ਪੁਨਲ ਥੀਵੀਂ ਪਾਂਧੀ ਯਾਰਾ

پنل تھیویں پاندھی یارا۔چھڈّ کے کلھڑی بر وچ۔

ہر دم وتاں درمادی یارا۔سے سے روگ اندر وچ۔

پیت ن پالی سر دے والی۔تول نہالی رولیس کھالی۔

دل دردوں کرلاندی یارا۔مونہ پلڑ گھر گھر وچ۔

رکھدی آس امید ہجاراں۔آکھر ہک ڈینہ موڑ مہاراں۔

ہوت تھیسم آ کاندھی یارا۔نیسم توڑ قبر وچ۔

سول دے سہرے سوز دے گانے۔مونجھ دے ہار ڈکھاں دے گہݨے۔

دردی بانہ سرہاندی یارا۔وسدی یاس نگر وچ۔

نینہ اویڑا، دشمن ویڑھا۔ما پیو رکھم بکھیڑا جھیڑا۔

کیا بردی کیا بعدی یارا۔کردیاں ٹوک ٹبر وچ۔

مارو تھل دے ڈکھڑے گھاٹے۔گپّ کھڈ کھڑبݨ کھوب گپاٹے۔

گت ڈیہاں تڑپھاندی یارا۔رلدی روہ ڈونگر وچ۔

برہوں بلائیں سنجھ سباہیں۔دم دم آہیں نکلن دھائیں۔

سیجھ پھرید ن بھاندی یار۔لگڑی چوٹ اندر وچ۔

ਪੁਨਲ ਥੀਵੀਂ ਪਾਂਧੀ ਯਾਰਾ।ਛੱਡ ਕੇ ਕਲ੍ਹੜੀ ਬਰ ਵਿਚ।

ਹਰ ਦਮ ਵਤਾਂ ਦਰਮਾਦੀ ਯਾਰਾ।ਸੈ ਸੈ ਰੋਗ ਅੰਦਰ ਵਿਚ।

ਪੀਤ ਨ ਪਾਲੀ ਸਰ ਦੇ ਵਾਲੀ।ਤੂਲ ਨਿਹਾਲੀ ਰੋਲੇਸ ਖਾਲੀ।

ਦਿਲ ਦਰਦੋਂ ਕੁਰਲਾਂਦੀ ਯਾਰਾ।ਮੂੰਹ ਪਲੜੁ ਘਰ ਘਰ ਵਿਚ।

ਰਖਦੀ ਆਸ ਉਮੀਦ ਹਜਾਰਾਂ।ਆਖਰ ਹਿਕ ਡੈਂਹ ਮੋੜ ਮਹਾਰਾਂ।

ਹੋਤ ਥੀਸਮ ਆ ਕਾਂਧੀ ਯਾਰਾ।ਨੇਸਮ ਤੋੜ ਕਬਰ ਵਿਚ।

ਸੂਲ ਦੇ ਸਿਹਰੇ ਸੋਜ਼ ਦੇ ਗਾਨੇ।ਮੁੰਝ ਦੇ ਹਾਰ ਡੁਖਾਂ ਦੇ ਗਹਿਣੇ।

ਦਰਦੀ ਬਾਂਹ ਸਰਹਾਂਦੀ ਯਾਰਾ।ਵਸਦੀ ਯਾਸ ਨਗਰ ਵਿਚ।

ਨੇਂਹ ਅਵੈੜਾ, ਦੁਸ਼ਮਨ ਵੈੜ੍ਹਾ।ਮਾ ਪਿਉ ਰਖਮ ਬਖੇੜਾ ਝੇੜਾ।

ਕਿਆ ਬਰਦੀ ਕਿਆ ਬਾਦੀ ਯਾਰਾ।ਕਰਦੀਆਂ ਟੋਕ ਟਬਰ ਵਿਚ।

ਮਾਰੂ ਥਲ ਦੇ ਡੁਖੜੇ ਘਾਟੇ।ਗੱਪ ਖਡ ਖੁੜਬਣ ਖੋਬ ਗਪਾਟੇ।

ਗਤ ਡੇਹਾਂ ਤੜਫਾਂਦੀ ਯਾਰਾ।ਰੁਲਦੀ ਰੋਹ ਡੁੰਗਰ ਵਿਚ।

ਬਿਰਹੋਂ ਬਲਾਈਂ ਸੰਝ ਸਬਾਹੀਂ।ਦਮ ਦਮ ਆਹੀਂ ਨਿਕਲਨ ਧਾਈਂ।

ਸੇਝ ਫਰੀਦ ਨ ਭਾਂਦੀ ਯਾਰ।ਲਗੜੀ ਚੋਟ ਅੰਦਰ ਵਿਚ।

punal thivin pandhi yara.chhadd ke kalharri bar vich.

har dam vatan daramadi yara.sai sai rog andar vich.

pit n pali sar de vali.tul nihali roles khali.

dil daradon kuralandi yara.munh palarru ghar ghar vich.

rakhadi aas umid hajaran.aakhar hik dainh morr maharan.

hot thisam aa kandhi yara.nesam torr kabar vich.

sul de sihare soz de gane.munjh de har dukhan de gahine.

daradi banh sarahandi yara.vasadi yas nagar vich.

nenh avairra, dushaman vairrha.ma piu rakham bakherra jherra.

kiaa baradi kiaa badi yara.karadiaan tok tabar vich.

maru thal de dukharre ghate.gapp khad khurraban khob gapate.

gat dehan tarraphandi yara.ruladi roh dungar vich.

birahon balaeen sanjh sabahin.dam dam aahin nikalan dhaeen.

sejh pharid n bhandi yar.lagarri chot andar vich.