ਵਾਕ ਕਵੀ

ہیر رُوح تے چاک قلبوت جانو، بالناتھ ایہہ پیر بنایا ای۔

پنج پیر حواس ایہہ پنج تیرے، جنہاں تھاپنا تُدھ نُوں لایا ای۔

قاضی حق جھبیل نیں عمل تیرے، عیال مُنکر نکیر ٹھیرایا ای۔

کوٹھا گور عزرائیل ہے ایہہ کھیڑ ا، جیہڑ ا لیندو ہی روح نُوں دھایا ای۔

کیدو لنگا شیطان ملعون جانو، جس نے وچ دیوان پھڑ ایا ای۔

سیاں ہیر دیاں رن گھر بار تیرا، جنہاں نال پیوند بنایا ای۔

وانگ ہیر دے بنھ لے جان تینوں، کسے نال نہ ساتھ لدایا ای۔

جیہڑ ا بولدا ناطقہ ونجھلی ہے، جس ہوش دا راگ سُنایا ای۔

سہتی موت تے جسم ہے یار رانجھا، ایہناں دوہاں نے بھیڑ مچایا ای۔

شہوت بھابی تے بھُکھ ربیل باندی، جنہاں جنتوں مار کڈھایا ای۔

جو گی ہے عورت کن پاڑ جس نے، سبھ انگ بھبُوت رُمایا ای۔

دنیا جان ایویں جویں جھنگ پیکے، گور کالڑ ا باغ بنایا ای۔

ترنجن ایہہ بدعملیاں تیریاں نیں، کڈھ قبر تھیں دوزخے پایا ای۔

اوہ مسیت ہے مانو دا شکم بندے، جس وچ شب روز لنگھایا ای۔

عدلی راجہ ایہہ نیک نیں عمل تیرے، جس ہیر ایمان دوایا ای۔

وارثؔ شاہ میاں بیڑ ی پار تیری، کلمہ پاک زبان تے آیا ای۔

ਹੀਰ ਰੂਹ ਤੇ ਚਾਕ ਕਲਬੂਤ ਜਾਣੋ, ਬਾਲਨਾਥ ਏਹ ਪੀਰ ਬਣਾਇਆ ਈ।

ਪੰਜ ਪੀਰ ਹਵਾਸ ਇਹ ਪੰਜ ਤੇਰੇ, ਜਿਨ੍ਹਾਂ ਥਾਪਣਾ ਤੁੱਧ ਨੂੰ ਲਾਇਆ ਈ।

ਕਾਜ਼ੀ ਹੱਕ ਝਬੇਲ ਨੇ ਅਮਲ ਤੇਰੇ, ਇਆਲ ਮੁਨਕਰ ਨਕੀਰ ਠਹਿਰਾਇਆ ਈ।

ਕੋਠਾ ਗੋਰ ਇਜ਼ਰਾਈਲ ਹੈ ਇਹ ਖੇੜਾ, ਜਿਹੜਾ ਲੈਂਦੋ ਹੀ ਰੂਹ ਨੂੰ ਧਾਇਆ ਈ।

ਕੈਦੋ ਲੰਙਾ ਸ਼ੈਤਾਨ ਮਲਊਨ ਜਾਣੋ, ਜਿਸ ਨੇ ਵਿੱਚ ਦੀਵਾਨ ਫੜਾਇਆ ਈ।

ਸਈਆਂ ਹੀਰ ਦੀਆਂ ਰੰਨ ਘਰ ਬਾਰ ਤੇਰਾ, ਜਿਨ੍ਹਾਂ ਨਾਲ ਪੈਵੰਦ ਬਣਾਇਆ ਈ।

ਵਾਂਗ ਹੀਰ ਦੇ ਬੰਨ੍ਹ ਲੈ ਜਾਣ ਤੈਨੂੰ, ਕਿਸੇ ਨਾਲ ਨਾ ਸਾਥ ਲਦਾਇਆ ਈ।

ਜਿਹੜਾ ਬੋਲਦਾ ਨਾਤਕਾ ਵੰਝਲੀ ਹੈ, ਜਿਸ ਹੋਸ਼ ਦਾ ਰਾਗ ਸੁਣਾਇਆ ਈ।

ਸਹਿਤੀ ਮੌਤ ਤੇ ਜਿਸਮ ਹੈ ਯਾਰ ਰਾਂਝਾ, ਇਨ੍ਹਾਂ ਦੋਹਾਂ ਨੇ ਭੇੜ ਮਚਾਇਆ ਈ।

ਸ਼ਹਿਵਤ ਭਾਬੀ ਤੇ ਭੁਖ ਰਬੇਲ ਬਾਂਦੀ, ਜਿਨ੍ਹਾਂ ਜੰਨਤੋਂ ਮਾਰ ਕਢਾਇਆ ਈ।

ਜੋਗੀ ਹੈ ਔਰਤ ਕੰਨ ਪਾੜ ਜਿਸ ਨੇ, ਸਭ ਅੰਗ ਬਿਭੂਤ ਰਮਾਇਆ ਈ।

ਦੁਨੀਆਂ ਜਾਣ ਐਵੇਂ ਜਿਵੇਂ ਝੰਗ ਪੇਕੇ, ਗੋਰ ਕਾਲੜਾ ਬਾਗ਼ ਬਣਾਇਆ ਈ।

ਤ੍ਰਿੰਞਣ ਇਹ ਬਦ ਅਮਲੀਆਂ ਤੇਰੀਆਂ ਨੇ, ਕੱਢ ਕਬਰ ਥੀਂ ਦੋਜ਼ਖ਼ੇ ਪਾਇਆ ਈ।

ਉਹ ਮਸੀਤ ਹੈ ਮਾਂਉਂ ਦਾ ਸ਼ਿਕਮ ਬੰਦੇ, ਜਿਸ ਵਿੱਚ ਸ਼ਬ ਰੋਜ਼ ਲੰਘਾਇਆ ਈ।

ਅਦਲੀ ਰਾਜਾ ਏਹ ਨੇਕ ਨੇ ਅਮਲ ਤੇਰੇ, ਜਿਸ ਹੀਰ ਈਮਾਨ ਦਿਵਾਇਆ ਈ।

ਵਾਰਿਸ ਸ਼ਾਹ ਮੀਆਂ ਬੇੜੀ ਪਾਰ ਤਿਨ੍ਹਾਂ, ਕਲਮਾ ਪਾਕ ਜ਼ਬਾਨ ਤੇ ਆਇਆ ਈ।

hir ruh te chak kalabut jano, balanath eh pir banaiaa ee.

panj pir havas ih panj tere, jinhan thapana tuddh nun laiaa ee.

kazi hakk jhabel ne amal tere, iaal munakar nakir thahiraiaa ee.

kotha gor izaraeel hai ih kherra, jiharra laindo hi ruh nun dhaiaa ee.

kaido lanna shaitan maloon jano, jis ne vicch divan pharraiaa ee.

seeaan hir diaan rann ghar bar tera, jinhan nal paivand banaiaa ee.

vang hir de bannh lai jan tainun, kise nal na sath ladaiaa ee.

jiharra bolada nataka vanjhali hai, jis hosh da rag sunaiaa ee.

sahiti maut te jisam hai yar ranjha, inhan dohan ne bherr machaiaa ee.

shahivat bhabi te bhukh rabel bandi, jinhan jannaton mar kadhaiaa ee.

jogi hai aurat kann parr jis ne, sabh ang bibhut ramaiaa ee.

duniaan jan aiven jiven jhang peke, gor kalarra bagh banaiaa ee.

trinnan ih bad amaliaan teriaan ne, kaddh kabar thin dozakhe paiaa ee.

uh masit hai manun da shikam bande, jis vicch shab roz langhaiaa ee.

adali raja eh nek ne amal tere, jis hir eeman divaiaa ee.

varis shah miaan berri par tinhan, kalama pak zaban te aaiaa ee.