੀ।

dillarri namani kun roz munjhari.chhadd giaa dhola yar aazari.

ishak nahin kee bhah ghazab di.sarradi jaladi jan vichari.

aashak phirade masat mavali.sar kuraban karan lakh vari.

darad andoh te sul hazaran.la kar yari yar visari.

said karende murag dilende.nazo ada hin baz shikari.

chashaman shokh bahadar jangi.palakan dharadiaan dasat katari.

jind farid bache hun kenven.nainan khadang chalaee kari.