ਰੱਤ ਰੋਦੀਂ ਉਮਰ ਨਭੇਸਾਂ

رتّ رودیں عمر نبھیساں۔ایہو داغ قبر وچّ نیساں۔

لگا تیر جگر وچّ کاری۔تھیا خون اخّیں توں جاری۔

میں مٹّھڑی ڈکّھڑی ماری۔ہے اکیندے سانگ جلیساں۔

اتّھ رہݨ ن ڈیندیاں پیڑاں۔تھئے نیر ہنجھو نکّ سیڑاں۔

ڈینہ رات ڈکّھاں دیاں بھیڑاں۔ہݨ موت دا ملک وسّیساں۔

سڑ سوݨی دی گئی مہندی۔تھئی کنڈڑے سیجھ پھلیندی۔

تتّی قسمت رودھے ڈیندی۔میں مٹّھڑی کیڈے ویساں۔

کھل کھیڈدے وقت وہاݨے۔بٹّھ پہلوں تول وہاݨے۔

بھن ہار ہمیلاں گاہݨے۔بھنّ چوڑا اگّ اڑیساں۔

ہڈّ جالے تتّڑی آہیں۔تن گالے ٹھنڈڑیں ساہی۔

میں ویساں یار دے راہیں۔ونج کچّ فرید مݨیساں۔

ਰੱਤ ਰੋਦੀਂ ਉਮਰ ਨਭੇਸਾਂ।ਇਹੋ ਦਾਗ਼ ਕਬਰ ਵਿੱਚ ਨੇਸਾਂ।

ਲਗਾ ਤੀਰ ਜਗਰ ਵਿੱਚ ਕਾਰੀ।ਥੀਆ ਖ਼ੂਨ ਅੱਖ਼ੀਂ ਤੋਂ ਜਾਰੀ।

ਮੈਂ ਮੁੱਠੜੀ ਡੁੱਖੜੀ ਮਾਰੀ।ਹੈ ਇਕੇਂਦੇ ਸਾਂਗ ਜਲੇਸਾਂ।

ਇੱਥ ਰਹਿਣ ਨ ਡੇਂਦੀਆਂ ਪੀੜਾਂ।ਥੱਏ ਨੀਰ ਹੰਝੂ ਨੱਕ ਸੀੜਾਂ।

ਡੇਂਹ ਰਾਤ ਡੁੱਖਾਂ ਦੀਆਂ ਭੀੜਾਂ।ਹੁਣ ਮੌਤ ਦਾ ਮੁਲਕ ਵੱਸੇਸਾਂ।

ਸੜ ਸਵਣੀ ਦੀ ਗਈ ਮਹਿੰਦੀ।ਥੱਈ ਕੰਡੜੇ ਸੇਝ ਫਲੇਂਦੀ।

ਤੱਤੀ ਕਿਸਮਤ ਰੌਧੇ ਡੇਂਦੀ।ਮੈਂ ਮੁੱਠੜੀ ਕੈਡੇ ਵੇਸਾਂ।

ਖਿਲ ਖੇਡਦੇ ਵਕਤ ਵਿਹਾਣੇ।ਬੱਠ ਪਹਿਲੋਂ ਤੂਲ ਵਿਹਾਣੇ।

ਭਨ ਹਾਰ ਹਮੇਲਾਂ ਗਾਹਣੇ।ਭੱਨ ਚੂੜਾ ਅੱਗ ਅੜੇਸਾਂ।

ਹੱਡ ਜਾਲੇ ਤੱਤੜੀ ਆਹੀਂ।ਤਨ ਗਾਲੇ ਠੰਡੜੀਂ ਸਾਹੀ।

ਮੈਂ ਵੈਸਾਂ ਯਾਰ ਦੇ ਰਾਹੀਂ।ਵੰਜ ਕੱਚ ਫ਼ਰੀਦ ਮਣੇਸਾਂ।

ratt rodin umar nabhesan.iho dagh kabar vicch nesan.

laga tir jagar vicch kari.thiaa khun akkhin ton jari.

main muttharri dukkharri mari.hai ikende sang jalesan.

itth rahin n dendiaan pirran.thaee nir hanjhu nakk sirran.

denh rat dukkhan diaan bhirran.hun maut da mulak vassesan.

sarr savani di gee mahindi.thaeee kandarre sejh phalendi.

tatti kisamat raudhe dendi.main muttharri kaide vesan.

khil khedade vakat vihane.batth pahilon tul vihane.

bhan har hamelan gahane.bhann churra agg arresan.

hadd jale tattarri aahin.tan gale thandarrin sahi.

main vaisan yar de rahin.vanj kacch farid manesan.