رانجھا
ਰਾਂਝਾ
رانجھے آکھیا سوہنی رَن ڈٹھی، مگر لگ میرے آئے گھیریا نیں۔
نَٹھا خوف تھوں ایہہ سن دیس والے، پچھے کٹک از غیب دا چھیڑ یا نیں۔
پنجاں پیراں دی ایہہ مجاورانی، انہاں کدھروں ساک سہیڑ یا نیں۔
سبھ راجیاں انہاں نُوں دھک دِتا، تیرے ملک وچ آء کے چھیڑ یا نیں۔
ویکھو وچ دربار دے جھُوٹھ بولن، ایہہ وڈا ہی پھیڑ نا پھیڑ یا نیں۔
مجروح ساں غماں دے نال بھڑ یا، میرا اَلڑ ا گھاء اُچیڑ یا نیں۔
کوئی روز جہان تے واؤ لینی، بھلا ہویا نہ چاء نبیڑ یا نیں۔
آپ وارثی بنے ایس و وہٹڑ ی دے، مینوں مار کے چا کھدیڑ یا نیں۔
راجہ پُچھدا کراں میں قتل سارے، تیری چیز نُوں راہ جے چھیڑ یا نیں۔
سچ آکھ توں کُھل کے کراں پُرزے، کوئی بُرا جے ایس نال پھیڑ یا نیں۔
چھڈ ارلیاں جوگ بھجا نٹھے، پر کُھوہ نُوں اجے نہ گیڑ یا نیں۔
وارثؔ شاہ میں گرد ہی رہیا بھوندا، سُرمے سرمچو نہیں لویڑ یا نیں۔
ਰਾਂਝੇ ਆਖਿਆ ਸੁਹਣੀ ਰੰਨ ਡਿੱਠੀ, ਮਗਰ ਲਗ ਮੇਰੇ ਆ ਘੇਰਿਆ ਨੇ।
ਨੱਠਾ ਖ਼ੌਫ਼ ਥੋਂ ਇਹ ਸਨ ਦੇਸ ਵਾਲੇ, ਪਿੱਛੇ ਕਟਕ ਅਜ਼ਗ਼ੈਬ ਦਾ ਛੇੜਿਆ ਨੇ।
ਪੰਜਾਂ ਪੀਰਾਂ ਦੀ ਇਹ ਮੁਜਾਉਰਨੀ ਏ, ਇਹਨਾਂ ਕਿਧਰੋਂ ਸਾਕ ਸਹੇੜਿਆ ਨੇ।
ਸਭ ਰਾਜਿਆਂ ਏਨ੍ਹਾਂ ਨੂੰ ਧੱਕ ਦਿੱਤਾ, ਤੇਰੇ ਮੁਲਕ ਵਿੱਚ ਆਇ ਕੇ ਛੇੜਿਆ ਨੇ।
ਵੇਖੋ ਵਿੱਚ ਦਰਬਾਰ ਦੇ ਝੂਠ ਬੋਲਣ, ਇਹ ਵੱਡਾ ਹੀ ਫੇੜਣਾ ਫੇੜਿਆ ਨੇ।
ਮਜਰੂਹ ਸਾਂ ਗ਼ਮਾਂ ਦੇ ਨਾਲ ਭਰਿਆ, ਮੇਰਾ ਅੱਲੜਾ ਘਾਉ ਉਚੇੜਿਆ ਨੇ।
ਕੋਈ ਰੋਜ਼ ਜਹਾਨ ਤੇ ਵਾਉ ਲੈਣੀ, ਭਲਾ ਹੋਇਆ ਨਾ ਚਾਇ ਨਿਬੇੜਿਆ ਨੇ।
ਆਪ ਵਾਰਸੀ ਬਣੇ ਏਸ ਵਹੁਟੜੀ ਦੇ, ਮੈਨੂੰ ਮਾਰ ਕੇ ਚਾਇ ਖਦੇੜਿਆ ਨੇ।
ਰਾਜਾ ਪੁੱਛਦਾ ਕਰਾਂ ਮੈਂ ਕਤਲ ਸਾਰੇ, ਤੇਰੀ ਚੀਜ਼ ਨੂੰ ਜ਼ਰਾ ਜੇ ਛੇੜਿਆ ਨੇ।
ਸੱਚ ਆਖ ਤੂੰ ਖੁਲ੍ਹ ਕੇ ਕਰਾਂ ਪੁਰਜ਼ੇ, ਕੋਈ ਬੁਰਾ ਇਸ ਨਾਲ ਜੇ ਫੇੜਿਆ ਨੇ।
ਛਡ ਅਰਲੀਆਂ ਜੋਗ ਭਜਾਇ ਨੱਠੇ, ਪਰ ਖੂਹ ਨੂੰ ਅਜੇ ਨਾ ਗੇੜਿਆ ਨੇ।
ਵਾਰਿਸ ਸ਼ਾਹ ਮੈਂ ਗਿਰਦ ਹੀ ਰਹਿਆ ਭੌਂਦਾ, ਸੁਰੇਮ ਸੁਰਮਚੂ ਨਹੀਂ ਲਿਬੇੜਿਆ ਨੇ।
ranjhe aakhiaa suhani rann ditthi, magar lag mere aa gheriaa ne.
nattha khauf thon ih san des vale, picchhe katak azaghaib da chherriaa ne.
panjan piran di ih mujaurani e, ihanan kidharon sak saherriaa ne.
sabh rajiaan enhan nun dhakk ditta, tere mulak vicch aai ke chherriaa ne.
vekho vicch darabar de jhuth bolan, ih vadda hi pherrana pherriaa ne.
majaruh san ghaman de nal bhariaa, mera allarra ghau ucherriaa ne.
koee roz jahan te vau laini, bhala hoiaa na chai niberriaa ne.
aap varasi bane es vahutarri de, mainun mar ke chai khaderriaa ne.
raja pucchhada karan main katal sare, teri chiz nun zara je chherriaa ne.
sacch aakh tun khulh ke karan puraze, koee bura is nal je pherriaa ne.
chhad araliaan jog bhajai natthe, par khuh nun aje na gerriaa ne.
varis shah main girad hi rahiaa bhaunda, surem suramachu nahin liberriaa ne.