ਦਿਲੀਆਂ ਤੇ ਦੀਦਾਂ ਸੋਹਣਾ ਤੈਡੜੇ ਦੇਰੇ

دلیاں تے دیداں سوہݨا تیڈڑے دیرے۔ہردم وسّیں پیاں توں ساڈڑے نیڑے۔

سنگیاں سرتیاں حق ہمسائے۔گلڑے کرن ویکھ وے۔

ماں پیو ویرن بھیݨ بھݨیجیاں۔جڑ جڑ لانون جھیڑے۔

جگتاں مارن پیکے پتݨے۔ہاسے کرن سوریجے۔

اٹّھدیں بہندیں ٹردیں پھردیں۔سسّ نناݨ کہیڑے۔

چوچک چاک تیڈا توں مالک۔سر سر واہ دا وارث۔

منجھیاں تیڈیاں جھوکاں تیڈیاں۔کوڑے چھوڑ بکھیڑے۔

کون ہے قاضی رشوت راضی۔کون سیال دے کھیڑے۔

باجھ خدا دے جھگڑے جھیڑے۔ساڈے کون نبیڑے۔

ڈوں ڈہیندے ناہک داوے۔اوڑک ناہک تھیندے۔

رانجھن تے میں ہسّ رسّ وسّوں۔سڑ سڑ مرسن کھیڑے۔

جو جو لیکھ متّھے دے آہے۔آخر وہا ملaسے۔

جندڑی چھٹّݨ فرید ہے مشکل۔ویڑیاں عشق اویڑے۔

ਦਿਲੀਆਂ ਤੇ ਦੀਦਾਂ ਸੋਹਣਾ ਤੈਡੜੇ ਦੇਰੇ।ਹਰਦਮ ਵੱਸੀਂ ਪੀਆਂ ਤੂੰ ਸਾਡੜੇ ਨੇੜੇ।

ਸੰਗੀਆਂ ਸੁਰਤੀਆਂ ਹਕ ਹਮਸਾਏ।ਗਿਲੜੇ ਕਰਨ ਵੇਖ ਵੇ।

ਮਾਂ ਪਿਉ ਵੀਰਨ ਭੈਣ ਭਣੀਜੀਆਂ।ਜੁੜ ਜੁੜ ਲਾਂਵਿਨ ਝੇੜੇ।

ਜਗਤਾਂ ਮਾਰਨ ਪੇਕੇ ਪਤਣੇ।ਹਾਸੇ ਕਰਨ ਸੋਰੀਜੇ।

ਉੱਠਦੀਂ ਬਹਿੰਦੀਂ ਟੁਰਦੀਂ ਫਿਰਦੀਂ।ਸੱਸ ਨਨਾਣ ਕਹੇੜੇ।

ਚੂਚਕ ਚਾਕ ਤੈਡਾ ਤੂੰ ਮਾਲਕ।ਸਰ ਸਰ ਵਾਹ ਦਾ ਵਾਰਸ।

ਮੰਝੀਆਂ ਤੈਡੀਆਂ ਝੋਕਾਂ ਤੈਡੀਆਂ।ਕੂੜੇ ਛੋੜ ਬਖੇੜੇ।

ਕੌਨ ਹੈ ਕਾਜ਼ੀ ਰਿਸ਼ਵਤ ਰਾਜੀ।ਕੌਨ ਸਿਆਲ ਦੇ ਖੇੜੇ।

ਬਾਝ ਖ਼ੁਦਾ ਦੇ ਝਗੜੇ ਝੇੜੇ।ਸਾਡੇ ਕੌਨ ਨਬੇੜੇ।

ਡੂੰ ਡਹੇਂਦੇ ਨਾਹਕ ਦਾਵੇ।ਓੜਕ ਨਾਹਕ ਥੀਂਦੇ।

ਰਾਂਝਨ ਤੇ ਮੈਂ ਹੱਸ ਰੱਸ ਵੱਸੂੰ।ਸੜ ਸੜ ਮਰਸਨ ਖੇੜੇ।

ਜੋ ਜੋ ਲੇਖ ਮੱਥੇ ਦੇ ਆਹੇ।ਆਖ਼ਰ ਵਹਾ ਮਿਲਿaੁਸੇ।

ਜਿੰਦੜੀ ਛੁੱਟਣ ਫ਼ਰੀਦ ਹੈ ਮੁਸ਼ਕਲ।ਵੇੜਿਆਂ ਇਸ਼ਕ ਅਵੈੜੇ।

diliaan te didan sohana taidarre dere.haradam vassin piaan tun sadarre nerre.

sangiaan suratiaan hak hamasae.gilarre karan vekh ve.

man piu viran bhain bhanijiaan.jurr jurr lanvin jherre.

jagatan maran peke patane.hase karan sorije.

utthadin bahindin turadin phiradin.sass nanan kaherre.

chuchak chak taida tun malak.sar sar vah da varas.

manjhiaan taidiaan jhokan taidiaan.kurre chhorr bakherre.

kaun hai kazi rishavat raji.kaun siaal de kherre.

bajh khuda de jhagarre jherre.sade kaun naberre.

dun dahende nahak dave.orrak nahak thinde.

ranjhan te main hass rass vassun.sarr sarr marasan kherre.

jo jo lekh matthe de aahe.aakhar vaha miliause.

jindarri chhuttan farid hai mushakal.verriaan ishak avairre.