ਮੈਕੂੰ ਕਲ੍ਹੜਾ ਛੋੜ ਤੇ

میکوں کلھڑا چھوڑ تے۔ویندی کیندے سانگ۔

کترا مہیج ککیس ن آیو۔لایو ہجر دی سانگ۔

تھل مارو دا پینڈا سارا۔تھیسم ہک پلھانگ۔

جے تیں ناسی دل وچ ساہم۔رہسم تیڈڑی تانگ۔

جاوݨ لادی برہوں سݨائم۔کنّیں ڈکھاندی بانگ۔

صدقے کیتے ہیں نینہ کولہوں۔کھاوم کالڑا نانگ۔

چھوٹے وقت کوارے ویلے۔لگرم تیڈڑا دانگ۔

میں ہاں کیڑھے باگ دی مولی۔کئی رل موئے میں وانگ۔

گھمر گھیر پھرید کپردے۔ن تڑ رسم ن ٹانگ۔

ਮੈਕੂੰ ਕਲ੍ਹੜਾ ਛੋੜ ਤੇ।ਵੈਂਦੀ ਕੈਂਦੇ ਸਾਂਗ।

ਕਤਰਾ ਮਹੇਜ ਕਕੇਸ ਨ ਆਇਓ।ਲਾਇਓ ਹਿਜਰ ਦੀ ਸਾਂਗ।

ਥਲ ਮਾਰੂ ਦਾ ਪੈਂਡਾ ਸਾਰਾ।ਥੀਸਮ ਹਿਕ ਪਲ੍ਹਾਂਗ।

ਜੇ ਤੈਂ ਨਾਸੀ ਦਿਲ ਵਿਚ ਸਾਹਿਮ।ਰਹਸਮ ਤੈਡੜੀ ਤਾਂਗ।

ਜਾਵਣ ਲਾਦੀ ਬਿਰਹੋਂ ਸਣਾਇਮ।ਕੱਨੀਂ ਡੁਖਾਂਦੀ ਬਾਂਗ।

ਸਦਕੇ ਕੀਤੇ ਹੈਂ ਨੇਂਹ ਕੋਲਹੂੰ।ਖਾਵਮ ਕਾਲੜਾ ਨਾਂਗ।

ਛੋਟੇ ਵਕਤ ਕਵਾਰੇ ਵੇਲੇ।ਲਗਰਮ ਤੈਡੜਾ ਦਾਂਗ।

ਮੈਂ ਹਾਂ ਕੇੜ੍ਹੇ ਬਾਗ ਦੀ ਮੂਲੀ।ਕਈ ਰਲ ਮੋਏ ਮੈਂ ਵਾਂਗ।

ਘੁਮਰ ਘੇਰ ਫਰੀਦ ਕਪਰਦੇ।ਨ ਤਿੜ ਰਿਸਮ ਨ ਟਾਂਗ।

maikun kalharra chhorr te.vaindi kainde sang.

katara mahej kakes n aaio.laio hijar di sang.

thal maru da painda sara.thisam hik palhang.

je tain nasi dil vich sahim.rahasam taidarri tang.

javan ladi birahon sanaim.kannin dukhandi bang.

sadake kite hain nenh kolahun.khavam kalarra nang.

chhote vakat kavare vele.lagaram taidarra dang.

main han kerrhe bag di muli.kee ral moe main vang.

ghumar gher pharid kaparade.n tirr risam n tang.