ਇਥਾਂ ਮੈਂ ਮੁਠੜੀ ਜਿੰਦ ਜਾਨ ਬਲਬ

اتھاں میں مٹھڑی جند جان بلب۔اوتاں خوش وسدا ملک اربّ۔

ہر ویلے یار دی تانگھ لگی۔سونجے سینے سک دی سانگ لگی۔

ڈکھی دلڑی دے ہتّھ ٹانگھ لگی۔تھے مل مل سول سمولے سب۔

تتی تھی جوگݨ چودھار پھراں۔ہند سندھ پنجاب تے ماڑ پھراں۔

سونج بار تے شہر بازار پھراں۔متاں یار ملم کہی سانگ سبب۔

جیں ڈینہ دا نینہ دے شیہ پھٹّیا۔لگی نیش ڈکھادی ایش گھٹیا۔

سب جوبن جوش کھروش ہٹّیا۔سکھ سڑ گئے مر گئی ترھا ترب۔

توڑ دھکڑے دھوڑے کھاندڑی ہاں۔تینڈے نام توں مفت وکاندڑی ہاں۔

تینڈی باندیاں دی میں باندڑی ہاں۔ہے در دیاں کتیاں نال ادب۔

واہ! سوہݨا ڈھولن یار سجن۔واہ سانول ہوت ہجاز وطن۔

آ ڈیکھ پھرید دا بیت ہزن۔ہم روز ازل دی تانگھ طلب۔

ਇਥਾਂ ਮੈਂ ਮੁਠੜੀ ਜਿੰਦ ਜਾਨ ਬਲਬ।ਓਤਾਂ ਖ਼ੁਸ਼ ਵਸਦਾ ਮੁਲਕ ਅਰੱਬ।

ਹਰ ਵੇਲੇ ਯਾਰ ਦੀ ਤਾਂਘ ਲਗੀ।ਸੁੰਜੇ ਸੀਨੇ ਸਿਕ ਦੀ ਸਾਂਗ ਲਗੀ।

ਡੁਖੀ ਦਿਲੜੀ ਦੇ ਹੱਥ ਟਾਂਘ ਲਗੀ।ਥੈ ਮਿਲ ਮਿਲ ਸੂਲ ਸਮੋਲੇ ਸਬ।

ਤਤੀ ਥੀ ਜੋਗਣ ਚੌਧਾਰ ਫਿਰਾਂ।ਹਿੰਦ ਸਿੰਧ ਪੰਜਾਬ ਤੇ ਮਾੜ ਫਿਰਾਂ।

ਸੁੰਜ ਬਾਰ ਤੇ ਸ਼ਹਿਰ ਬਾਜ਼ਾਰ ਫਿਰਾਂ।ਮਤਾਂ ਯਾਰ ਮਿਲਮ ਕਹੀ ਸਾਂਗ ਸਬਬ।

ਜੈਂ ਡੇਂਹ ਦਾ ਨੇਂਹ ਦੇ ਸ਼ੀਹ ਫੱਟਿਆ।ਲਗੀ ਨੇਸ਼ ਡੁਖਾਦੀ ਐਸ਼ ਘਟਿਆ।

ਸਬ ਜੋਬਨ ਜੋਸ਼ ਖਰੋਸ਼ ਹੱਟਿਆ।ਸੁਖ ਸੜ ਗਏ ਮਰ ਗਈ ਤਰ੍ਹਾ ਤਰਬ।

ਤੋੜ ਧਕੜੇ ਧੋੜੇ ਖਾਂਦੜੀ ਹਾਂ।ਤੈਂਡੇ ਨਾਮ ਤੋਂ ਮੁਫ਼ਤ ਵਕਾਂਦੜੀ ਹਾਂ।

ਤੈਂਡੀ ਬਾਂਦੀਆਂ ਦੀ ਮੈਂ ਬਾਂਦੜੀ ਹਾਂ।ਹੈ ਦਰ ਦਿਆਂ ਕੁਤਿਆਂ ਨਾਲ ਅਦਬ।

ਵਾਹ! ਸੋਹਣਾ ਢੋਲਨ ਯਾਰ ਸਜਨ।ਵਾਹ ਸਾਂਵਲ ਹੋਤ ਹਜਾਜ਼ ਵਤਨ।

ਆ ਡੇਖ ਫਰੀਦ ਦਾ ਬੈਤ ਹਜ਼ਨ।ਹਿਮ ਰੋਜ਼ ਅਜ਼ਲ ਦੀ ਤਾਂਘ ਤਲਬ।

ithan main mutharri jind jan balab.otan khush vasada mulak arabb.

har vele yar di tangh lagi.sunje sine sik di sang lagi.

dukhi dilarri de hatth tangh lagi.thai mil mil sul samole sab.

tati thi jogan chaudhar phiran.hind sindh panjab te marr phiran.

sunj bar te shahir bazar phiran.matan yar milam kahi sang sabab.

jain denh da nenh de shih phattiaa.lagi nesh dukhadi aish ghatiaa.

sab joban josh kharosh hattiaa.sukh sarr ge mar gee tarha tarab.

torr dhakarre dhorre khandarri han.tainde nam ton mufat vakandarri han.

taindi bandiaan di main bandarri han.hai dar diaan kutiaan nal adab.

vah! sohana dholan yar sajan.vah sanval hot hajaz vatan.

aa dekh pharid da bait hazan.him roz azal di tangh talab.