ਡੁਖ ਥੀਏ ਬਾਂਹ ਬੇਲੀ ਵੋ ਯਾਰ

ڈکھ تھیئے بانہ بیلی وو یار۔ہتھی ائم اکیلی وو یار۔

توں بن ڈیوم کون دلاسے۔تھی نا سانول آسے پاسے۔

ماݨیں انگن ہویلی وو یار۔

آلی ادنی جو جگ جیوے۔میں وانگن پئی کئی ن تھیوے۔

ڈکھڑی ! واڈھی !! وھیلی!!! وو یار۔

نا ماہی نا منجھیاں ڈسدیاں۔اکّھیاں وسدیاں دلڑیاں پھسدیاں۔

جندڑی تھی بھاں بیلی وو یار۔

سوں ہے ناز نگاہ دی میکوں۔جے تیں ول ن ڈیکھاں تیکوں۔

رہساں میل کچیلی وو یار۔

کتھ او آساں کتھ او ماݨے۔نا ماہی نا راج بباݨے۔

جیساں ڈکھ ڈہیلی وو یار۔

بھاگ سہاگ سونجی توں رٹھڑے۔ہار، ہمیلاں گانے ترٹڑے۔

ٹوٹے بانہ چڑیلی وو یار۔

ہک میں درد اندوہ وچالے۔پئی سبھ ناز نوازیں جالے۔

ترے سو سٹّھ سہیلی وو یار۔

باجھوں یار فرید دا حیلہ۔کجڑا، کوجھا، تے رنگ پیلا۔

سیندھ دھڑی تھئی میلی وو یار۔

ਡੁਖ ਥੀਏ ਬਾਂਹ ਬੇਲੀ ਵੋ ਯਾਰ।ਹਥੀ ਅਇਮ ਅਕੇਲੀ ਵੋ ਯਾਰ।

ਤੌਂ ਬਿਨ ਡੇਵਮ ਕੌਨ ਦਿਲਾਸੇ।ਥੀ ਨਾ ਸਾਂਵਲ ਆਸੇ ਪਾਸੇ।

ਮਾਣੀਂ ਅੰਗਨ ਹਵੇਲੀ ਵੋ ਯਾਰ।

ਆਲੀ ਅਦਨੀ ਜੋ ਜਗ ਜੀਵੇ।ਮੈਂ ਵਾਂਗਨ ਪਈ ਕਈ ਨ ਥੀਵੇ।

ਡੁਖੜੀ ! ਵਾਢੀ !! ਵ੍ਹੇਲੀ!!! ਵੋ ਯਾਰ।

ਨਾ ਮਾਹੀ ਨਾ ਮੰਝੀਆਂ ਡਿਸਦੀਆਂ।ਅੱਖੀਆਂ ਵਿਸਦੀਆਂ ਦਿਲੜੀਆਂ ਫਸਦੀਆਂ।

ਜਿੰਦੜੀ ਥੀ ਭਾਂ ਬੇਲੀ ਵੋ ਯਾਰ।

ਸੌਂ ਹੈ ਨਾਜ਼ ਨਿਗਾਹ ਦੀ ਮੈਕੂੰ।ਜੇ ਤੈਂ ਵਲ ਨ ਡੇਖਾਂ ਤੈਕੂੰ।

ਰਹਿਸਾਂ ਮੈਲ ਕੁਚੈਲੀ ਵੋ ਯਾਰ।

ਕਿਥ ਓ ਆਸਾਂ ਕਿਥ ਓ ਮਾਣੇ।ਨਾ ਮਾਹੀ ਨਾ ਰਾਜ ਬਬਾਣੇ।

ਜੈਸਾਂ ਡੁਖ ਡੁਹੇਲੀ ਵੋ ਯਾਰ।

ਭਾਗ ਸੁਹਾਗ ਸੁੰਜੀ ਤੂੰ ਰੁਠੜੇ।ਹਾਰ, ਹਮੇਲਾਂ ਗਾਨੇ ਤਰੁਟੜੇ।

ਟੋਟੇ ਬਾਂਹ ਚੁੜੇਲੀ ਵੋ ਯਾਰ।

ਹਿਕ ਮੈਂ ਦਰਦ ਅੰਦੋਹ ਵਿਚਾਲੇ।ਪਈ ਸਭ ਨਾਜ਼ ਨਵਾਜ਼ੀਂ ਜਾਲੇ।

ਤਰੈ ਸੌ ਸੱਠ ਸਹੇਲੀ ਵੋ ਯਾਰ।

ਬਾਝੋਂ ਯਾਰ ਫ਼ਰੀਦ ਦਾ ਹੀਲਾ।ਕਜੜਾ, ਕੋਝਾ, ਤੇ ਰੰਗ ਪੀਲਾ।

ਸੇਂਧ ਧੜੀ ਥਈ ਮੈਲੀ ਵੋ ਯਾਰ।

dukh thie banh beli vo yar.hathi aim akeli vo yar.

taun bin devam kaun dilase.thi na sanval aase pase.

manin angan haveli vo yar.

aali adani jo jag jive.main vangan pee kee n thive.

dukharri ! vadhi !! vheli!!! vo yar.

na mahi na manjhiaan disadiaan.akkhiaan visadiaan dilarriaan phasadiaan.

jindarri thi bhan beli vo yar.

saun hai naz nigah di maikun.je tain val n dekhan taikun.

rahisan mail kuchaili vo yar.

kith o aasan kith o mane.na mahi na raj babane.

jaisan dukh duheli vo yar.

bhag suhag sunji tun rutharre.har, hamelan gane tarutarre.

tote banh churreli vo yar.

hik main darad andoh vichale.pee sabh naz navazin jale.

tarai sau satth saheli vo yar.

bajhon yar farid da hila.kajarra, kojha, te rang pila.

sendh dharri thee maili vo yar.