ਤੱਤੀ ਰੋ ਰੋ ਵਾਟ ਨਿਹਾਰਾਂ

تتّی رو رو واٹ نہاراں۔کڈیں سانول موڑ مہاراں۔

جیں کارݨ سو سختی جھاگی۔پھراں ڈہاگی دیس براگی۔

جیندی ڈیکھاں سانول ساگی۔تھیواں باغ بہاراں۔

یار بروچل وسم سولّڑا۔جیندی سانگے ماݨیم تھلّڑا۔

کھان پنلڑا نا کر کلھڑا۔توں سنگ چانگے چاراں۔

جیں ڈینہ یار اساں توں نکھڑے۔مہندی روپ ڈکھائے پھکڑے۔

ڈسدے سرکھی دے رنگ بکھڑے۔وگھریاں کجّل دیاں دھاراں۔

منّ منّ منّتاں پیر مناواں۔ملا گول تاویز لکھاواں۔

سڈّ سڈّ جوسی فالاں پانواں۔کردی سوّن ہزاراں۔

کھواجے پیر دے ڈیساں چھنّے۔ایہہے ڈینہ اتھائیں بھنّے۔

جیندیاں سبھ دل کیتیاں منّے۔وسم سدا گھر باراں۔

بندڑے نال ن کرسیں مندڑا۔توڑیں کوجھا کملا گندڑا۔

لٹک سہائیں سہن سوہندڑا۔پوں پوں توں جند واراں۔

چھوڑ فرید ن یار دا دامن۔جیں جی کیتا جڑ کر کامن۔

ڈوہاں جہانیاں ساڈا مامن۔کویں دلوں وساراں۔

ਤੱਤੀ ਰੋ ਰੋ ਵਾਟ ਨਿਹਾਰਾਂ।ਕਡੀਂ ਸਾਂਵਲ ਮੋੜ ਮੁਹਾਰਾਂ।

ਜੈਂ ਕਾਰਣ ਸੌ ਸਖ਼ਤੀ ਝਾਗੀ।ਫਿਰਾਂ ਡੁਹਾਗੀ ਦੇਸ ਬਰਾਗੀ।

ਜੈਂਦੀ ਡੇਖਾਂ ਸਾਂਵਲ ਸਾਗੀ।ਥੀਵਾਂ ਬਾਗ਼ ਬਹਾਰਾਂ।

ਯਾਰ ਬਰੋਚਲ ਵਸਿਮ ਸਵੱਲੜਾ।ਜੈਂਦੀ ਸਾਂਗੇ ਮਾਣੇਮ ਥੱਲੜਾ।

ਖਾਨ ਪੁਨਲੜਾ ਨਾ ਕਰ ਕਲ੍ਹੜਾ।ਤੌਂ ਸੰਗ ਚਾਂਗੇ ਚਾਰਾਂ।

ਜੈਂ ਡੇਂਹ ਯਾਰ ਅਸਾਂ ਤੋਂ ਨਿਖੜੇ।ਮਹਿੰਦੀ ਰੂਪ ਡਿਖਾਏ ਫਕੜੇ।

ਡਿਸਦੇ ਸੁਰਖੀ ਦੇ ਰੰਗ ਬਿਖੜੇ।ਵਿਘਰੀਆਂ ਕੱਜਲ ਦੀਆਂ ਧਾਰਾਂ।

ਮੰਨ ਮੰਨ ਮਿੱਨਤਾਂ ਪੀਰ ਮਨਾਵਾਂ।ਮੁਲਾ ਗੋਲ ਤਾਵੀਜ਼ ਲਿਖਾਵਾਂ।

ਸੱਡ ਸੱਡ ਜੋਸੀ ਫ਼ਾਲਾਂ ਪਾਂਵਾਂ।ਕਰਦੀ ਸੱਵਨ ਹਜ਼ਾਰਾਂ।

ਖਵਾਜੇ ਪੀਰ ਦੇ ਡੇਸਾਂ ਛੱਨੇ।ਏਹੇ ਡੇਂਹ ਅਥਾਈਂ ਭੱਨੇ।

ਜੈਂਦੀਆਂ ਸਭ ਦਿਲ ਕੀਤੀਆਂ ਮੰਨੇ।ਵਸਮ ਸਦਾ ਘਰ ਬਾਰਾਂ।

ਬੰਦੜੇ ਨਾਲ ਨ ਕਰਸੀਂ ਮੰਦੜਾ।ਤੋੜੀਂ ਕੋਝਾ ਕਮਲਾ ਗੰਦੜਾ।

ਲਟਕ ਸੁਹਾਈਂ ਸਿਹਨ ਸੋਹੰਦੜਾ।ਪੌਂ ਪੌਂ ਤੋਂ ਜਿੰਦ ਵਾਰਾਂ।

ਛੋੜ ਫ਼ਰੀਦ ਨ ਯਾਰ ਦਾ ਦਾਮਨ।ਜੈਂ ਜੀ ਕੀਤਾ ਜੁੜ ਕਰ ਕਾਮਨ।

ਡੋਹਾਂ ਜਹਾਨੀਆਂ ਸਾਡਾ ਮਾਮਨ।ਕਿਵੇਂ ਦਿਲੋਂ ਵਸਾਰਾਂ।

tatti ro ro vat niharan.kadin sanval morr muharan.

jain karan sau sakhati jhagi.phiran duhagi des baragi.

jaindi dekhan sanval sagi.thivan bagh baharan.

yar barochal vasim savallarra.jaindi sange manem thallarra.

khan punalarra na kar kalharra.taun sang change charan.

jain denh yar asan ton nikharre.mahindi rup dikhae phakarre.

disade surakhi de rang bikharre.vighariaan kajjal diaan dharan.

mann mann minnatan pir manavan.mula gol taviz likhavan.

sadd sadd josi falan panvan.karadi savvan hazaran.

khavaje pir de desan chhanne.ehe denh athaeen bhanne.

jaindiaan sabh dil kitiaan manne.vasam sada ghar baran.

bandarre nal n karasin mandarra.torrin kojha kamala gandarra.

latak suhaeen sihan sohandarra.paun paun ton jind varan.

chhorr farid n yar da daman.jain ji kita jurr kar kaman.

dohan jahaniaan sada maman.kiven dilon vasaran.