ਤਥਾ

قلعہ دار نُوں مورچے تنگ ڈُھکے، شبخوں تے تیار ہوء سجیا ای۔

تھڑا پوے جیوں دھاڑ نُوں شینہ، چھٹے اٹھ بوتیاں دے منے گجیا ای۔

سبھا نس گےئاں اِکا رہی پچھے، آ سوئن چڑی اتے وجیا ای۔

ہاؤ ہاء ماہی منڈی جا ناہیں، پری ویکھ اُدھوت نہ لجیا ای۔

ننگی ہونٹھی سٹ ستر زیور، سبھا جاں بھیانیاں تجیا ای۔

ملک الموت عذاب دی کرے تنگی، پردہ کسے دا کدی نہ کجیائی۔

اُتوں ناد وجائی کے کرے نعرہ، اکھیں لال کر کے مونہہ ٹڈیا ای۔

وارثؔ شاہ حساب نُوں پری پکڑی، صُور حشر دا ویکھ لئے وجیا ای۔

ਕਿਲੇਦਾਰ ਨੂੰ ਮੋਰਚੇ ਤੰਗ ਢੁੱਕੇ, ਸ਼ਬਖੂਨ ਤੇ ਤਿਆਰ ਹੋ ਸੱਜਿਆ ਈ।

ਥੜਾ ਪਵੇ ਜਿਉਂ ਧਾੜ ਨੂੰ ਸ਼ੀਂਹ ਛੁੱਟੇ, ਉਠ ਬੋਤੀਆਂ ਦੇ ਮਨ੍ਹੇ ਗੱਜਿਆ ਈ।

ਸਭਾ ਨੱਸ ਗਈਆਂ ਇੱਕਾ ਰਹੀ ਪਿੱਛੇ, ਆਇ ਸੋਇਨ ਚਿੜੀ ਉਤੇ ਵੱਜਿਆ ਈ।

ਹਾਇ ਹਾਇ ਮਾ-ਮੁੰਡੀਏ ਜਾਹ ਨਾਹੀਂ, ਪਰੀ ਵੇਖ ਅਵਧੂਤ ਨਾ ਲੱਜਿਆ ਈ।

ਨੰਗੀ ਹੋ ਨੱਠੀ ਸੱਟ ਸਤਰ ਜ਼ੇਵਰ, ਸੱਭਾ ਜਾਨ ਭਿਆਣੀਆਂ ਤੱਜਿਆ ਈ।

ਮਲਕੁਲਮੌਤ ਅਜ਼ਾਬ ਦੇ ਕਰੇ ਨੰਗੀ, ਪਰਦਾ ਕਿਸੇ ਦਾ ਕਦੀ ਨਾ ਕੱਜਿਆ ਈ।

ਉਤੋਂ ਨਾਦ ਵਜਾਇਕੇ ਕਰੇ ਨਾਹਰਾ, ਅਖੀਂ ਲਾਲ ਕਰਕੇ ਮੂੰਹ ਟੱਡਿਆ ਈ।

ਵਾਰਿਸ ਸ਼ਾਹ ਹਿਸਾਬ ਨੂੰ ਪਰੀ ਪਕੜੀ, ਸੂਰ ਹਸ਼ਰ ਦਾ ਵੇਖ ਲਏ ਵੱਜਿਆ ਈ।

kiledar nun morache tang dhukke, shabakhun te tiaar ho sajjiaa ee.

tharra pave jiun dharr nun shinh chhutte, uth botiaan de manhe gajjiaa ee.

sabha nass geeaan ikka rahi picchhe, aai soin chirri ute vajjiaa ee.

hai hai ma-mundie jah nahin, pari vekh avadhut na lajjiaa ee.

nangi ho natthi satt satar zevar, sabbha jan bhiaaniaan tajjiaa ee.

malakulamaut azab de kare nangi, parada kise da kadi na kajjiaa ee.

uton nad vajaike kare nahara, akhin lal karake munh taddiaa ee.

varis shah hisab nun pari pakarri, sur hashar da vekh le vajjiaa ee.