ਕੇਚ ਗਿਉਂ ਯਾਰ ਬਰੋਚਲ

کیچ گیوں یار بروچل۔کل نا لدھڑو ساول ول۔

مصری کھنج نباتڑی۔ڈسدیاں زہر ہلاہل۔

گھولے زیور بھا لگے۔بٹھ پئے ڈورے ململ۔

جوبھن جوش جوانڑی۔ناز نہورے گئے گل۔

کپڑے لیر کتیرڑے۔لنگڑی جائی ملجل۔

اکّھیاں کجلوں کالیاں۔پیچی زلپھ ولو ول۔

او دل چوٹ چلاندیاں۔اے تھی پھائی پئے گل۔

ڈٹھم ملک ملھیر ڈوں۔کالے کالے بادل۔

سندھڑے رہن ن ڈیندیاں۔لگڑیاں تاگھا پلپل۔

روہی مینگھ ملھرڑا۔کھمدیاں کھمنیاں اجکل۔

دلڑی صدقی دیس ڈوں۔اکھڑیں ہنجھݨوں بلبل۔

ڈیکھاں باگ بگوچڑے۔جیاڑا جانوم جلبل۔

لاݨے پھوگ فرید دے۔درد دلیندے درمل۔

ਕੇਚ ਗਿਉਂ ਯਾਰ ਬਰੋਚਲ।ਕਲ ਨਾ ਲਧੜੋ ਸਾਵਲ ਵਲ।

ਮਿਸਰੀ ਖੰਜ ਨਬਾਤੜੀ।ਡਿਸਦੀਆਂ ਜ਼ਹਿਰ ਹਲਾਹਲ।

ਘੋਲੇ ਜ਼ੇਵਰ ਭਾ ਲਗੇ।ਬਠ ਪਏ ਡੋਰੇ ਮਲਮਲ।

ਜੋਭਨ ਜੋਸ਼ ਜਵਾਨੜੀ।ਨਾਜ਼ ਨਹੋਰੇ ਗਏ ਗਲ।

ਕਪੜੇ ਲੀਰ ਕਤੀਰੜੇ।ਲਿੰਗੜੀ ਜਾਈ ਮਿਲਜਲ।

ਅੱਖੀਆਂ ਕਜਲੋਂ ਕਾਲੀਆਂ।ਪੇਚੀ ਜ਼ੁਲਫ ਵਲੋ ਵਲ।

ਓ ਦਿਲ ਚੋਟ ਚਲਾਂਦੀਆਂ।ਏ ਥੀ ਫਾਈ ਪਏ ਗਲ।

ਡਿਠਮ ਮਲਕ ਮਲ੍ਹੇਰ ਡੂੰ।ਕਾਲੇ ਕਾਲੇ ਬਾਦਲ।

ਸਿੰਧੜੇ ਰਹਿਨ ਨ ਡੇਂਦੀਆਂ।ਲਗੜੀਆਂ ਤਾਘਾ ਪਲਪਲ।

ਰੋਹੀ ਮੇਂਘ ਮਲ੍ਹਰੜਾ।ਖਮਦੀਆਂ ਖਮਨੀਆਂ ਅਜਕਲ।

ਦਿਲੜੀ ਸਿਦਕੀ ਦੇਸ ਡੂੰ।ਅਖੜੀਂ ਹੰਝਣੂੰ ਬਲਬਲ।

ਡੇਖਾਂ ਬਾਗ ਬਗੋਚੜੇ।ਜੀਅੜਾ ਜਾਨਵਿਮ ਜਲਬਲ।

ਲਾਣੇ ਫੋਗ ਫ਼ਰੀਦ ਦੇ।ਦਰਦ ਦਲੇਂਦੇ ਦਰਮਲ।

kech giun yar barochal.kal na ladharro saval val.

misari khanj nabatarri.disadiaan zahir halahal.

ghole zevar bha lage.bath pe dore malamal.

jobhan josh javanarri.naz nahore ge gal.

kaparre lir katirarre.lingarri jaee milajal.

akkhiaan kajalon kaliaan.pechi zulaph valo val.

o dil chot chalandiaan.e thi phaee pe gal.

ditham malak malher dun.kale kale badal.

sindharre rahin n dendiaan.lagarriaan tagha palapal.

rohi mengh malhararra.khamadiaan khamaniaan ajakal.

dilarri sidaki des dun.akharrin hanjhanun balabal.

dekhan bag bagocharre.jiarra janavim jalabal.

lane phog farid de.darad dalende daramal.