ਹੁਣ ਇਸ਼ਕ ਵੰਜਾਇਮ ਚੱਸ ਸਾਈਂ

ہݨ عشق ونجائم چسّ سائیں۔لکّھ وار اساڈی بسّ سائیں۔

رات ڈینہاں تڑپھاواں۔اتے رو رو حال ونجاواں۔

رحم ن کیتو کھسّ سائیں۔

کلھڑی پئی کرلاواں۔کھپدی امّر نبھاواں۔

دھاں کراں بے وسّ سائیں۔

چاک مہیں من بھاݨے۔میہݨیں ڈیوم نناݨے۔

تاانے مارم سسّ سائیں۔

نندر سبھو ڈکّھ لائم۔ستّڑیں ساتھ لڈائم۔

نا کئی خبر ن ڈسّ سائیں۔

عشقوں سود ن پائم۔سارا بھرم ونجائم۔

جو لگڑی سو کس سائیں۔

ڈکھے پینڈے تھل دے۔پور پوون پل پل دے۔

دردیں دی ہتّھ رسّ سائیں۔

درد اندوہ گھنیرے۔کردے سول وہیرے۔

نسّ گیوں دل کھسّ سائیں۔

غم فرید ستائم۔ڈوخّڑا نیہڑا لائم۔

موہ سر پائم بھسّ سائیں۔

ਹੁਣ ਇਸ਼ਕ ਵੰਜਾਇਮ ਚੱਸ ਸਾਈਂ।ਲੱਖ ਵਾਰ ਅਸਾਡੀ ਬੱਸ ਸਾਈਂ।

ਰਾਤ ਡੇਂਹਾਂ ਤੜਫਾਵਾਂ।ਅਤੇ ਰੋ ਰੋ ਹਾਲ ਵੰਜਾਵਾਂ।

ਰਹਿਮ ਨ ਕੀਤੋ ਖੱਸ ਸਾਈਂ।

ਕਲ੍ਹੜੀ ਪਈ ਕੁਰਲਾਵਾਂ।ਖਪਦੀ ਉੱਮਰ ਨਿਭਾਵਾਂ।

ਧਾਂ ਕਰਾਂ ਬੇ ਵੱਸ ਸਾਈਂ।

ਚਾਕ ਮਹੀਂ ਮਨ ਭਾਣੇ।ਮੇਹਣੀਂ ਡੇਵਮ ਨਨਾਣੇ।

ਤਾਅਨੇ ਮਾਰਮ ਸੱਸ ਸਾਈਂ।

ਨਿੰਦਰ ਸਭੋ ਡੁੱਖ ਲਾਇਮ।ਸੁੱਤੜੀਂ ਸਾਥ ਲਡਾਇਮ।

ਨਾ ਕਈ ਖ਼ਬਰ ਨ ਡੱਸ ਸਾਈਂ।

ਇਸ਼ਕੋਂ ਸੂਦ ਨ ਪਾਇਮ।ਸਾਰਾ ਭਰਮ ਵੰਜਾਇਮ।

ਜੋ ਲਗੜੀ ਸੋ ਕਸ ਸਾਈਂ।

ਡੁਖੇ ਪੈਂਡੇ ਥਲ ਦੇ।ਪੂਰ ਪੌਵਿਨ ਪਲ ਪਲ ਦੇ।

ਦਰਦੀਂ ਦੀ ਹੱਥ ਰੱਸ ਸਾਈਂ।

ਦਰਦ ਅੰਦੋਹ ਘਨੇਰੇ।ਕਰਦੇ ਸੂਲ ਵਹੀਰੇ।

ਨੱਸ ਗਿਉਂ ਦਿਲ ਖੱਸ ਸਾਈਂ।

ਗ਼ਮ ਫ਼ਰੀਦ ਸਤਾਇਮ।ਡੂੱਖ਼ੜਾ ਨੇਹੜਾ ਲਾਇਮ।

ਮੂਹ ਸਰ ਪਾਇਮ ਭੱਸ ਸਾਈਂ।

hun ishak vanjaim chass saeen.lakkh var asadi bass saeen.

rat denhan tarraphavan.ate ro ro hal vanjavan.

rahim n kito khass saeen.

kalharri pee kuralavan.khapadi ummar nibhavan.

dhan karan be vass saeen.

chak mahin man bhane.mehanin devam nanane.

taane maram sass saeen.

nindar sabho dukkh laim.suttarrin sath ladaim.

na kee khabar n dass saeen.

ishakon sud n paim.sara bharam vanjaim.

jo lagarri so kas saeen.

dukhe painde thal de.pur pauvin pal pal de.

daradin di hatth rass saeen.

darad andoh ghanere.karade sul vahire.

nass giun dil khass saeen.

gham farid sataim.dukkharra neharra laim.

muh sar paim bhass saeen.