ਨਾ ਕਰ ਕੇਚ ਵੰਜਣ ਦੀ

نا کر کیچ ونجݨ دی۔رہو بروچل یار۔

عشق لایو سے پٹھڑا۔بھل گیا کل کمّ یار۔

جان جگر وچ ڈکھڑے۔سینے سول ہزار۔

باجھوں مارو مٹّھڑے۔بار ڈسے گھر بار۔

توں بن ہوت پیار۔سیجھ تھئی کل کھار۔

رل مل یار ہمیشہ۔ماݨوں چیتر بہار۔

نینہ نبھاوݨ اوکھا۔اکھیاں زارو زار۔

ڈھول فرید دے کولھوں۔ساری عمر گزار۔

ਨਾ ਕਰ ਕੇਚ ਵੰਜਣ ਦੀ।ਰਹੋ ਬਰੋਚਲ ਯਾਰ।

ਇਸ਼ਕ ਲਾਇਓ ਸੈ ਪੁਠੜਾ।ਭੁਲ ਗਿਆ ਕੁਲ ਕੰਮ ਯਾਰ।

ਜਾਨ ਜਿਗਰ ਵਿਚ ਡੁਖੜੇ।ਸੀਨੇ ਸੂਲ ਹਜ਼ਾਰ।

ਬਾਝੋਂ ਮਾਰੂ ਮਿੱਠੜੇ।ਬਾਰ ਡਿਸੇ ਘਰ ਬਾਰ।

ਤੌਂ ਬਿਨ ਹੋਤ ਪਿਆਰ।ਸੇਝ ਥਈ ਕੁਲ ਖਾਰ।

ਰਲ ਮਿਲ ਯਾਰ ਹਮੇਸ਼ਾ।ਮਾਣੂੰ ਚੇਤਰ ਬਹਾਰ।

ਨੇਂਹ ਨਿਭਾਵਣ ਔਖਾ।ਅਖੀਆਂ ਜ਼ਾਰੋ ਜ਼ਾਰ।

ਢੋਲ ਫ਼ਰੀਦ ਦੇ ਕੋਲ੍ਹੋਂ।ਸਾਰੀ ਉਮਰ ਗੁਜ਼ਾਰ।

na kar kech vanjan di.raho barochal yar.

ishak laio sai putharra.bhul giaa kul kanm yar.

jan jigar vich dukharre.sine sul hazar.

bajhon maru mittharre.bar dise ghar bar.

taun bin hot piaar.sejh thee kul khar.

ral mil yar hamesha.manun chetar bahar.

nenh nibhavan aukha.akhiaan zaro zar.

dhol farid de kolhon.sari umar guzar.