ਜਵਾਬ ਰਾਜੇ ਦਾ

راجے آکھیا تُساں تقصیر کیتی، ایہہ وڈا فقیر رنجانیا جے۔

نک کن وڈھا دیاں چاڑ ھ سُولی، ایویں گئی ایہہ گل نہ جانیا جے۔

رجے جٹ نہ جان دے کسے تائیں، تُسیں آپنی قدر پچھانیا جے۔

رَناں کھوہ فقیراں دیاں راہ مارو، تنبو گرب گمان دے تانیا جے۔

راتیں چور تے دینہہ اُدھالیاں تے، شیطان وانگوں جگ رانیا جے۔

قاضی شرع دا تُساں نُوں کرے جھُوٹھا، موج سولیاں دی تُسیں مانیا جے۔

اِیہہ نِت ہنکار نہ مال رہندے، کدی موت تحقیق پچھانیا جے۔

وارثؔ شاہ سرائے دی رات وانگوں، دُنیا خواب خیال کر جانیا جے۔

ਰਾਜੇ ਆਖਿਆ ਤੁਸਾਂ ਤਕਸੀਰ ਕੀਤੀ, ਏਹ ਵੱਡਾ ਫ਼ਕੀਰ ਰੰਜਾਣਿਆ ਜੇ।

ਨਕ ਕੰਨ ਵਢਾਇਕੇ ਦਿਆਂ ਸੂਲੀ, ਐਵੇਂ ਗਈ ਇਹ ਗੱਲ ਨਾ ਜਾਣਿਆ ਜੇ।

ਰੱਜੇ ਜਟ ਨਾ ਜਾਣਦੇ ਕਿਸੇ ਤਾਈਂ, ਤੁਸੀਂ ਅਪਣੀ ਕਦਰ ਪਛਾਣਿਆ ਜੇ।

ਰੰਨਾਂ ਖੋਹ ਫ਼ਕੀਰਾਂ ਦੀਆਂ ਰਾਹ ਮਾਰੋ, ਤੰਬੂ ਗਰਬ ਗੁਮਾਨ ਦਾ ਤਾਣਿਆ ਜੇ।

ਰਾਤੀਂ ਚੋਰ ਤੇ ਦਿਨੇ ਉਧਾਲਿਆਂ ਤੇ, ਸ਼ੈਤਾਨ ਵਾਂਗੂੰ ਜਗ ਰਾਣਿਆ ਜੇ।

ਕਾਜ਼ੀ ਸ਼ਰ੍ਹਾ ਦਾ ਤੁਸਾਂ ਨੂੰ ਕਰੇ ਝੂਠਾ, ਮੌਜ ਸੂਲੀਆਂ ਦੀ ਤੁਸੀਂ ਮਾਣਿਆ ਜੇ।

ਇਹ ਨਿਤ ਹੰਕਾਰ ਨਾ ਮਾਲ ਰਹਿੰਦੇ, ਕਦੀ ਮੌਤ ਤਹਿਕੀਕ ਪਛਾਣਿਆ ਜੇ।

ਵਾਰਿਸ ਸ਼ਾਹ ਸਰਾਏ ਦੀ ਰਾਤ ਵਾਂਗੂੰ, ਦੁਨੀਆ ਖ਼ਾਬ ਖ਼ਿਆਲ ਕਰ ਜਾਣਿਆ ਜੇ।

raje aakhiaa tusan takasir kiti, eh vadda fakir ranjaniaa je.

nak kann vadhaike diaan suli, aiven gee ih gall na janiaa je.

rajje jat na janade kise taeen, tusin apani kadar pachhaniaa je.

rannan khoh fakiran diaan rah maro, tanbu garab guman da taniaa je.

ratin chor te dine udhaliaan te, shaitan vangun jag raniaa je.

kazi sharha da tusan nun kare jhutha, mauj suliaan di tusin maniaa je.

ih nit hankar na mal rahinde, kadi maut tahikik pachhaniaa je.

varis shah sarae di rat vangun, duniaa khab khiaal kar janiaa je.