ਬਿਨ ਦਿਲਬਰ ਆਹੀਂ ਕਰ ਕਰ

بن دلبر آہیں کر کر۔کئی راتیں ڈتم سہر کر۔

روہ روہی راوے رلدی۔نت قدم قدم تے بھلدی۔

کڈی تھک بہندی جلدی۔ہݨ سانول یار وہر کر۔

ڈوکھی ڈکھڑے سنج سباہیں۔ڈونگھے ڈونگر کوجھیاں جاہیں۔

جتھ ممّیاں گول بلائیں۔رچھ راخش بھجدے ڈر کر۔

بن عاشق اہل وفا دے۔بن شائک ذوق لکا دے۔

بن صاحب صدق و سپھا دے۔اتھ آوے کون گزر کر۔

لڈ نیتو جھوک پریرے۔دل درداں لائم دیرے۔

ڈسے روٹی ہاں دے بیرے۔پیواں پانی کھون جگر کر۔

تھیئے کنڈڑے تول نہالی۔گھر ڈیوم ڈین ڈخالی۔

ول ہوت دلیندا والی۔آ! سینے ساڈے گھر کر۔

گیوں ویری کیچ سفر کر۔جی جالیو ظلم قہر کر۔

جکھ جکھدی ویساں مر کر۔تھل مارو گور قبر کر۔

سوہݨا یار فرید ڈوں آوے۔گل لاوے سیجھ سہاوے۔

آ ! اجڑی جھوک وساوے۔ٹھنڈڑی آہ اسر کر۔

ਬਿਨ ਦਿਲਬਰ ਆਹੀਂ ਕਰ ਕਰ।ਕਈ ਰਾਤੀਂ ਡਿਤਮ ਸਹਰ ਕਰ।

ਰੋਹ ਰੋਹੀ ਰਾਵੇ ਰੁਲਦੀ।ਨਿਤ ਕਦਮ ਕਦਮ ਤੇ ਭੁਲਦੀ।

ਕਡੀ ਥਕ ਬਹਿੰਦੀ ਜੁਲਦੀ।ਹੁਣ ਸਾਂਵਲ ਯਾਰ ਵਹਰ ਕਰ।

ਡੋਖੀ ਡੁਖੜੇ ਸੰਜ ਸਬਾਹੀਂ।ਡੂੰਘੇ ਡੂੰਗਰ ਕੋਝੀਆਂ ਜਾਹੀਂ।

ਜਿਥ ਮੱਮੀਆਂ ਗੌਲ ਬਲਾਈਂ।ਰਿਛ ਰਾਖ਼ਸ਼ ਭਜਦੇ ਡਰ ਕਰ।

ਬਿਨ ਆਸ਼ਕ ਅਹਿਲ ਵਫ਼ਾ ਦੇ।ਬਿਨ ਸ਼ਾਇਕ ਜੌਕ ਲਕਾ ਦੇ।

ਬਿਨ ਸਾਹਿਬ ਸਿਦਕ ਵ ਸਫਾ ਦੇ।ਇਥ ਆਵੇ ਕੌਨ ਗੁਜ਼ਰ ਕਰ।

ਲਡ ਨੀਤੋ ਝੋਕ ਪਰੇਰੇ।ਦਿਲ ਦਰਦਾਂ ਲਾਇਮ ਦੇਰੇ।

ਡਿਸੇ ਰੋਟੀ ਹਾਂ ਦੇ ਬੇਰੇ।ਪੀਵਾਂ ਪਾਨੀ ਖੂਨ ਜਿਗਰ ਕਰ।

ਥੀਏ ਕੰਡੜੇ ਤੂਲ ਨਿਹਾਲੀ।ਘਰ ਡੇਵਮ ਡੈਨ ਡਿਖ਼ਾਲੀ।

ਵਲ ਹੋਤ ਦਲੇਂਦਾ ਵਾਲੀ।ਆ! ਸੀਨੇ ਸਾਡੇ ਘਰ ਕਰ।

ਗਿਓਂ ਵੈਰੀ ਕੇਚ ਸਫ਼ਰ ਕਰ।ਜੀ ਜਾਲਿਓ ਜ਼ੁਲਮ ਕਹਿਰ ਕਰ।

ਜੁਖ ਜੁਖਦੀ ਵੈਸਾਂ ਮਰ ਕਰ।ਥਲ ਮਾਰੂ ਗੋਰ ਕਬਰ ਕਰ।

ਸੋਹਣਾ ਯਾਰ ਫ਼ਰੀਦ ਡੋਂ ਆਵੇ।ਗਲ ਲਾਵੇ ਸੇਝ ਸਹਾਵੇ।

ਆ ! ਉਜੜੀ ਝੋਕ ਵਸਾਵੇ।ਠੰਡੜੀ ਆਹ ਅਸਰ ਕਰ।

bin dilabar aahin kar kar.kee ratin ditam sahar kar.

roh rohi rave ruladi.nit kadam kadam te bhuladi.

kadi thak bahindi juladi.hun sanval yar vahar kar.

dokhi dukharre sanj sabahin.dunghe dungar kojhiaan jahin.

jith mammiaan gaul balaeen.richh rakhash bhajade dar kar.

bin aashak ahil vafa de.bin shaik jauk laka de.

bin sahib sidak v sapha de.ith aave kaun guzar kar.

lad nito jhok parere.dil daradan laim dere.

dise roti han de bere.pivan pani khun jigar kar.

thie kandarre tul nihali.ghar devam dain dikhali.

val hot dalenda vali.aa! sine sade ghar kar.

gion vairi kech safar kar.ji jalio zulam kahir kar.

jukh jukhadi vaisan mar kar.thal maru gor kabar kar.

sohana yar farid don aave.gal lave sejh sahave.

aa ! ujarri jhok vasave.thandarri aah asar kar.