ہیر-رانجھا ہاشم شاہ
Heer Ranjha Hashim Shah
Hashim · 32 sections · 272 lines
Shahmukhi is machine transliteration from the Gurmukhi, not yet checked by a person.
ہیر رانجھے کی برتی
تیہ بینتاں وچ سرب لکھیتے
1
الف اوس دا کل زہور ہے جی،
خلق آپو آپݨے راہ پائی ۔
کوئی ہسّدا ہے کوئی رونودا ہے،
سبھ عشق نے دھومادھام چائی ۔
قصہ آکھݨا عاشقاں کاملاں دا،
ایہہ وی بندگی ہے دھروں نال آئی ۔
ہاشمشاہ نوں آکھیا دوستاں نے،
رانجھے ہیر دی شاعری آکھ کائی ۔1۔
2
بے بہت ہکائتاں چھوڑ کے میں،
رنگ رس دی ہے تھوڑی بات جوڑی ۔
قصہ بہت بیدرد دا کجھ ناہیں،
دردمند دی ماردی بات تھوڑی ۔
لکھے لیکھ دی ڈور نوں زور ڈاڈھا،
کسے پاس نا ٹٹّدی مول توڑی ۔
ہاشمشاہ میاں ہیر رانجھݨے دی،
ویکھ لیکھ بݨاؤندا آݨ جوڑی ۔2۔
3
تے تخت ہزارے دے وچ وسّے،
رنگ روپ رسیلڑا چھیل دینہدا ۔
باپ دادیوں اجّلا ناؤں دھیدو،
زمیدار-بچّا پتّ چودھری دا ۔
پھرے لاڈلا مست خمار ہویا،
بھلا برا نا جاݨدا کوݨ کیہدا ۔
ہاشمشاہ میاں کوݨ مت دیندا،
سکھی-لدّھڑا ہونودا پتّ جینہدا ۔3۔
4
سے ثابتی نال نباہ ہویا،
ذوق شوق تے ایش ارام پایا ۔
جہڑا لاڈ گمان دا زور آہا،
ماپے مویاں رنجھیٹے دے پیش آیا ۔
کوئی چجّ اچار نا جاݨدا سی،
پھیر میہݨے تانھیاں زور پایا ۔
ہاشمشاہ میاں اساں ظاہر ڈٹّھا،
سکھیاریاں انت نوں دکھ پایا ۔4۔
5
جیم جگ دی ریت نا اکّ آوے،
رانجھا بہت ادھین اداس ہویا ۔
بھائی ستّ تے آنڈھ گوانڈھ سارا،
جمھا آݨ رنجھیٹے دے پاس ہویا ۔
'مول جاہ ن رب دا واسطہ ای،
تیرا کھیش کبیلڑا داس ہویا' ۔
ہاشمشاہ میاں اگّ عشق دی ایہہ،
جتھے پئی شور دا ناس ہویا ۔5۔
6
ہے ہرس ناہی مینوں مول کائی،
کہیا بھائیاں تے بھرجائیاں نوں ۔
اوازار ہو کے اٹھ راہ پیا،
متّھا ٹیک کے چاچیاں تائیاں نوں ۔
کوݨ کسے دے نال فقیر ہووے،
سکھ آپو آپݨا بھائیاں نوں ۔
ہاشمشاہ میاں سول پتّراں دے،
سینا سلّدے دکّھ نی مائیاں نوں ۔6۔
7
خے خرچ ن ساتھ، ن راہ جاݨے،
بیلے بروا وچ خوار ہویا ۔
سوز عشق دا تے دھپّ تیز لگّی،
پیریں چبھے ببول بیمار ہویا ۔
نیݨیں رتّ وگے تنوں ست گیا،
رانجھا آݨ کے بہت لاچار ہویا ۔
ہاشمشاہ میاں اتھے رب بیلی،
سوہݨی وانگ ارار ن پار ہویا ۔7۔
8
دال دکھ کجیاڑے بہت ہوئے،
مر پٹّ کے جھنگ سیال آیا ۔
کنڈھے ندی دے ہیر دی سیج آہی،
ٹھنڈھی چھاؤں سی بہت آرام پایا ۔
بھنیں رلدیاں نوں سیج ہتّھ آئی،
رانجھے شکر کیتا سائیں چت آیا ۔
ہاشمشاہ رنجھیٹے دے بھاگ جاگے،
پچھوں ہیر آئی مولے ڈھنگ لایا ۔8۔
9
زال ذوق تے شوق دے نال ستّا،
منوں خوف لاہیا مٹھی نیند کیتی ۔
ہیر ویکھ کے بہت کرودھ کیتا،
لڈّݨ پاتݨی نوں جھڑک جھنب کیتی ۔
پلّو لاہ کے ہیر دیدار کیتا،
رانجھے یار دی طرحاں پچھاݨ لیتی ۔
ہاشمشاہ مہبوب دا مکھ ڈٹّھا،
ویکھ عاشقاں آبہیات پیتی ۔9۔
10
رے راج تے بھاگ وسار دتا،
ہوئی باوری رہی ن سدھ کائی ۔
دیوا ویکھ پتنگ نوں چنڑگ پیا،
برہوں جائے برود نوں اگّ لائی ۔
مشک آپݨے مرگ بیہوش ہویا،
چند ویکھ چکور نے سیو لائی ۔
ہاشمشاہ رنجھیٹے نوں لائے سینے،
ہیر جھنگ سیال نوں اٹھ دھائی ۔10۔
11
زے زور ن ہیر دا ہور چلّے،
میہیں نال رنجھیٹے نوں چھیڑیا ای ۔
سینا برہوں دے سوز منور کیتا،
پنڈا جھلّ تے کاہ ادھیڑیا ای ۔
راتیں نیند ن دنے آرام آوے،
ٹھاݨا صبر دا عشق اکھیڑیا ای ۔
ہاشمشاہ کی دوش ہے میہیاں دا،
دکھ پاؤندا آپݨا پھیڑیا ای ۔11۔
12
سین ساہرے پیئڑے دھومّ پئیا،
ہیر چاک دا نیہوں کماؤندی ہے ۔
چوری کٹّ کے نال بہانیاں دے،
چاک پاس اکلّڑی جاؤندی ہے ۔
پئی بہت اولّڑے راہ نڈّھی،
پگّاں داڑھیاں نوں لاج لاؤندی ہے ۔
ہاشم شاہ میاں بہت چرچ ہوئی،
بھیڑی ننگ نموس گواؤندی ہے ۔12۔
13
سین شوق سلیٹی نوں زور کیتا،
دوا جنن آئی گھر کھیڑیاں دی ۔
ہیر اکد نکاہ ن منّدی ہے،
ماپے لوڑدے لاج سہیڑیاں دی ۔
ہیر رووݨے نال وہار لایا،
اوہنوں سار کی جھگڑیاں جھیڑیاں دی ۔
ہاشم شاہ میاں قاضی شرھا اتے،
پئی گلّ نیاؤں نبیڑیاں دی ۔13۔
14
سواد صبح سویرے ہی دوتیاں نے،
قاضی شہر دے تھے جائے بات کیتی ۔
قاضی بھیج کے نفر گلام کوئی،
جگھا آپݨی ہیر بلائے لیتی ۔
اگے ملکھ تے شہر ہجوم سارا،
اوتھے ہیر وی جائے سلام کیتی ۔
ہاشم شاہ ج رب کریم ہیں توں،
قاضی کھولھ کے ہتّھ کتاب لیتی ۔14۔
15
زواد زبت کتاب تمام کرکے،
قاضی آکھیا ویکھ کے ہیر تائیں ۔
'طرف ویکھݨا مرد بیگانیاں دے،
شرھا وچ ایہہ بات درست ناہیں ۔
سچّ آکھ بدبخت شیطان نڈّھی،
شہر وچ توں ایہہ کی دھومّ پائی' ؟
ہاشم ہیر دا رب ہیاؤ رکّھے،
دوتی دشمناں ہیر تے خوب لائی ۔15۔
16
توئے تول کے ہیر جواب کیتا،
رانجھے یار دی جیا وچ شکل دھاری ۔
اتھے کھیڑے تے سبھ سیال بیٹھے،
پینچ چودھری تے کل سبھا ساری ۔
سوبادار تے وچ امین بیٹھے،
کئی متکی تے مخادیم بھاری ۔
ہاشم ایس جواب تھوں کتا ہووے،
رانجھے ہیر دی پاک پنیت یاری ۔16۔
17
زوئے زامن ہے اساں نماݨیاں دا،
ہیر آکھیا اوہ نراکار میاں ۔
جہڑا اساں تے تساں نوں رزک دیوے،
پیدا کیتیسو لاکھ ہزار میاں ۔
اونھے جتی ستی جودھے پرکھ کیتے،
اوہو پالدا چور تے یار میاں ۔
ہاشم دیکھیئے کوݨ سرجیت ہووے،
پیا ماردا وچ بزار میاں ۔17۔
18
عین علم سی بہت شیطان تائیں،
ہیر آکھیا مڈّھ کدیم میاں ۔
لکھے لیکھ نے مار کے گرد کیتا،
اہیو ہویا شیطان الیم میاں ۔
لیکھاں یوسف جیہا غلام کیتا،
جہدے خوبیاں بہت ازیم میاں ۔
ہاشم آکھیا ہیر نے سمجھ قاضی،
اسیں کوݨ گوار یتیم میاں ۔18۔
19
غین غرک ہو جاؤ نا عقل تساں،
قاضی آکھیا ہیر دیاں ماپیاں نوں ۔
تساں عاشقاں رب دیاں قید کیتا،
ایہہ کی جاݨدے انھاں سیاپیاں نوں ۔
تسیں لوڑدے ہیر دے ساتھ پچھے،
پاس بانہ ہووے اکلاپیاں نوں ۔
کیتا سرخرو رب نے ہیر ہاشم،
پچھوتاؤندے راگ الاپیاں نوں ۔19۔
20
فے فائدا کجھ ن ہویو نے،
جھوٹھے ہوئے سیال لاچار ہوئے ۔
ہتّھ بنّھ کے بینتی کرن سبھے،
رکّھ لجّ ساڈی بہت خوار ہوئے ۔
اک وار توں ساہرے جا ہیرے،
پھیر آکھیئے تے غناہگار ہوئے ۔
ہاشمشاہ میاں پھیر لاج مٹھی،
زور عشق دا لاکھ ہزار ہوئے ۔20۔
21
قاف کدر پچھاݨ کے ماپیاں دی،
ہیر کھیڑیاں نال تیار ہوئی ۔
لجّ لاج تے جندڑی بہت مٹھی،
ہیر مول ن نچّیا لاہ لوئی ۔
رانجھا ٹمک چک کھیڑیاں نال ہویا،
ڈولی کھیڑیاں دے بوہے جائے ڈھوئی ۔
ہاشمشاہ میاں قصہ چھڈّ وچے،
ایدوں اگلی وارتا آکھ کوئی ۔21۔
22
قاف کوٹ ہزارے نوں اٹھ دھایا،
ہور چاکری مول ن پجدی سو ۔
لیندا ہاؤکے تے پچھوتانودا ای،
چکھا عشق دی مول نا بجھدی سو ۔
رانجھے روئے دتا ویکھ بھائیاں نوں،
مونہوں دوائے سلام نا سجّھدی سو ۔
ہاشمشاہ ویوگ بیہوش کیتا،
ہور گیݨتی مجھ ن تجھ دی سو ۔22۔
23
لام لائکے پریت لکھائے چٹھی،
ہیر رانجھݨے دی ول پھیر گھلّی ۔
سانوں میہݨا دیئکے جگ سارے،
آپ تخت ہزارے دی جائے ملّی ۔
رانجھا ویکھدو پھیر اداس ہوا،
بھورا رہے ن جیو دی واگ ٹھلّھی ۔
ہاشمشاہ رنجھیٹے نے ہیر پچھے،
جوگ پایا تے سیس تے خاک ملی ۔23۔
24
میم مکھ ببھوت لگائے رانجھا،
کنّیں موندراں تے ہویا جٹا دھاری ۔
تونبا ہتّھ تانبا لکّ لنگ سوہے،
بھلی پائیس جوگ دی جگت ساری ۔
جائے پہونچیا رنگپر کھیڑیاں دے،
وہڑے ہیر دے جا کے کیش دھاری ۔
ہاشم شاہ میاں یار ویکھݨے نوں،
رانجھے بھیس وٹایا ہے خوب کاری ۔24۔
25
نون نیہوں-مٹھی ہیر چور آہی،
رانجھے جائے 'الکّھ' بلایا سی ۔
ہیر سݨی آواز تے اٹھ بیٹھی،
بول میت دا کھرا سکھایا سی ۔
عشق یار دی واؤ پچھاݨدا ہے،
اوہ آپ رانجھا وہڑے آیا سی ۔
ہاشم شاہ میاں لوک جھوٹھ آکھے،
رانجھے نال سہتی جھیڑا پایا سی ۔25۔
26
واؤ ویکھ کے ہیر دا رنگ رانجھے،
ماری آہ تے کھرا بیتاب ہویا ۔
درد عشق دے پھٹّ تے لوݨ پایا،
اگّ عشق دی نال کباب ہویا ۔
گھٹّ وٹّ کے مونہوں ن بولیا سی،
مڑ پچھھاں نوں پھیر شتاب ہویا ۔
ہاشم شاہ میاں دھواں پاؤݨے دے،
رانجھا فکر دے وچ خراب ہویا ۔26۔
27
ہے حیلہ ہکیمگی بہت ہوئی،
روگ ہیر دا کنھے نا پایا سی ۔
ہتّھ بنّھ کھیڑا گرز آپݨی نوں،
جوگی پاس ادھین ہو آیا سی ۔
'گھر چلیئے جی ! ساڈے بھاگ ہوئے،
ہیر بہت ڈاڈھا دکھ پایا سی ۔
ہاشم شاہ میاں مولے دشمݨاں نوں،
ہتّھ بنّھ کے آݨ نوایا سی ۔27۔
28
لام لائے پریت تویت کیتے،
رانجھے دارواں تے وڈّا زور پایا ۔
سما پائکے ہیر نوں سنگ لیتا،
چوری جھنگ سیال نوں اٹھ دھایا ۔
پچھے خبر ہوئی کھیڑے اٹھ وگے،
راجے ادلی دے شہر ہتّھ آیا ۔
ہاشم شاہ میاں ویکھ صبح ہوئی،
راجے پاس حضور نیاؤں پایا ۔28۔
29
الف آکھیا ہیر نوں دسّ ہیرے !
تیرے نال رانجھے کہا ساک ہے جی ۔
ہیر آکھیا، 'ساک ن عاشقاں دے،
میرا دین ایمان ایہہ چاک ہے جی ۔
جھوٹھ بولݨے تھیں کجھ نفا ناہیں،
ہوئے جاوݨا انت نوں خاک ہے جی ۔
ہاشم آکھیا ہیر نے رب جاݨے،
میرا کھیڑیاں تھوں پلّا پاک ہے جی ۔29۔
30
یے یار نوں یار دے ہتّھ دتا،
اوہناں کھیڑیاں چائے کھدیڑیو ای ۔
جگّ جگّ ہووے راج آدلاں دا،
راجے نیاؤں ہی نیاؤں نبیڑیو ای ۔
دکھ پائے کے سکھ نصیب ہویا،
جنھاں عشق دا ساک سہیڑیو ای ۔
ہاشم شاہ میاں، اوہناں دوتیاں دا،
بوٹا مڈّھ تھوں چائے اکھیڑیو ای ۔30۔