ਨੈਨ ਨਰਾਲੇ ਨੀਰ

نین نرالے نیر۔نکّھڑے نور نظر دے۔

ساڑن سول سریر۔ساگی سوز سکر دے۔

کھتڑے برہوں کٹاری کٹّھڑے۔ناز نہورے نخرے مٹّھڑے۔

چوچک چکمک ویر۔ویری ول ول گھر دے۔

سیجھ سہاگ دی سڑ گئی ساری۔ڈوہڑے ڈکّھ ڈہاگ ڈہاڑی۔

تکّ تکّ مارن تیر۔زہری زور زبر دے۔

پور پنّلڑیدے پل پل دے۔جدڑی جکھدی جیاڑا جلدے۔

پیت پراݨی پیڑ۔ویری درد اندر دے۔

سٹّ کر سجݨ سدھایوں سوہݨا۔ملک ملھیر ملیو من موہݨا۔

چڑھ چڑھ چکدے چیر۔جاری جرہ جگر دے۔

سانگ سونجی نوں سک سانول دی۔منجھ مٹّھی نوں موہ مٹھل دی۔

ہار ہٹّی ہݨ ہیر۔ہوس گئے ہوش ہنر دے۔

نینہ نواں نتّ نالا زاری۔فکر فراک فرید دی یاری۔

رگ رگ روگ دی ریر۔رودیں روح ابر دے۔

ਨੈਨ ਨਰਾਲੇ ਨੀਰ।ਨਿੱਖੜੇ ਨੂਰ ਨਜ਼ਰ ਦੇ।

ਸਾੜਨ ਸੂਲ ਸਰੀਰ।ਸਾਗੀ ਸੋਜ਼ ਸਕਰ ਦੇ।

ਖੁਤੜੇ ਬਿਰਹੋਂ ਕਟਾਰੀ ਕੁੱਠੜੇ।ਨਾਜ਼ ਨਹੋਰੇ ਨਖ਼ਰੇ ਮੁੱਠੜੇ।

ਚੂਚਕ ਚਕਮਕ ਵੀਰ।ਵੈਰੀ ਵਲ ਵਲ ਘਰ ਦੇ।

ਸੇਝ ਸੁਹਾਗ ਦੀ ਸੜ ਗਈ ਸਾਰੀ।ਡੋਹੜੇ ਡੁੱਖ ਡੁਹਾਗ ਡਹਾੜੀ।

ਤੱਕ ਤੱਕ ਮਾਰਨ ਤੀਰ।ਜ਼ਹਿਰੀ ਜ਼ੋਰ ਜ਼ਬਰ ਦੇ।

ਪੋਰ ਪੁੱਨਲੜੇਦੇ ਪਲ ਪਲ ਦੇ।ਜਿਦੜੀ ਜੁਖਦੀ ਜੀਅੜਾ ਜਲਦੇ।

ਪੀਤ ਪੁਰਾਣੀ ਪੀੜ।ਵੈਰੀ ਦਰਦ ਅੰਦਰ ਦੇ।

ਸੱਟ ਕਰ ਸਜਣ ਸਧਾਇਉਂ ਸੋਹਣਾ।ਮੁਲਕ ਮਲ੍ਹੇਰ ਮਿਲਿਉ ਮਨ ਮੋਹਣਾ।

ਚੁੜ੍ਹ ਚੁੜ੍ਹ ਚਕਦੇ ਚੀਰ।ਜਾਰੀ ਜਰਹ ਜਿਗਰ ਦੇ।

ਸਾਂਗ ਸੁੰਜੀ ਨੂੰ ਸਿਕ ਸਾਂਵਲ ਦੀ।ਮੰਝ ਮੁੱਠੀ ਨੂੰ ਮੂਹ ਮਿਠਲ ਦੀ।

ਹਾਰ ਹੁੱਟੀ ਹੁਣ ਹੀਰ।ਹੋਸ ਗਏ ਹੋਸ਼ ਹੁਨਰ ਦੇ।

ਨੇਂਹ ਨਵਾਂ ਨਿੱਤ ਨਾਲਾ ਜ਼ਾਰੀ।ਫ਼ਿਕਰ ਫ਼ਰਾਕ ਫ਼ਰੀਦ ਦੀ ਯਾਰੀ।

ਰਗ ਰਗ ਰੋਗ ਦੀ ਰੀਰ।ਰੋਦੀਂ ਰੂਹ ਉਬਰ ਦੇ।

nain narale nir.nikkharre nur nazar de.

sarran sul sarir.sagi soz sakar de.

khutarre birahon katari kuttharre.naz nahore nakhare muttharre.

chuchak chakamak vir.vairi val val ghar de.

sejh suhag di sarr gee sari.doharre dukkh duhag daharri.

takk takk maran tir.zahiri zor zabar de.

por punnalarrede pal pal de.jidarri jukhadi jiarra jalade.

pit purani pirr.vairi darad andar de.

satt kar sajan sadhaiun sohana.mulak malher miliu man mohana.

churrh churrh chakade chir.jari jarah jigar de.

sang sunji nun sik sanval di.manjh mutthi nun muh mithal di.

har hutti hun hir.hos ge hosh hunar de.

nenh navan nitt nala zari.fikar farak farid di yari.

rag rag rog di rir.rodin ruh ubar de.