جنگ نامہ شاہ محمد
Jangnama Shah Mohammad
Shah Mohammad · 105 sections · 840 lines
Shahmukhi is machine transliteration from the Gurmukhi, not yet checked by a person.
اوّل حمد جناب اللہ دی نوں،
جہڑا قدرتی کھیل بݨانودا ای ۔
چوداں تبکاں دا نقش نگار کرکے،
رنگا رنگ دے بھیکھ رچانودا ای ۔
سپھاں پچھلیاں سبھ سمیٹ لیندا،
اگّے ہور ہی ہور وچھانودا ای ۔
شاہ محمدا اوس توں سدا ڈریئے،
بادشاہاں تھیں بھیکھ منگاودا ای ۔
ایہہ تے جیاں نوں پکڑ کے موہ لیندی،
دنیاں ویسوا دا رکّھے بھیس میاں ۔
سدا نہیں جوانی تے ایش ماپے،
سدا نہیں جے بال وریس میاں ۔
سدا نہیں جے دولتاں پھیل گھوڑے،
سدا نہیں جے راجیاں دیش میاں ۔
شاہ محمدا سدا نہیں روپ دنیاں،
سدا نہیں جے کالڑے کیس میاں ۔
اک روز بڈالے دے وچ بیٹھے،
چلی آݨ پھرنگی دی بات آہی ۔
سانوں آکھیا ہیرے تے ہور یاراں،
جنھاں نال ساڈی ملاکات آہی ۔
راضی بہت رہندے مسلمان ہندو،
سر دوہاں دے اتّے افات آہی ۔
شاہ محمدا وچ پنجاب دے جی،
کوئی نہیں سی دوسری ذات آہی ۔
ایہ جگّ سرائں مساپھراں دی،
ایتھے زور والے کئی آئے گئے ۔
شداد، نمرود، پھرون جیہے،
دااوے بنّھ خدائے کہائے گئے ۔
اکبر شاہ جیہے آئے وچ دلّی،
پھیری وانگ وݨجاریاں پائے گئے ۔
شاہ محمدا رہیگا رب سچّا،
واجے کوڑ دے کئی وجائے گئے ۔
مہانبلی رݨجیت سنگھ ہویا پیدا،
نال زور دے ملکھ ہلائے گیا ۔
ملتان، کشمیر، پشور، چنبا،
جمّو، کانگڑا کوٹ، نوائے گیا ۔
تبّت دیش لدّاکھ تے چین توڑیں،
سکّا آپݨے نام چلائے گیا ۔
شاہ محمدا جاݨ پچاس برساں،
ہچّھا رجّ کے راج کمائے گیا ۔
جدوں ہوئے سرکار دے ساس پورے،
جمھا ہوئے نی سبھ سردار میاں ۔
چیت سنگھ نوں ماریا کور صاحب،
شرو ہوئی دربار تلوار میاں ۔
کھڑک سنگھ مہاراج نے ڈھاہ ماری،
مویا مڈّھ کدیم دا یار میاں ۔
شاہ محمدا اساں بھی نال مرنا،
ساڈا ایہو سی قول-قرار میاں ۔
میرے بیٹھیاں انھاں نے خون کیتا،
ایہہ تاں گرک جاوے دربار میاں ۔
پچّھے ساڈے وی کور نا راج کرسی،
اسیں مرانگے ایس نوں مار میاں ۔
ناہکّ دا انھاں نے خون کیتا،
ایہہ تاں مرنگے سبھ سردار میاں ۔
شاہ محمدا دھروں تلوار وگّی،
سبھے قتل ہوندے وارو وار میاں ۔
کھڑک سنگھ مہاراج ہویا بہت ماندا،
برس اک پچّھے وسّ کال ہویا ۔
آئی موت نا اٹکیا اک گھڑی،
چیت سنگھ دے گم دے نال مویا ۔
کور صاحب مہاراجے دی گلّ سݨ کے،
ذرا گم دے نال نا مول رویا ۔
شاہ محمدا کئیاں دے بنّھݨے دا،
وچ کونسل دے کور نوں پھکر ہویا ۔
کھڑک سنگھ مہاراجے نوں چکّ لیا،
ویکھو ساڑنے نوں ہݨ لے چلّے ۔
دھرم رائے نوں جائے کے کھبر ہوئی،
کور مارنے نوں اون دوت گھلّے ۔
مارو مار کردے دوت اٹّھ دوڑے،
جدوں ہوئے نی موت دے آئے ہلّے ۔
شاہ محمدا دیکھ رزائے رب دی،
اودھم سنگھ تے کور دے ساس چلّے ۔
اک دوت نے آئے کے فکر کیتا،
پلک وچ دروازے دے آیا ای ۔
جہڑا دھروں درگاہوں سی حکم آیا،
دیکھو اوس نے کھوب بجایا ای ۔
اندر طرف ہویلی دے ترے جاندے،
چھجّا ڈھاہ دوہاں اتّے پایا ای ۔
شاہ محمدا اودھم سنگھ تھائں مویا،
کور صاحب جو سہکدا آیا ای ۔
اٹّھ پہر لکائے کے رکّھیو نے،
دن دوجے راݨی چند کور آئی ۔
کھڑگ سنگھ دا مول دریگ ناہیں،
کور صاحب تائیں اوتھے روݨ آئی ۔
مرت ہویا تے کرو سسکار اسدا،
راݨی آکھدی-'تساں کیوں دیر لائی ؟'
شاہ محمدا روندی اے چند کوراں،
جہدا مویا پتر سوہݨا شیر سائی ۔
شیر سنگھ نوں کسے جا کھبر دتّی،
جہدا مویا بھتیجا ویر یارو ۔
اون ترت وٹالیوں کوچ کیتا،
راہیں آنودا گھتّ وہیر یارو ۔
جدوں آݨ کے ہویا لاہور داکھل،
اکّھیں رووے پلٹّدا نیر یارو ۔
شاہ محمدا لوک دلبری دیندے،
چند کور ہوئی دلگیر یارو ۔
دتّے سنتری چار کھلھار چوریں،
شیر سنگھ اندر اجّ آوݨا جے،
ترت پھوک دیہو تسیں کرابیناں،
پلک وچ ہی مار گواوݨا جے ۔
شیر سنگھ نوں راجے نے کھبر دتّی،
اندر اجّ حضور نا آوݨا جے ۔
شاہ محمدا اجے نا زور تیرا،
تینوں اساں ہی انت سداوݨا جے ۔
چند کور دی مندی جو نظر دیکھی،
دگیبازیاں ہور بتھیریاں نی ۔
اون ترت لاہور تھیں کوچ کیتا،
بیٹھا جائے کے وچ مکیریاں نی ۔
پچّھے راج بیٹھی راݨی چند کوراں،
دیندے آئے مساہب دلیریاں نی ۔
شاہ محمدا کور نا جمّݨا اے،
کلھے کوٹ تے رئیاتاں تیریاں نی ۔
راجے لشکراں وچ سلاہ کیتی،
شیر سنگھ نوں کویں سدائیئے جی ۔
اوہ ہے پتر سرکار دا پھتے-جنگی،
گدّی اوس نوں چائے بہائیئے جی ۔
سنگھاں آکھیا،'راجا جی ! حکم تیرا،
جس نوں کہیں سو پھتہ بلائیئے جی ۔
شاہ محمدا گلّ جو مونہوں کڈّھیں،
اسے وکھت ہی ترت منگائیئے جی' ۔
بائیاں دناں دی راجے نے لئی رکھست،
طرف جمّو دی ہوئے نی کوچ ڈیرے،
شیر سنگھ تائیں لکھ گھلّی چٹّھی،
میں تاں رپھو کر چھڈّے نی کمّ تیرے ۔
دھونسا مار کے پہونچ لاہور جلدی،
اگوں آئے ملسن تینوں سبھ ڈیرے ۔
شاہ محمدا ملݨگے سبھ اپھسر،
جس ویلڑے شہر دے جائں نیڑے ۔
شیر سنگھ نے راجے دا خط پڑھ کے،
فوجاں ترت لاہور نوں گھلّیاں نی ۔
گھوڑے ہݨکدے تے مارو وجّدے نی،
دھوڑاں اڈّ کے گھٹا ہو چلّیاں نی ۔
آوے بدّھو دے پاس نی لائے ڈیرے،
فوجاں لتّھیاں آݨ اکلّیاں نی ۔
شاہ محمدا آݨ جاں رتھ پہونچے،
گلّاں شہر لاہور وچ چلّیاں نی ۔
شیر سنگھ پھر بدّھو دے آویوں جی،
کر ترم لاہور ولّ دھایا ای ۔
پھلھے پڑتلاں دے اگّوں پاڑ کے جی،
شیر سنگھ نوں ترت لنگھایا ای ۔
اوس بلی شہزادے دا تیج بھاری،
جس کلھے نوں مورچا لایا ای ۔
شاہ محمدا ہار کے وچلیاں نے،
شیر سنگھ نوں تکھت بٹھایا ای ۔
شیر سنگھ گدّی اتّے آݨ بیٹھا،
راݨی قید کرکے کلھے وچ پائی ۔
گھر بیٹھیاں رب نے راج دتّا،
اوہ تاں ملّ بیٹھا ساری پادشاہی ۔
برس ہویا جد اوس نوں قید ہویاں،
راݨی دل دے وکھے جو جچّ آہی ۔
شاہ محمدا مار کے چند کوراں،
شیر سنگھ نے گلوں بلائے لاہی ۔
شیر سنگھ نوں رب نے راج دتّا،
لیا کھوہ لاہور جو راݨیاں تھیں ۔
سندھاوالیاں دے دیشوں پیر کھسکے،
جا کے پچّھ لے راہ پدھاݨیاں تھیں ۔
مڑ کے پھیر اجیت سنگھ لئی بازی،
پیدا ہویا سی اصل سواݨیاں تھیں ۔
شاہ محمدا جمّیا الی اکبر،
آندا باپ نوں کالیاں پاݨیاں تھیں ۔
جنھاں گولیاں نے ماری چند کوراں،
اوہناں تائیں حضور چا سدّیا ای ۔
شیر سنگھ نے بگّھے نوں حکم کیتا،
اونھاں کلھیوں باہر چا کڈّھیا ای ۔
راجے سنگھاں دا گلا مٹاوݨے نوں،
نکّ کنّ چا اونھاں دا وڈّھیا ای ۔
شاہ محمدا لاہ کے سبھ جیور،
کالا مونہ کر کے پھیر چھڈّیا ای ۔
برس ہویا جاں حاضری لیݨ بدلے،
ڈیرا شاہ بلاول لگانودا ای ۔
اجیت سنگھ گجّھی کرابین لے کے،
شیر سنگھ نوں آݨ دکھانودا ای ۔
سدّھی جدوں شہزادے نے نظر کیتی،
جلدی نال چا کلا دبانودا ای ۔
شاہ محمدا زمیں تے پیا تڑپھے،
تیگ مار کے سیس اڈانودا ای ۔
لہݨا سنگھ جو باگ دی طرف آیا،
اگّے کور جو ہوم کرانودا ای ۔
لہݨا سنگھ دی مندی جو نظر دیکھی،
اگّوں واسطہ رب دا پانودا ای ۔
"میں تاں کرانگا بابا جی ٹہل تیری،'
ہتّھ جوڑ کے سیس نوانودا ای ۔
شاہ محمدا اوس نا اک منّی،
تیگ مار کے سیس اڈانودا ای ۔
شیر سنگھ پرتاپ سنگھ مار کے جی،
سندھاوالیئے شہر نوں اٹّھ دھائے ۔
راجا ملیا تاں کہیا اجیت سنگھ نے،
'شیر سنگھ نوں مار کے اسیں آئے ۔'
گلّیں لائے کے تے کلے وچ آندا،
کیسے عقل دے اوہناں نے پیچ پائے ۔
'کتّھے ماری سی راجا جی ! چند کوراں ؟'
شاہ محمدا پچّھݨے اوہناں چاہے ۔
گرمکھ سنگھ گیانی نے مت دتّی،
'تساں ایہہ کیوں جینودا چھڈّیا ای ۔'
مگروں مہر گھسیٹا بھی بولیا ای،
اگّوں سکھن سلاہی نے کڈّھیا ای ۔
اک اڑدلی نے کرابین ماری،
رسّا آس-امید دا وڈّھیا ای ۔
شاہ محمدا زمیں تے پیا تڑپھے،
دلیپ سنگھ تائیں پھیر سدّیا ای ۔
پہلاں راجے دے خون دا لائے ٹکّا،
پچّھوں دتّیاں ستّ پردکّھݨاں ای ۔
'تیرے واسطے ہوئے نی سبھ کارے،
اگّے صاحب سچّے تینوں رکّھݨا ای ۔
سانوں گھڑی دی کجھ امید ناہیں،
اجّ رات پرساد کن چکّھݨا ای ۔
تیری ول جو کریگا نظر میلی،
شاہ محمدا کرانگے سکّھݨا ای ۔'
ہیرا سنگھ نوں راجے دی خبر ہوئی،
سوبیداراں نوں سدّ کے ترت چڑھیا ۔
دھونسا مار کے پہتا لاہور جلدی،
گسّے نال سی شہر دے وچ وڑیا ۔
راجپوت اوہ ڈوگرا کھوب چنگا،
سندھاوالیاں دے نال کھوب لڑیا ۔
شاہ محمدا اجیت سنگھ مویا لدّھا،
لہݨا سنگھ جو جینودا آئے پھڑیا ۔
دوہاں سنگھاں توں بہت سورمتّ ہوئی،
کھنڈا وچ دربار وجائے گئے ۔
دھیان سنگھ نا کسے نوں ودھݨ دیندا،
سارے ملک دی کلہ مٹائے گئے ۔
راجا کردا سی ملک دی بادشاہی،
پچّھے رہندیاں نوں وکھت پائے گئے ۔
شاہ محمدا مار کے موئے دوویں،
چنگے سورمے ہتّھ دکھائے گئے ۔
دلّے بھٹّی نوں گانودا جگ سارا،
جیمل پھتّے دیاں واراں ساریاں نی ۔
میر داد چوہان دے ستر اندر،
موئیاں راݨیاں کھائے کٹاریاں نی ۔
سندھاوالیاں جیہی نا کسے کیتی،
تیگاں وچ دربار دے ماریاں نی ۔
شاہ محمدا موئے نی بیر بݨکے،
جاناں کیتیاں نہیں پیاریاں نی ۔
پچّھوں آݨ کے سبھناں نوں فکر ہویا،
سوچیں پئے نی سبھ سردار میاں ۔
اگّے راج آیا ہتّھ برچھیاں دے،
پئی کھڑکدی نتّ تلوار میاں ۔
گدّی والیاں نوں نہیں بہݨ دیندے،
ہور کوݨ کس دے پاݨیہار میاں ۔
شاہ محمدا ہوئی ہݨ موت سستی،
خالی نہیں جاݨا کوئی وار میاں ۔
لہݨا سنگھ سردار مجیٹھیا سی،
وڈّا عقل دا کوٹ کمال میاں ۔
مہانبلی سردار سی پنتھ وچوں،
ڈٹّھی بݨی کچلݨی چال میاں ۔
دل آپݨے بیٹھ وچار کردا،
ایتھے کئیاں دے ہوݨگے کال میاں ۔
شاہ محمدا تر گیا تیرتھاں نوں،
سارا چھڈّ کے دنگ دوال میاں ۔
دلیپ سنگھ گدّی اتّے رہے بیٹھا،
ہیرا سنگھ جو راج کمانودا ای ۔
جلّھا اوس دا خاص وزیر ہے سی،
خاتر وچ نا کسے لیانودا ای ۔
اندر باہر سرکار نوں پیا گھورے،
کہے کجھ تے کجھ کمانودا ای ۔
شاہ محمدا پنتھ نوں دکّھ دیندا،
ہیرا سنگھ دا ناس کرانودا ای ۔
سنگھاں لکھیا خط سچیت سنگھ نوں،
برا کرنہارا جلّھا ٹھیکدا ای ۔
'جلدی پہونچ وزیر بݨا لئیئے،
تینوں کھالسا پیا اڈیکدا ای ۔
اکسر راج پیارے نی راجیاں نوں،
ہیرا سنگھ تاں پتر شریک دا ای ۔
شاہ محمدا جلّھے دا نکّ وڈّھو،
بھجّ جائیگا ماریا لیک دا ای ۔
جس ویلڑے راجے نے خط پڑھیا،
جامے وچ نا مول سمانودا ای ۔
وگّا تگّ لاہور نوں اساں جاݨا،
ڈیرے کاٹھیاں چائے پوانودا ای ۔
منجی کاکڑی پھوز اتار ساری،
بائی آدمی نال لے آودا ای۔
شاہ محمدا آ لاہور پہونچا،
میامّیر ڈیرا آݨ لانودا ای ۔
ہیرا سنگھ نوں راجے دی خبر ہوئی،
سبھے پڑتلاں ترت لپیٹیاں نی ۔
سنگھاں آکھیا، 'راجا جی ! جاؤ مڑ کے،
فوزاں رہندیاں نہیں سمیٹیاں نی ۔'
'سنگھو! جیوندے جاݨ مہال جمّو،
تاانے دیݨ راجپوتاں دیاں بیٹیاں نی ۔
'شاہ محمدا آیا وزیری لے کے،'
آکھݨ سبھ پہاڑ ڈمیٹیاں نی ۔
توپاں جوڑ کے پڑتلاں نال لے کے،
چاچے سکے اتّے ہیرا سنگھ چڑھدا ۔
جدوں پھوج نے گھتّیا آݨ گھیرا،
کھنڈا سار دا کھچّ کے ہتّھ پھڑدا،
بھم سنگھ تے کیسری سنگھ ساہویں،
لے کے دوہاں نوں کٹک دے وچ وڑدا ۔
شاہ محمدا ٹکّے دی لاج رکّھی،
متّھے سامھݨے ہوئے کے کھوب لڑدا ۔
سنگھ جلّھے دے ہتّھ توں تنگ آئے،
دلاں وچ کچیچیاں کھاودے نی ۔
اگّے ستّ تے اٹّھ سی طلب ساری،
باراں زور دے نال کرانودے نی ۔
کئی آکھدے دے انام سگواں،
لے بتکیاں گلے چا پانودے نی ۔
شاہ محمدا جلّھے دے مارنے نوں،
پنچ کونسلی چائے بݨانودے نی ۔
ہویا حکم جو بہت مہاوتاں نوں،
ہودے سوئنے دے چائے کسانودے نی ۔
طرف جمّو دی دیئے مروڑ چلّے،
سانوں آئے کے سنگھ منانودے نی ۔
گھیرے ازل دے عقل نا ذرا آئی،
برا آپݨا آپ کرانودے نی ۔
شاہ محمدا سنگھ لے ملے توپاں،
اگّوں گولیاں نال اڈانودے نی ۔
ہیرا سنگھ تے جلّھے نوں مار کے جی،
جواہر سنگھ وزیر بݨایو نے ۔
طرف جمّو پہاڑ دی ہو چلّے،
راہیں شور خرود مچایو نے ۔
اوتوں راجا گلاب سنگھ بنّھ آندا،
کینٹھے پھیر لے کے گلیں پایو نے ۔
شاہ محمدا اساں ہݨ کڑے لیݨے،
جواہر سنگھ نوں آکھ سݨایو نے ۔
کیہا برچھیاں آݨ ہنیر پایا،
جیڑھا بہے گدّی اوہ نوں مار لیندے ۔
کینٹھے کڑے انام رپئے باراں،
کدے پنج تے ستّ نا چار لیندے ۔
کئی ترے نی کلھے دی لٹّ اتّے،
کئی شہر دے لٹّ بزار لیندے ۔
شاہ محمدا چڑھے مجھیل بھائیئے،
پیسا طلب دا نال پیزار لیندے ۔
پچّھے اک سرکار دے کھیڈ چلّی،
پئی نتّ ہوندی مارو مار میاں ۔
سنگھاں مار سرداراں دا ناش کیتا،
سبھو قتل ہوئے وارو وار میاں ۔
سر تے پھوز دے رہا نا کوئی کونڈا،
ہویا شتر جیوں باجھ مہار میاں ۔
شاہ محمدا پھرن سردار لکدے،
بھوت منڈلی ہوئی تیار میاں ۔
جواہر سنگھ دے اتّے نی چڑھے سارے،
متّھا خونیاں وانگ چا وٹّیو نے ۔
ڈردا بھاݨجے نوں لے کے ملݨ آیا،
اگّوں نال سنگیناں دے پھٹّیو نے ۔
سیکھاں نال اڑونب کے فیل اتّے،
کڈّھ ہودیوں زمیں تے سٹّیو نے ۔
شاہ محمدا واسطے پانودے دا،
سر نال تلوار دے کٹّیو نے ۔
راݨی قید کنات دے وچ کیتی،
'کس نوں روئے کے پئی ڈراونی ہیں ؟
تیرا کوݨ ہمائتی سݨن والا،
جہنو پائے کے ویݨ سݨاونی ہیں ۔
کہڑے پاتشاہ دا پتّ مویا ساتھوں،
جہڑے ڈونگھڑے ویݨ توں پاونی ہیں ؟
شاہ محمدا دیہ انام سگوں،
ساڈے زور تے راج کماونی ہیں ۔'
پئی جھوردی اے راݨی جند کوراں،
کتھوں کڈّھاں میں کلگیاں نت توڑے ۔
میرے ساہمݨے کوہیا نے ویر میرا،
جیندی تابیا لکّھ ہزار گھوڑے ۔
کتّھوں کڈّھاں میں دیش پھرنگیاں دا،
کوئی ہووے جو انھاں دا گرب توڑے ۔
شاہ محمدا اوس توں جان واراں،
جواہر سنگھ دا ویر جو کوئی موڑے ۔
مینوں آݨ چپھیریوں گھوردے نی،
لیندے مفت انام رپئے باراں ۔
جٹّی ہوواں تے کراں پنجاب رنڈی،
سارے ملک دے وچ چا چھڑن واراں ۔
چھڈّاں نہیں لاہور وچ وڑن جوگے،
سݨے وڈّیاں افسراں جماداراں ۔
پئے رلݨگے وچ پردیس مردے،
شاہ محمدا مارنی ایس ماراں ۔
جنھاں کوہ کے ماریا ویر میرا،
میں تاں کھوہانگی اوہناں دیاں جونڈیاں نی ۔
دھاکاں پیݨ ولائتیں دیس سارے،
پاواں بکّرے وانگ چا ونڈیاں نی ۔
چوڑے لہݨگے بہت سہاگݨاں دے،
نتّھ چونک تے والیاں ڈنڈیاں نی ۔
شاہ محمدا پیݨگے ویݨ ڈونگے،
جدوں ہوݨ پنجابݨاں رنڈیاں نی ۔
عرضی لکھی پھرنگی نوں کونج گوشے،
پہلاں آپݨی سکھ انند واری ۔
'تیرے ولّ میں پھوزاں نوں تورنی ہاں،
کھٹّے کریں توں انھاں دے دند واری ۔
پہلاں آپݨا زور توں سبّھ لاویں،
پچّھوں کرانگی خرچ میں بند واری ۔
شاہ محمدا پھیر نا آؤݨ مڑ کے،
مینوں ایتنی بات پسند واری ۔
پہلے پار دا ملک توں ملّ ساڈا،
آپے کھائے گسّا تینتھیں آونیگے ۔
سوئی لڑنگے ہیݨ بے-خبر جہڑے،
متّھا کدی سردار نا ڈاہونیگے ۔
ایسے واسطے پھوز میں پاڑ چھڈّی،
کئی بھانج اچاݨکی پاونیگے ۔
شاہ محمدا لاٹ جی ! کٹک تیرے،
میرے گلوں تگادڑے لاہونیگے ۔'
نندن کنپنی صاحب کتاب ڈٹّھی،
انھاں لاٹاں وچوں کوݨ لڑیگا جی ۔
ٹونڈے لاٹ نے چکیا آݨ بیڑا،
'ہمیں جائے کے سیکھ سوں اڑیگا جی ۔
گھنٹے تین میں جائے لاہور ماراں،
ایس بات میں فرک نا پڑیگا جی ۔
شاہ محمدا پھگݨوں تیرھویں نوں،
صاحب جائے لاہور وچ وڑیگا جی ۔
وجّی ترم تنبور کرنائے شتری،
تنبو بیرکاں لال نشان میاں ۔
کوتل پالکی بگّھیاں توپکھانے،
دوربین جنگی سائبان میاں ۔
چڑھیا نندنوں لاٹ اٹھائے بیڑا،
ڈیرا پانودا وچ میدان میاں ۔
شاہ محمدا گوریاں چھیڑ چھیڑی،
ملک پار دا ملّیا آن میاں ۔
پھرانسیساں نوں اندروں حکم ہویا،
'تسیں جاہو کھاں طرف کشمیر نوں جی ۔'
اونھاں رب دا واسطہ پایا سی،
'مائی ! پھڑیں نا کسے تقصیر نوں جی ۔
پاروں ملک فرنگیاں ملّ لیا،
اسیں مارانگے اوس بیپیر نوں جی ۔
شاہ محمدا آئے نی ہور پریوں،
اسیں ڈکّݨا اوس وہیر نوں جی ۔'
مائی آکھیا، 'سبّھے چڑھ جاݨ پھوجاں،
بوہے شہر دے رہݨ نا سکّھݨے جی ۔
مسلمانیاں پڑتلاں رہݨ ایتھے،
گھوڑ-چڑھے ناہیں پاس رکّھݨے جی ۔
کنٹھے کلگیاں والڑے ہوݨ اگّے،
موہرے ہور گریب نا دھکّݨے جی ۔
شاہ محمدا جنھاں دی طلب تیراں،
مزے تنھاں لڑائی دے چکّھݨے جی ۔'
سارے پنتھ نوں سدّ کے کہݨ لگّی،
میتھوں گئے خزانے نکھٹّ واری ۔
جمنا تیک جو پیا ہے ملکھ سوننا،
کھاوو دیس فرنگی دا لٹّ واری ۔
مارو شہر فروزپر، لدھیاݨا،
سٹو چھاوݨی اوس دی پٹ ساری ۔
شاہ محمدا لو انام میتھوں،
کینٹھے کڑے میں دیوانگی سٹ واری ۔'
سنگھاں آکھیا، 'لڑانگے ہوئے ٹوٹے،
سانوں خبر بھیجیں دنے رات مائی !
تیری نوکری وچ نا پھرک کریئے،
بھاویں کھوہ گھتّیں بھاویں کھات مائی ۔'
سنگھاں بھولیاں مول نا صحیح کیتا،
گجّھا کرن لگّی ساڈا گھات مائی ۔
شاہ محمدا اجے نا جاݨیو نے،
خالی پئی ہے چوپڑی پرات مائی ۔
دتّی مائی نے جدوں دلبری بھاری،
سنگھ بیٹھے نی ہوئے سچیت میاں ۔
سچّے صاحب دے ہتّھ نی سبھ گلّاں،
کسے ہار دندا کسے جیت میاں ۔
اک لکّھ بیٹا سوا لکّھ پوتا،
راوݨ ماریا گھر دے بھیت میاں،
شاہ محمدا جاݨدا جگّ سارا،
کئی سورمے آؤݨگے کھیت میاں ۔
سنگھاں ساریاں بیٹھ گرمتا کیتا،
'چلّو ہݨے فرنگی نوں ماریئے جی ۔
اک وار جے ساہمݨے ہوئے ساڈے،
اک گھڑی وچ پار اتاریئے جی ۔
بیر سنگھ جیہے اساں نہیں چھڈّے،
اسیں کاس توں اوس توں ہاریئے جی ۔
شاہ محمدا مار کے لدھیاݨا،
پھوجاں دلّی دے وچ اتاریئے جی ۔
زبت کرانگے مال پھرنگیاں دا،
لٹ لیاوانگے دولتاں بوریاں نی ۔
پھیر وڑانگے اوہناں دے ستر-خانے،
بنّھ لیاوانگے ساریاں گوریاں نی ۔
کابل وچ پٹھاݨ جیوں الی اکبر،
مار وڈّھ کے کیتیاں پوریاں نی ۔
شاہ محمدا لوانگے پھیر کینٹھے،
تلّیدار جو ریشمی ڈوریاں نی ۔'
دھونسا وجیا کوچ دا حکم ہویا،
چڑھے سورمے سنگھ دلیر میاں ۔
چڑھے پتر سرداراں دے چھیل بانکے،
جیسے بیلیوں نکلدے شیر میاں ۔
چڑھے سبھ مجھیل دوابیئے جی،
جنھاں کلے نوائے نے ڈھیر میاں ۔
شاہ محمدا ترے جنبور کھانے،
ہویا حکم نا لانودے دیر میاں ۔
شام سنگھ سردار نے کوچ کیتا،
جلھے والیئے بݨت بݨانودے نی ۔
آئے ہور پہاڑ دے سبھ راجے،
جہڑے تیگ دے دھنی کہانودے نی ۔
چڑھے سبھ سردار مجیٹھیئے جی،
سندھاوالیئے کاٹھیاں پانودے نی ۔
شاہ محمدا چڑھی اکال رجمٹ،
کھنڈے سار دے سکل کرانودے نی ۔
مزہر الی تے ماکھے کھاں کوچ کیتا،
توپاں شہر تھیں باہر نکالیاں نی ۔
بیڑا چڑھیا سلطان مہمود والا،
توپاں ہور امام شاہ والیاں نی ۔
الٰہی بکھش پٹولیئے مانج کے جی،
دھوپ دیئے کے تکھت بہالیاں نی ۔
شاہ محمدا ایسیاں سکل ہوئیاں،
بجلی وانگراں دیݨ دکھالیاں نی ۔
سݨ کے خبر پھرنگی دی چڑھے سارے،
پھوجاں بیمہاریاں ہوئے تریاں ۔
پھیر وار ک وار نا کسے ڈٹّھا،
اک دوسرے دے اگّے (پچّھے) لگّ تریاں ۔
اگّے توپاں دے دھنی وی ہین گورے،
ونگاں پہن کھلوتیاں نہیں کڑیاں ۔
شاہ محمدا ورج نا جاندیاں نوں،
پھوجاں ہوئے مہتاݨیاں کدوں مڑیاں ۔
چڑھے شہر لاہور تھیں مار دھونسا،
سبّھے گبّھرو نال ہنکار تردے ۔
ارے دوہاں دریاواں تے نہیں اٹکے،
پتّݨ لنگھے نی جائے پھروزپر دے ۔
اگّے چھیڑیا نہیں پھرنگیاں نے،
دہاں دھراں دے رلݨگے بہت مردے ۔
شاہ محمدا بھجّݨا رݨوں بھاری،
جٹّے سورمے آکھ توں کدوں مڑدے ۔
لگّی دھمک سارے ہندستان اندر،
دلّی آگرے ہانسی ہسار میاں ۔
بیکانیر گلنیر بھٹنیر جے پر،
پئیاں بھاجڑاں جمنا توں پار میاں ۔
چڑھی سبھ پنجاب دی بادشاہی،
نہیں دلاں دا انت شمار میاں ۔
شاہ محمدا کسے نا اٹکݨا ایں،
سنگھ لیݨگے دلّی نوں مار میاں ۔
عرضی لکھی فرنگیاں خالسے نوں،
'تسیں کاس نوں جنگ مچانودے ہو ۔
مہاراجے دے نال سی نیم ساڈا،
تسیں ستّیاں کلاں جگانودے ہو ۔
کئی لکّھ رپئے لے جاؤ ساتھوں،
دیئیئے ہور جو تسیں پھرمانودے ہو ۔
شاہ محمدا اساں نا مول لڑنا،
تسیں ایتنا زور کیوں لانودے ہو ۔'
سنگھاں لکھیا خط فرنگیاں نوں،
'تینوں مارانگے اسیں ونگار کے جی ۔
سانوں نہیں رپئیاں دی لوڑ کائی،
بھاویں دیہ توں ڈھیر اسار کے جی ۔
اوہو پنتھ تیرے اتّے آݨ چڑھیا،
جہڑا آیا سی جمّو نوں مار کے جی ۔
شاہ محمدا سامھݨے ڈاہ توپاں،
سورے کڈّھ میدان نتار کے جی ۔'
پینچاں لکھیا ساریاں پڑتلاں نوں،
ساڈی اجّ ہے وڈّی چڑھنت میاں ۔
بیر سنگھ نوں ماریا ڈاہ توپاں،
نہیں چھڈّیا سادھ تے سنت میاں ۔
مارے اسیں چپھیرے دے کلھے بھارے،
اسیں ماریا کلّو بھٹنت میاں ۔
شاہ محمدا گلّ تاں سوئی ہوݨی،
جہڑی کریگا خالسا پنتھ میاں ۔
دوربین انگریز نے ہتّھ لے کے،
کیتا پھوج دا سبھ شمار میاں ۔
جنھیں تھاویں سی جمھاں بارود خانے،
کیتے سبھ معلوم ہزار میاں ۔
دارو ونڈیا جنگیاں سوریاں نوں،
دو دو بوتلاں کیف خمار میاں ۔
شاہ محمدا پی شراب گورے،
ہوئے جنگ نوں ترت تیار میاں ۔
اک پنڈ دا نام جو مدکی سی،
اوتھے بھری سی پاݨی دی کھڈّ میاں ۔
گھوڑ-چڑھے اکالیئے نویں سارے،
جھنڈے دتّے نی جائے کے گڈّ میاں ۔
توپاں چلّیاں کٹک فرنگیاں دا،
گولے توڑدے ماس تے ہڈّ میاں ۔
شاہ محمدا پچھانہ نوں اٹّھ نسّے،
توپاں سبھ آئے اوتھے چھڈّ میاں ۔
ڈیرے آݨ کے بیٹھ سلاہ کردے،
ایتوار اسیں کھنڈا پھڑانگے جی ۔
تیجا سنگھ دی وڈّی اڈیک سانوں،
اوہ دے آئے بگیر نا لڑانگے جی ۔
سرپھا جان دا نہیں جے مول کرنا،
جدوں وچ میدان دے اڑانگے جی ۔
شاہ محمدا اک دوں اک ہو کے،
ڈیرے چلّ فرنگی دے وڑانگے جی ۔
تیجا سنگھ جو لشکریں آݨ وڑیا،
ہدّیدار سبھے اتّھے آنودے نی ۔
کرو حکم تے تیگ اٹھائیئے جی ،
پئے سنگھ کچیچیاں کھانودے نی ۔
کونجاں نظر آئیاں بازاں بھکّھیاں نوں،
چوٹاں کیسیاں دیکھ چلانودے نی ۔
شاہ محمدا اوس تھیں حکم لے کے،
ہلّا کرن دی ویونت بݨانودے نی ۔
پھیرو شہر دے ہیٹھ جاں کھیت ردّھے،
توپاں چلیاں نی وانگوں توڑیاں دے ۔
سنگھ سورمے آݨ میدان لتّھے،
گنج لاہ سٹّے اونھاں گوریاں دے ۔
ٹونڈے لاٹ نے انت نوں کھائے گسّا،
پھیر دتّے نی لکّھ ڈھنڈوریاں دے ۔
شاہ محمدا رنڈ بٹھائے نندن،
سنگھ جان لیندے نال زوریاں دے ۔
حکم لاٹ کیتا لشکر آپݨے نوں،
'تساں لاج انگریز دی رکّھݨی جی ۔
سنگھاں مار کے کٹک مکائے دتّے،
ہندستانی تے پوربی دکّھݨی جی ۔
نندن ٹاپواں وچ کرلاٹ ہویا،
کرسی چار ہزار ہے سکّھݨی جی ۔
شاہ محمدا کرنی پنجاب کھالی،
رتّ سنگھ سپاہی دی چکّھݨی جی ۔'
ہویا حکم انگریز دا ترت جلدی،
توپاں ماریاں نیر دے آئے پلّے ۔
پھوک سٹّیاں ساریاں میخجیناں،
سنگھ اڈّ کے پتّرا ہوئے چلّے ۔
چھولداریاں، تنبواں چھڈّ دوڑے،
کوئی چیز نا لئی اے بنّھ پلّے ۔
اوڑک لیا میدان فرنگیاں نے،
شاہ محمدا رݨوں نا مول ہلّے ۔
اودھر آپ فرنگی نوں بھانج آئی،
دوڑے جاݨ گورے دتّی کنڈ میاں ۔
چلّے توپخانے سارے بیڑیاں دے،
مگروں ہوئی بندوکاں دی پھنڈ میاں ۔
کنھے جائے کے لاٹ نوں کھبر دتّی،
'نندن ہوئے بیٹھی تیری رنڈ میاں ۔
شاہ محمدا دیکھ میدان جا کے،
رلدی گوریاں دی اوتھے جھنڈ میاں ۔'
پہاڑا سنگھ سی یار فرنگیاں دا،
سنگھاں نال سی اوس دی گیرسالی ۔
پچّھوں بھجّ کے لاٹ نوں جائے ملیا،
گلّ جائے دسّی ساری بھیت والی ۔
'اتھوں ہو گیا ہرن ہے کھالسا جی،
چوداں ہتّھاں دی مار کے جاݨ چھالی ۔
شاہ محمدا سانبھ لے سلیکھانے،
چھڈّ گئے نی سنگھ میدان کھالی ۔'
مڑ کے پھیر فرنگیاں زور پایا،
لاٹاندار گولے اوتھے آݨ چھٹّے ۔
اڈی رال تے چادراں کڑکیاں نی،
کیروں پانڈواں دے جیسے باݨ چھٹّے ۔
جدوں ڈٹّھے نی ہتّھ فرنگیاں دے،
اتھے کئیاں دے آݨ پراݨ چھٹّے ۔
شاہ محمدا اک سو تیئی توپاں،
توشیکھانے فرنگیاں آݨ لٹّے ۔
جدوں پیا ہراس تے کرن گلّاں،
مونڈے گھوڑ-چڑھے، نویں چھوکرے جی ۔
ادّھی رات نوں اٹّھ کے کھسک تریئے،
کتّھوں پئے گورے سانوں اوپرے جی ۔
واہی کردے تے روٹیاں کھوب کھاندے،
اسیں جنھاں دے پتر تے پوترے جی ۔
شاہ محمدا کھوہاں تے ملکھ والے،
اسیں دبّ کے لاوانگے جوترے جی ۔
جہڑے جینودے رہے سو پئے سوچیں،
ہوئے بھکّھ دے نال زہیر میاں ۔
برے جنّ ہو کے سانوں پئے گورے،
اسیں جاݨدے ساں کوئی کیر میاں ۔
اساں شہد دے واسطے ہتّھ پایا،
اگّوں ڈومݨا چھڑے مکھیر میاں ۔
شاہ محمدا راہ نا کوئی لبّھے،
جتھے چلیئے گھتّ وہیر میاں ۔
گھروں گئے فرنگی دے مارنے نوں،
بیڑے توپاں دے سبھ کھہائے آئے ۔
چھیڑ آفتاں نوں مگر لایو نے،
سگوں آپݨا آپ گوائے آئے ۔
سکھی وسدا شہر لاہور سارا،
سگوں کونجیاں ہتّھ پھڑائے آئے ۔
شاہ محمدا کہندے نے لوک سنگھ جی،
'تسیں چنگیاں پوریاں پائے آئے ۔'
گھریں جائے کے پھیر آرام کیتا،
کسے رات کسے دوئے رات میاں ۔
پچّھوں پھیر سرداراں نے سدّ بھیجے،
جے کوئی سنگھ سپاہی دی ذات میاں ۔
'کتّھے لکوگے جائے کے کھالسا جی،
دسّو کھولھ کے اصل دی بات میاں ۔'
شاہ محمدا پھیر اکٹّھ ہویا،
لگّی چانݨی ہور کنات میاں ۔
کنڈھے پار دے جمھاں ج ہوئے ڈیرے،
نوکر اویں دے گھریں نا ملݨ جاݨے ۔
ڈیرے آݨ کے بہ ورلاپ ہویا،
ہوئیاں بتکیاں بند تے وکݨ داݨے ۔
چھہیاں کڈّھ کے مورچیں جائے بیٹھے،
ڈیریں آݨ کے پھیر پرساد کھاݨے ۔
شاہ محمدا سبھے معلوم کیتی،
کیکوں ہوئی سی دسّ کھاں لدھیاݨے ۔
سردار رݨجودھ سنگھ پھوج لے کے ،
مدّد لاڈوئے والے دی چلّیا جے ۔
اوہ دے سبھ کبیلے سی قید ہوئے،
کوئی لاٹ فرنگی نے گھلّیا جے ۔
انھاں جائے کھوہیاں بنداں ساریاں نی،
اوہ دا زور نا کسے نے جھلّیا جے ۔
شاہ محمدا چھاوݨی پھوک دتّی،
وچوں جیو فرنگی دا ہلّیا جے ۔
چار پڑتلاں لے میوا سنگھ آیا،
سنگھ آپݨے ہتّھ ہتھیار لیندے ۔
انھاں بہت فرنگی دی پھوج ماری،
لٹّاں بھاریاں باجھ شمار لیندے ۔
توپاں، شتر، ہاتھی، اٹھ، رتھ، گڈّے،
ڈیرے آپݨے سنگھ اتار لیندے ۔
شاہ محمدا سنگھ جے زور کردے،
بھاویں لدھیاݨا تدوں مار لیندے ۔
مہکم دین، سردار نوں لکھی عرضی،
'تساں رسد لٹّے چنگے شان دے جی ۔
دیہ بھیج ارار سبھ کارکھانے،
اسیں رکّھاگے نال رمان دے جی ۔
تینوں اجّ حضور تھیں فتح آئی،
خبراں اڈّیاں وچ جہان دے جی ۔
شاہ محمدا ویری نوں جاݨ حاضر،
سدا رکّھیے وچ دھیان دے جی ۔'
سٹّھ کوہاں دا پندھ سی لدھیاݨا،
راتو رات کیتی ٹونڈے دوڑ میاں ۔
اوہ بھی لٹّیا لاٹ نے آݨ ڈیرا،
توپاں سبھ کھوہیاں کیتی روڑ میاں ۔
جھلّی ابوتبیلے دیاں پڑتلاں نے،
ادّھی گھڑی لڑائی دی سوڑ میاں ۔
شاہ محمدا سنگھ لٹائے ڈیرا،
کر آئے نی ترٹّیاں چوڑ میاں ۔
پہلے ہلّیوں سنگھ جو نکل نٹّھے،
پئے اوجھڑیں اوجھڑیں جانودے نی ۔
لیڑے گئے سارے رہی اک کڑتی،
باہاں ہکّ دے نال لگانودے نی ۔
اگوں لوک لڑائی دی گلّ پچھݨ،
جیبھ ہوٹھاں تے پھیر دکھانودے نی ۔
شاہ محمدا آئے کے گھردیاں توں،
نویں کپڑے ہور سوانودے نی ۔
کہندے، جیوندیاں پھیر نا کدی جاݨا،
مونہ لگّݨا نہیں چنڈال دے جی ۔
کتے جائے کے چار دن کٹّ آئیئے،
ڈھونڈݨ آؤݨگے ساڈے بھی نال دے جی ۔
تساں آکھݨا 'مر گیا لدھیاݨے،
اسیں پھردے ہاں ڈھونڈدے بھالدے جی ۔'
شاہ محمدا رہے ہتھیار اوتھے،
لیڑے نہیں آئے ساڈے نال دے جی ۔
پچھوں بیٹھ سرداراں گرمتا کیتا،
کوئی عقل دا کرو الاج یارو ۔
پھیڑ(چھیڑ) برچھیاں دی ساڈے پیش آئی،
پگّ داڑھیاں دی رکّھو لاج یارو ۔
مٹّھ میٹی سی ایس پنجاب دی جی،
انھاں کھولھ دتا سارا پاج یارو ۔
شاہ محمدا مار کے مرو ایتھے،
کدے راج نا ہوئے مہتاج یارو ۔'
تیجی وار للکار کے پئے گورے،
ویلے فزر دے ہویا تنبور میاں ۔
کسّ لئیاں نے سنگھاں نے ترت کمراں،
قائم جنگ نوں ہوئے زرور میاں ۔
پہلاں باویوں آݨ کے زور دتا،
پیا دلاں دے وچ پھتور میاں ۔
شاہ محمدا دوڑ کے جاݨ کتھے،
اتھوں شہر لاہور ہے دور میاں ۔
آئیاں پڑتلاں بیڑ کے توپکھانے،
اگّوں سنگھاں نے پاسڑے توڑ سٹّے ۔
ماکھے کھاں تے میوا سنگھ ہوئے سدّھے،
ہلّے تنّ فرنگی دے موڑ سٹّے ۔
شام سنگھ سردار اٹاری والے،
مار شستریں جوڑ وچھوڑ سٹّے ۔
شاہ محمدا سنگھاں نے گوریاں دے،
وانن ننبواں لہو نچوڑ سٹّے ۔
پئے باویوں آݨ کے پھیر گورے،
پھرانسیس تے جتّھے سی چار-یاری ۔
کونڈل گھتّیا وانگ کمان گوشے،
بݨی آݨ سرداراں نوں بپت بھاری،
تیجا سنگھ سردار پل وڈّھ دتا،
گھریں نسّ نا جائے ایہہ پھوج ساری،
شاہ محمدا مرن شہید ہو کے،
اتے جان نا کرنگے مول پیاری ۔
جنگ ہند پنجاب دا ہوݨ لگّا،
دوویں پاتشاہی پھوجاں بھاریاں نی ۔
اجّ ہووے سرکار تاں ملّ پاوے،
جہڑیاں کھالسے نے تیگاں ماریاں نی ۔
گھوڑے آدمی گولیاں نال اڈّݨ،
ہاتھی ڈھہندے سݨے انباریاں نی ۔
شاہ محمدا اک سرکار باجھوں،
پھوجاں جتّ کے انت نوں ہاریاں نی ۔
کئی سورمے مار کے موئے اتھے،
جنھاں ہتّھ کیتے تیگاں ننگیاں دے ۔
رہندے گھیر کے وچ دریائے ڈوبے،
چھرّرے مار کے تے توپاں چنگیاں دے ۔
کہندے نوکری کاس نوں اساں کیتی،
آکھے لگّ کے ساتھیاں سنگیاں دے ۔
شاہ محمدا رب نا پھیر لیاوے،
جنگ وچ جو نال فرنگیاں دے ۔
کئی ماواں دے پتّر نی موئے اوتھے،
سینے لگّیاں تیج کٹاریاں نی ۔
جنھاں بھیݨاں نوں ویر نا ملے مڑ کے،
پئیاں روندیاں پھرن وچاریاں نی ۔
جنگیں جنھاں دے سراں دے موئے والی،
کھلھے وال تے کرن بیزاریاں نی ۔
شاہ محمدا بہت سردار مارے،
پئیاں راج دے وچ کھواریاں نی ۔
لکھیا ترت پیغام راݨی جند کوراں،
'کوئی تساں نے دیر نہیں لاوݨی جی ۔
رہندی پھوج دا کرو الاج کوئی،
قابو تساں بگیر نا آوݨی جی ۔
میری جان دے اب ہو تسیں راکھے،
پاؤ وچ لاہور دے چھاوݨی جی ۔
شاہ محمدا اجّ میں لیا بدلا،
اگّے ہور کی رب نوں بھاوݨی جی ۔'
پل بدّھا فرنگیاں خبر سݨ کے،
لانگھے پئے نی وچ پلکاریاں دے ۔
آئے شہر لاہور نوں مار دھونسا،
وجّدے واجیاں نال نگاریاں دے،
سانبھ لئے سرکار دے سلھے-کھانے،
والی بݨے جے راج-دواریاں دے ۔
شاہ محمدا پھیڑ سی ورلیاں دی،
سوئی پیش آئی سنگھاں ساریاں دے ۔
راجا گیا گلاب سنگھ آپ چڑھ کے،
باہوں پکڑ لاہور لے جانودا ای ۔
'صاحب لوک جی ! اساں پر دیا کرنی'،
اوہ تاں آپݨا کمّ بݨانودا ای ۔
دتے کڈّھ ملوئی دوابیئے جی،
وچوں سنگھاں دی پھوج کھسکانودا ای ۔
شاہ محمدا سبھ پہاڑ لے کے،
کوچ جمّو نوں ترت کرانودا ای ۔
بݨے مائی دے آݨ انگریز راکھے،
پائی چھاوݨی وچ لاہور دے جی ۔
روک مالوا پار دا ملک سارا،
ٹھاݨا گھتّیا وچ پھلور دے جی ۔
لیا شہر ہشیار پر تلک سارا،
جہڑے ٹکے آوݨ نندا چور دے جی ۔
شاہ محمدا کانگڑا مار بیٹھا،
سبھے کمّ گئے اوسدے سوردے جی ۔
رہندا ملک فرنگی دے پیا پیٹے،
کیتا حکم ج گوریاں ساریاں نے !
مائی پھوج نوں چائے جواب دتا،
دتی نوکری چھڈّ وچاریاں نے ۔
پچھوں سانبھ لیا ملک کارداراں،
بختاوراں نیک ستاریاں نے ۔
شاہ محمدا لوک ویران ہوئے،
توڑ سٹیا ملک اجاڑیاں نے ۔
کیتا عقل دا پیچ سی جند کوراں،
متّھا دوہاں بادشاہیاں دا جوڑیا ای ۔
گجّھی رمز کرکے رہی آپ سچّی،
بدلا ترت بھراؤ دا موڑیا ای ۔
نالے پھوج نوں ترت جواب دتا،
اوس کپھر مدئی دا توڑیا ای ۔
شاہ محمدا کرے جہان گلّاں،
لشکر وچ دریائے دے بوڑیا ای ۔
پچّھوں بیٹھ کے سنگھاں نوں عقل آئی،
کیہی چڑھی ہے قہر دی ساݨ مائی ۔
کنھاں کھوندھراں وچ پھسائے کے جی،
ساڈے لاہ سٹے توں تاں گھاݨ مائی ۔
ہتھ دھو کے پئی ہیں مگر ساڈے،
اجے گھریں نا دیندی ہیں جاݨ مائی ۔
شاہ محمدا رہے ہتھیار اتھے،
نال کڑتیاں لئے پچھاݨ مائی ۔
ہوندے آئے نی رنّاں دے دھروں کارے،
راوݨ لنکا دے وچ مروائے دتا ۔
کیروں پانڈواں نال کی بھلا کیتا،
ٹھاراں کھوہݨیاں کٹک مکائے دتا ۔
راجے بھوج دے اتے اسوار ہوئیاں،
مار اڈّیاں ہوش بھلائے دتا ۔
شاہ محمدا ایس راݨی جند کوراں،
سارے دیش دا پھرش اٹھائے دتا ۔
رب چاہیگا تاں کریگا مہربانی،
ہویا سنگھاں دا کمّ اراستا ای ۔
وڈّی سانجھ ہے ہندواں مسلماناں،
اوہ دے نال نا کسے دا واسطہ ای ۔
اوہدے نال نا بیٹھ کے گلّ کرنی،
خودی آپݨی وچ مہاستا ای ۔
شاہ محمدا دولتاں جمھاں کردا،
شاہوکار دا جویں گماشتا ای ۔
جہڑی ہوئی سو لئی ہے ویکھ اکّھیں،
اگے ہور کی بݨت بݨاوݨی جی ۔
اک گھڑی دی کجھ امید ناہیں،
کسے لئی ہاڑی کسے ساوݨی جی ۔
نکے پوچ ہݨ بیٹھ کے کرن گلّاں،
ڈٹھی، اساں فرنگی دی چھاوݨی جی ۔
شاہ محمدا نہیں معلوم سانوں،
اگے ہور کی کھیڈ رچاوݨی جی ۔
سمّت انّی سے دوسرا ورتدا سی،
جدوں ہویا فرنگی دا جنگ میاں ۔
ہے سی خون دی ایہہ زمین پیاسی،
ہوئی سرکھ شراب دے رنگ میاں ۔
دھرتی اڈ کے دھوڑ دے بݨے بدّل،
جیسے چڑھے آکاش پتنگ میاں ۔
شاہ محمدا سراں دی لائے بازی،
نہیں موڑدے سورمے انگ میاں ۔