ਸੁਣ ਯਾਰ ਪੁਰਾਣੀ ਪੀੜ ਵੋ

(ایہہ کافی ہیر دی زبانی لکھی ہے، جہڑی رانجھے دی عاشق سی۔)

سݨ یار پراݨی پیڑ وو۔تھیاں اکّھیاں چھل گئی دلڑی جل۔

کانہ کماݨیں اجڑیاں جھوکاں۔سکھت سیالیں کردیاں ٹوکا۔

رہندی دل دلگیر وو۔سر درد اٹل پئے روگ اچھل۔

لگڑا نینہ رنجھیٹے والا۔وسریا فہم فکر دا چالا۔

ہیر گئی جھنگ چیر وو۔سٹ سیجھ پلنگ تے رنگ مہل۔

بھوگے مول ن دشمن جائی۔جو جو سکھتی میں سر آئی۔

مارم ما پیو ویر وو۔ول سنگیا سرتیاں لہم ن کل۔

چاک مہیندا آ وڑ ویہڑے۔کھیڑے بھیڑے رکھݨ بکھیڑے۔

کپڑے لیر کتیر وو۔گیا ہار سنگار مساگ کجل۔

نازک ناز نگاہ سجن دے۔اشوے گمزے من موہن دے۔

لگڑے کاری تیر وو۔سے سینے پل پل چبھدے پھل۔

اوکھے لاگھے روہ ہبلدے۔چھل چھل چھالے پیر پچلدے۔

رلدی راہ ملھیر وو۔جتھ راکھس ڈنڑی پوون دہل۔

سسّی شودی پیر پیادی۔نا تڑ تاڈے جھوک آبادی۔

مٹھڑی بے تقصیر وو۔نا کھرچ پلے نا گنڈھ سمل۔

ماہی باجھوں سول قہر دے۔ڈیہاں رات فرید نظردے۔

نیڑاں نیر وہیر وو۔جھر جنگل بیلے چھلو چھل۔

(ਇਹ ਕਾਫ਼ੀ ਹੀਰ ਦੀ ਜ਼ਬਾਨੀ ਲਿਖੀ ਹੈ, ਜਿਹੜੀ ਰਾਂਝੇ ਦੀ ਆਸ਼ਕ ਸੀ।)

ਸੁਣ ਯਾਰ ਪੁਰਾਣੀ ਪੀੜ ਵੋ।ਥੀਆਂ ਅੱਖੀਆਂ ਛਲ ਗਈ ਦਿਲੜੀ ਜਲ।

ਕਾਂਹ ਕੁਮਾਣੀਂ ਉਜੜੀਆਂ ਝੋਕਾਂ।ਸਖਤ ਸਿਆਲੀਂ ਕਰਦੀਆਂ ਟੋਕਾ।

ਰਹਿੰਦੀ ਦਿਲ ਦਿਲਗੀਰ ਵੋ।ਸਰ ਦਰਦ ਉਟਲ ਪਏ ਰੋਗ ਉਛਲ।

ਲਗੜਾ ਨੇਂਹ ਰੰਝੇਟੇ ਵਾਲਾ।ਵਿਸਰਿਆ ਫ਼ਹਿਮ ਫ਼ਿਕਰ ਦਾ ਚਾਲਾ।

ਹੀਰ ਗਈ ਝੰਗ ਚੀਰ ਵੋ।ਸਟ ਸੇਝ ਪਲੰਗ ਤੇ ਰੰਗ ਮਹਲ।

ਭੋਗੇ ਮੂਲ ਨ ਦੁਸ਼ਮਨ ਜਾਈ।ਜੋ ਜੋ ਸਖਤੀ ਮੈਂ ਸਿਰ ਆਈ।

ਮਾਰਮ ਮਾ ਪਿਉ ਵੀਰ ਵੋ।ਵਲ ਸੰਗੀਆ ਸੁਰਤੀਆਂ ਲਹਮ ਨ ਕਲ।

ਚਾਕ ਮਹੀਂਦਾ ਆ ਵੜ ਵੇਹੜੇ।ਖੇੜੇ ਭੇੜੇ ਰਖਣ ਬਖੇੜੇ।

ਕਪੜੇ ਲੀਰ ਕਤੀਰ ਵੋ।ਗਿਆ ਹਾਰ ਸਿੰਗਾਰ ਮੁਸਾਗ ਕਜਲ।

ਨਾਜ਼ਕ ਨਾਜ਼ ਨਿਗਾਹ ਸਜਨ ਦੇ।ਇਸ਼ਵੇ ਗਮਜ਼ੇ ਮਨ ਮੋਹਨ ਦੇ।

ਲਗੜੇ ਕਾਰੀ ਤੀਰ ਵੋ।ਸੈ ਸੀਨੇ ਪਲ ਪਲ ਚੁਭਦੇ ਫਲ।

ਔਖੇ ਲਾਘੇ ਰੋਹ ਹਬਲਦੇ।ਛਲ ਛਲ ਛਾਲੇ ਪੈਰ ਪਚਲਦੇ।

ਰੁਲਦੀ ਰਾਹ ਮਲ੍ਹੇਰ ਵੋ।ਜਿਥ ਰਾਖਸ ਡਨੜੀ ਪੌਵਨ ਦਹਲ।

ਸੱਸੀ ਸ਼ੋਦੀ ਪੈਰ ਪਿਆਦੀ।ਨਾ ਤਿੜ ਤਾਡੇ ਝੋਕ ਆਬਾਦੀ।

ਮਿਠੜੀ ਬੇ ਤਕਸੀਰ ਵੋ।ਨਾ ਖਰਚ ਪਲੇ ਨਾ ਗੰਢ ਸਮਲ।

ਮਾਹੀ ਬਾਝੋਂ ਸੂਲ ਕਹਿਰ ਦੇ।ਡੇਹਾਂ ਰਾਤ ਫ਼ਰੀਦ ਨਜਰਦੇ।

ਨੀੜਾਂ ਨੀਰ ਵਹੀਰ ਵੋ।ਝਰ ਜੰਗਲ ਬੇਲੇ ਛਲੋ ਛਲ।

(ih kafi hir di zabani likhi hai, jiharri ranjhe di aashak si.)

sun yar purani pirr vo.thiaan akkhiaan chhal gee dilarri jal.

kanh kumanin ujarriaan jhokan.sakhat siaalin karadiaan toka.

rahindi dil dilagir vo.sar darad utal pe rog uchhal.

lagarra nenh ranjhete vala.visariaa fahim fikar da chala.

hir gee jhang chir vo.sat sejh palang te rang mahal.

bhoge mul n dushaman jaee.jo jo sakhati main sir aaee.

maram ma piu vir vo.val sangiaa suratiaan laham n kal.

chak mahinda aa varr veharre.kherre bherre rakhan bakherre.

kaparre lir katir vo.giaa har singar musag kajal.

nazak naz nigah sajan de.ishave gamaze man mohan de.

lagarre kari tir vo.sai sine pal pal chubhade phal.

aukhe laghe roh habalade.chhal chhal chhale pair pachalade.

ruladi rah malher vo.jith rakhas danarri pauvan dahal.

sassi shodi pair piaadi.na tirr tade jhok aabadi.

mitharri be takasir vo.na kharach pale na gandh samal.

mahi bajhon sul kahir de.dehan rat farid najarade.

nirran nir vahir vo.jhar jangal bele chhalo chhal.