ਸਾਰੀਆਂ ਨੂੰ ਸੁਨੇਹਾ

گنڈھ پھری راتیں وچ کھیڑ یاں دے، گھر وگھری وچار وچاریو نیں۔

بھلکے کُھوہ تے جائیکے کراں کشتی، اک دوسری نُوں خم ماریو نیں۔

چلو چل ہی کرن چھنال بازاں، سبَھو کم تے کاج وساریو نیں۔

بازی دتیا نیں پیواں بڈھیاں نُوں، لبا مانواں دے مُونہاں تے ماریو نیں۔

شیطان دیاں لشکراں فیلسوفاں، بِنا آتشوں فن پگھاریو نیں۔

گلتی مار لنگوٹرے وَٹ ٹریاں، سبَھو کپڑ ا چِتھڑ ا جھاڑ یو نیں۔

سبھابھن بھنڈار اُجاڑ چھوپاں، سنیں پُونیاں پڑ ی نُوں ساڑ یو نیں۔

تنگ کھچ سوار تیار ہوئے، کڑ یالڑ ے گھوڑ یاں چاڑ ھیو نیں۔

راتیں لا مہندی دینہہ گھت سُرمہ، گُنڈ چنڈیاں کمبھ سنگاریو نیں۔

تیڑ لُنگیاں بُہکراں دیہن پچھوں، سُتھن چُوڑ یاں پاونچے چاڑ ھیو نیں۔

کجل پُوچھلیا لڑ ے ویا ہیاں دے، ہوٹھیں سُرخ دندا سڑ ے چاڑ ھیو نیں۔

زُلفاں پَلم پیاں گورے مُکھڑ ے تے، بُندیاں پائیکے روپ سنگھاریو نیں۔

گلھاں ٹھوڈیاں تے بنے خال دانے، رڑ ے حُسن نُوں چا اگھاڑ یو نیں۔

چھاتیاں کھول کے حُسن دے کڈھ لاٹُو، وارثؔ شاہ نُوں چا اُجاڑ یو نیں۔

ਗੰਢ ਫਿਰੀ ਰਾਤੀਂ ਵਿੱਚ ਖੇੜਿਆਂ ਦੇ, ਘਰੋਂ ਘਰੀ ਵਿਚਾਰ ਵਿਚਾਰਿਉ ਨੇ।

ਭਲਕੇ ਖੂਹ ਤੇ ਜਾਇਕੇ ਕਰਾਂ ਕੁਸ਼ਤੀ ਇੱਕ ਦੂਸਰੀ ਨੂੰ ਖੁੰਮ ਮਾਰਿਉ ਨੇ।

ਚਲੋ ਚਲੀ ਹੀ ਕਰਨ ਛਨਾਲ ਬਾਜ਼ਾਂ, ਸਭ ਕੰਮ ਤੇ ਕਾਜ ਵਿਸਾਰਿਉ ਨੇ।

ਬਾਜ਼ੀ ਦਿਤਿਆ ਨੇ ਪੇਵਾਂ ਬੁੱਢਿਆਂ ਨੂੰ, ਲਬਾ ਮਾਂਵਾਂ ਦੇ ਮੂੰਹਾਂ ਤੇ ਮਾਰਿਉ ਨੇ।

ਸ਼ੈਤਾਨ ਦੀਆਂ ਲਸ਼ਕਰਾਂ ਫੈਲਸੂਫਾਂ, ਬਿਨਾ ਆਤਸ਼ੋਂ ਫ਼ਨ ਪੰਘਾਰਿਉ ਨੇ।

ਗਿਲਤੀ ਮਾਰ ਲੰਗੋਟੜੇ ਵਟ ਟੁਰੀਆਂ, ਸਭੋ ਕਪੜਾ ਚਿਥੜਾ ਝਾੜਿਉ ਨੇ।

ਸਭਾ ਭੰਨ ਭੰਡਾਰ ਉਜਾੜ ਛੋਪਾਂ, ਸਣੇ ਪੂਣੀਆਂ ਪਿੜੀ ਨੂੰ ਸਾੜਿਉ ਨੇ।

ਤੰਗ ਖਿਚ ਸਵਾਰ ਤਿਆਰ ਹੋਏ, ਕੜਿਆਲੜੇ ਘੋੜੀਆਂ ਚਾੜ੍ਹਿਉ ਨੇ।

ਰਾਤੀਂ ਲਾ ਮਹਿੰਦੀ ਦਿੰਹ ਘਤ ਸੁਰਮਾ, ਗੁੰਦ ਚੁੰਡੀਆਂ ਕੁੰਭ ਸ਼ਿੰਗਾਰਿਉ ਨੇ।

ਤੇੜ ਲੁੰਗੀਆਂ ਬਹੁਕਰਾਂ ਦੇਣ ਪਿੱਛੋਂ, ਸੁਥਣ ਚੂੜੀਆ ਪਾਂਉਚੇ ਚਾੜ੍ਹਿਉ ਨੇ।

ਕੱਜਲ ਪੂਛਲਿਆਲੜੇ ਵਿਆਹੀਆਂ ਦੇ, ਹੋਠੀਂ ਸੁਰਖ਼ ਦੰਦਾਸੜੇ ਚਾੜ੍ਹਿਉ ਨੇ।

ਜ਼ੁਲਫਾਂ ਪਲਮ ਪਈਆਂ ਗੋਰੇ ਮੁਖੜੇ ਤੇ, ਬਿੰਦੀਆਂ ਪਾਇਕੇ ਰੂਪ ਸ਼ਿੰਗਾਰਿਉ ਨੇ।

ਗੱਲ੍ਹਾਂ ਫ਼ੋਡੀਆ ਤੇ ਬਣੇ ਖਾਲ ਦਾਣੇ, ਰੜੇ ਹੁਸਨ ਨੂੰ ਚਾਇ ਉਘਾੜਿਉ ਨੇ।

ਛਾਤੀਆਂ ਖੋਲ੍ਹ ਕੇ ਹੁਸਨ ਦੇ ਕੱਢ ਲਾਟੂ ਵਾਰਿਸ ਸ਼ਾਹ ਨੂੰ ਚਾਇ ਉਜਾੜਿਉ ਨੇ।

gandh phiri ratin vicch kherriaan de, gharon ghari vichar vichariu ne.

bhalake khuh te jaike karan kushati ikk dusari nun khunm mariu ne.

chalo chali hi karan chhanal bazan, sabh kanm te kaj visariu ne.

bazi ditiaa ne pevan buddhiaan nun, laba manvan de munhan te mariu ne.

shaitan diaan lashakaran phailasuphan, bina aatashon fan panghariu ne.

gilati mar langotarre vat turiaan, sabho kaparra chitharra jharriu ne.

sabha bhann bhandar ujarr chhopan, sane puniaan pirri nun sarriu ne.

tang khich savar tiaar hoe, karriaalarre ghorriaan charrhiu ne.

ratin la mahindi dinh ghat surama, gund chundiaan kunbh shingariu ne.

terr lungiaan bahukaran den picchhon, suthan churriaa panuche charrhiu ne.

kajjal puchhaliaalarre viaahiaan de, hothin surakh dandasarre charrhiu ne.

zulaphan palam peeaan gore mukharre te, bindiaan paike rup shingariu ne.

gallhan fodiaa te bane khal dane, rarre husan nun chai ugharriu ne.

chhatiaan kholh ke husan de kaddh latu varis shah nun chai ujarriu ne.