ਨੇਂਹ ਅਵਲੜਾ ਔਖਾ ਲਾਇਮ

نینہ اولڑا اوکھا لائم۔سکّ پل پل دی مار مونجھائم۔

پچّھدی ملا بہمن جوسی۔کیڑھا وقت ملݨ دا ہوسی۔

ڈھول اساڈے ویڑھے اوسی۔رنج ہجر دے سخت ستائم۔

روہی وٹھڑی مینگھ ملھاراں۔پوٹے پوٹے تھیاں گلزاراں۔

شالا موڑم دوست مہاراں۔بھاگ سہاگ دی موسم آئم۔

اکھیاں روون دل کورلاوے۔دلّڑی جکھدی تن تڑپھاوے۔

رات ڈیہاں آرام ن آوے۔ڈکّھ ڈہاگ دے بار اٹھائم۔

عشق اویڑا پیش پیو سے۔درد کشالے سیجھ ڈھیوسے۔

مونجھ مونجھاری ہار تپوسے۔سہجوں ڈکھ ڈہاگ سہائم۔

حسن پرستی گھات اساڈی۔گز ہرائک بات اساڈی۔

رمز حقیقی جھات اساڈی۔فکھر جہاں ایہا ریت سکھائم۔

ملسم یار فرید کڈاہیں۔دود دکھاواں کڈّھ کڈّھ آہیں۔

جان جگر تن بھڑکن بھائیں۔سوز پنم دے صاف جلائم۔

ਨੇਂਹ ਅਵਲੜਾ ਔਖਾ ਲਾਇਮ।ਸਿੱਕ ਪਲ ਪਲ ਦੀ ਮਾਰ ਮੁੰਝਾਇਮ।

ਪੁੱਛਦੀ ਮੁਲਾ ਬਹਮਨ ਜੋਸੀ।ਕੇੜ੍ਹਾ ਵਕਤ ਮਿਲਣ ਦਾ ਹੋਸੀ।

ਢੋਲ ਅਸਾਡੇ ਵੇੜ੍ਹੇ ਔਸੀ।ਰੰਜ ਹਿਜਰ ਦੇ ਸਖ਼ਤ ਸਤਾਇਮ।

ਰੋਹੀ ਵੁਠੜੀ ਮੇਂਘ ਮਲ੍ਹਾਰਾਂ।ਪੋਟੇ ਪੋਟੇ ਥੀਆਂ ਗੁਲਜ਼ਾਰਾਂ।

ਸ਼ਾਲਾ ਮੋੜਮ ਦੋਸਤ ਮੁਹਾਰਾਂ।ਭਾਗ ਸੁਹਾਗ ਦੀ ਮੌਸਮ ਆਇਮ।

ਅਖੀਆਂ ਰੋਵਨ ਦਿਲ ਕੂਰਲਾਵੇ।ਦਿੱਲੜੀ ਜੁਖਦੀ ਤਨ ਤੜਫਾਵੇ।

ਰਾਤ ਡੇਹਾਂ ਆਰਾਮ ਨ ਆਵੇ।ਡੁੱਖ ਡੁਹਾਗ ਦੇ ਬਾਰ ਉਠਾਇਮ।

ਇਸ਼ਕ ਅਵੈੜਾ ਪੇਸ਼ ਪਿਉ ਸੇ।ਦਰਦ ਕਸ਼ਾਲੇ ਸੇਝ ਢਿਉਸੇ।

ਮੂੰਝ ਮੁੰਝਾਰੀ ਹਾਰ ਤਪੋਸੇ।ਸਹਿਜੋਂ ਡੁਖ ਡੁਹਾਗ ਸੁਹਾਇਮ।

ਹੁਸਨ ਪਰਸਤੀ ਘਾਤ ਅਸਾਡੀ।ਗਜ਼ ਹਰਾਇਕ ਬਾਤ ਅਸਾਡੀ।

ਰਮਜ਼ ਹਕੀਕੀ ਝਾਤ ਅਸਾਡੀ।ਫ਼ਖਰ ਜਹਾਂ ਏਹਾ ਰੀਤ ਸਖਾਇਮ।

ਮਿਲਸਮ ਯਾਰ ਫ਼ਰੀਦ ਕਡਾਹੀਂ।ਦੂਦ ਦੁਖਾਵਾਂ ਕੱਢ ਕੱਢ ਆਹੀਂ।

ਜਾਨ ਜਿਗਰ ਤਨ ਭੜਕਨ ਭਾਈਂ।ਸੋਜ਼ ਪੁਨਮ ਦੇ ਸਾਫ਼ ਜਲਾਇਮ।

nenh avalarra aukha laim.sikk pal pal di mar munjhaim.

pucchhadi mula bahaman josi.kerrha vakat milan da hosi.

dhol asade verrhe ausi.ranj hijar de sakhat sataim.

rohi vutharri mengh malharan.pote pote thiaan gulazaran.

shala morram dosat muharan.bhag suhag di mausam aaim.

akhiaan rovan dil kuralave.dillarri jukhadi tan tarraphave.

rat dehan aaram n aave.dukkh duhag de bar uthaim.

ishak avairra pesh piu se.darad kashale sejh dhiuse.

munjh munjhari har tapose.sahijon dukh duhag suhaim.

husan parasati ghat asadi.gaz haraik bat asadi.

ramaz hakiki jhat asadi.fakhar jahan eha rit sakhaim.

milasam yar farid kadahin.dud dukhavan kaddh kaddh aahin.

jan jigar tan bharrakan bhaeen.soz punam de saf jalaim.