یار بروچل کاݨ
ਯਾਰ ਬਰੋਚਲ ਕਾਣ
یار بروچل کاݨ۔رلدی روہ ڈونگر وچ۔
لائس جڑ کر باݨ۔دلڑی، جان، جگر وچ۔
سینگیاں سرتیاں کنتھ رجھایا۔اپنے اپنے ڈھول کوں پایا۔
میکوں میڈرے ماݨّ۔رولیا سونجڑے بروچ۔
یار ن پاواں بار اٹھاواں۔نیر وہاواں گاوݨ گاواں۔
رکّھ رکّھ ویݨ دی واݨ۔ہر کوچے گھر گھر وچ۔
ریت تتّی پیا ڈکھڑے گھاٹے۔کھڑ بݨ کھوب گپاٹے گھاٹے۔
سٹّ گیا جاݨ پچھاݨ۔کانی مار اندر وچ۔
حسن حقیقی نورے ہجازی۔کھیڈے ناز نیاج دی بازی۔
صدقو سمجھ سنجاݨ۔آیا کوٹ شہر وچ۔
راہ اولڑے اوکھیاں گھاٹیاں۔چبھدے ککرے کنڈرے کاٹھیاں۔
مارم سول وڈان۔آئم ظلم قہر وچ۔
پہلے ڈینہ دی قسمت پھٹڑی۔جمدے ویلے امڑی مٹھڑی۔
ڈتڑا ڈکھ دا ڈاݨ۔لوڑھیس برہو بروچ۔
درد فرید ہمیشہ ہووے۔سارے پاپ دوئی دے دھووے۔
رہندی تانگھ تے تاݨ۔پہونچاں پریم نگر وچ۔
ਯਾਰ ਬਰੋਚਲ ਕਾਣ।ਰੁਲਦੀ ਰੋਹ ਡੂੰਗਰ ਵਿਚ।
ਲਾਇਸ ਜੁੜ ਕਰ ਬਾਣ।ਦਿਲੜੀ, ਜਾਨ, ਜਿਗਰ ਵਿਚ।
ਸੇਂਗੀਆਂ ਸੁਰਤੀਆਂ ਕੰਥ ਰਿਝਾਇਆ।ਅਪਨੇ ਅਪਨੇ ਢੋਲ ਕੂੰ ਪਾਇਆ।
ਮੈਕੂੰ ਮੈਡਰੇ ਮਾਂਣ।ਰੋਲਿਆ ਸੁੰਜੜੇ ਬਰੋਚ।
ਯਾਰ ਨ ਪਾਵਾਂ ਬਾਰ ਉਠਾਵਾਂ।ਨੀਰ ਵਹਾਵਾਂ ਗਾਵਣ ਗਾਵਾਂ।
ਰੱਖ ਰੱਖ ਵੈਣ ਦੀ ਵਾਣ।ਹਰ ਕੂਚੇ ਘਰ ਘਰ ਵਿਚ।
ਰੇਤ ਤੱਤੀ ਪਿਆ ਡੁਖੜੇ ਘਾਟੇ।ਖੁੜ ਬਣ ਖੋਬ ਗਪਾਟੇ ਘਾਟੇ।
ਸੱਟ ਗਿਆ ਜਾਣ ਪਛਾਣ।ਕਾਨੀ ਮਾਰ ਅੰਦਰ ਵਿਚ।
ਹੁਸਨ ਹਕੀਕੀ ਨੂਰੇ ਹਜਾਜ਼ੀ।ਖੇਡੇ ਨਾਜ਼ ਨਿਆਜ ਦੀ ਬਾਜ਼ੀ।
ਸਿਦਕੋ ਸਮਝ ਸਿੰਜਾਣ।ਆਇਆ ਕੋਟ ਸ਼ਹਿਰ ਵਿਚ।
ਰਾਹ ਅਵਲੜੇ ਔਖੀਆਂ ਘਾਟੀਆਂ।ਚੁਭਦੇ ਕਕਰੇ ਕੰਡਰੇ ਕਾਠੀਆਂ।
ਮਾਰਮ ਸੂਲ ਵਡਾਨ।ਆਇਮ ਜ਼ੁਲਮ ਕਹਿਰ ਵਿਚ।
ਪਹਿਲੇ ਡੇਂਹ ਦੀ ਕਿਸਮਤ ਫੁਟੜੀ।ਜਮਦੇ ਵੇਲੇ ਅਮੜੀ ਮੁਠੜੀ।
ਡਿਤੜਾ ਡੁਖ ਦਾ ਡਾਣ।ਲੋੜ੍ਹੇਸ ਬਿਰਹੋ ਬਰਵਿਚ।
ਦਰਦ ਫ਼ਰੀਦ ਹਮੇਸ਼ਾ ਹੋਵੇ।ਸਾਰੇ ਪਾਪ ਦੂਈ ਦੇ ਧੋਵੇ।
ਰਹਿੰਦੀ ਤਾਂਘ ਤੇ ਤਾਣ।ਪਹੁੰਚਾਂ ਪ੍ਰੇਮ ਨਗਰ ਵਿਚ।
yar barochal kan.ruladi roh dungar vich.
lais jurr kar ban.dilarri, jan, jigar vich.
sengiaan suratiaan kanth rijhaiaa.apane apane dhol kun paiaa.
maikun maidare mann.roliaa sunjarre baroch.
yar n pavan bar uthavan.nir vahavan gavan gavan.
rakkh rakkh vain di van.har kuche ghar ghar vich.
ret tatti piaa dukharre ghate.khurr ban khob gapate ghate.
satt giaa jan pachhan.kani mar andar vich.
husan hakiki nure hajazi.khede naz niaaj di bazi.
sidako samajh sinjan.aaiaa kot shahir vich.
rah avalarre aukhiaan ghatiaan.chubhade kakare kandare kathiaan.
maram sul vadan.aaim zulam kahir vich.
pahile denh di kisamat phutarri.jamade vele amarri mutharri.
ditarra dukh da dan.lorrhes biraho baravich.
darad farid hamesha hove.sare pap duee de dhove.
rahindi tangh te tan.pahunchan prem nagar vich.