ਕਹੀਂ ਡੁੱਖੜੀ ਲਾਇਮ ਯਾਰੀ

کہیں ڈکّھڑی لائم یاری۔روندی عمر گزارم ساری۔

سوہݨے ہوت بلوچ اویڑے۔ڈاڈھے کیتے سخت نکھیڑے۔

ن سدھ سلام سنیہڑے۔کیڈے ویساں سولاں ماری۔

ایہو راول رانجھݨ ماہی۔کھسّ دلّڑی تھیداں راہی۔

ول کردا بے پرواہی۔واہ ظلم تے بے نر واری۔

مہینوال نہال ن کیتم۔چھڈّ کلڑھی نال ن نیتم۔

بھر جام ڈکھاندا پیتم۔پیش آئی شہر کھواری۔

سر آیا برہوں بکھیڑا۔ڈینہ رات ہمیشہ جھیڑا۔

پیا کھاوݨ آوم ویہڑا۔ڈھولے اصلوں مہز وساری۔

جی جانی کارݨ لوہدا۔غم درد الم نتّ کونہدا۔

گل ہار غماں دا سونہدا۔سر سہرے مونجھ مونجھاری۔

ماہی آن وساوے جھوکاں۔کیوں کرن سیالی ٹوکاں۔

میڈیاں سبز تھیون ول سوکاں۔ونجاں واری لکّھ لکّھ واری۔

سے روگ ہزار کشالے۔تیڈے کارݨ جندڑی جالے۔

تھل مارو پرّبت کالے۔لاچار تتّی ہݨ ہاری۔

جیں دلبر دی دل بر دی۔تینہ باجھ فرید ن سردی۔

جڑ لائس چوٹ اندر دی۔واہ زکھم کللّڑا کاری۔

ਕਹੀਂ ਡੁੱਖੜੀ ਲਾਇਮ ਯਾਰੀ।ਰੋਂਦੀ ਉਮਰ ਗੁਜ਼ਾਰਿਮ ਸਾਰੀ।

ਸੋਹਣੇ ਹੋਤ ਬਲੋਚ ਅਵੈੜੇ।ਡਾਢੇ ਕੀਤੇ ਸਖ਼ਤ ਨਖੇੜੇ।

ਨ ਸੁਧ ਸਲਾਮ ਸਨੇਹੜੇ।ਕੇਡੇ ਵੈਸਾਂ ਸੂਲਾਂ ਮਾਰੀ।

ਏਹੋ ਰਾਵਲ ਰਾਂਝਣ ਮਾਹੀ।ਖੱਸ ਦਿੱਲੜੀ ਥੀਦਾਂ ਰਾਹੀ।

ਵਲ ਕਰਦਾ ਬੇ ਪਰਵਾਹੀ।ਵਾਹ ਜੁਲਮ ਤੇ ਬੇ ਨਰ ਵਾਰੀ।

ਮਹੀਂਵਾਲ ਨਿਹਾਲ ਨ ਕੀਤਮ।ਛੱਡ ਕਲੜ੍ਹੀ ਨਾਲ ਨ ਨੀਤਮ।

ਭਰ ਜਾਮ ਡੁਖਾਂਦਾ ਪੀਤਮ।ਪੇਸ਼ ਆਈ ਸ਼ਹਿਰ ਖਵਾਰੀ।

ਸਰ ਆਇਆ ਬਿਰਹੋਂ ਬਖੇੜਾ।ਡੇਂਹ ਰਾਤ ਹਮੇਸ਼ਾ ਝੇੜਾ।

ਪਿਆ ਖਾਵਣ ਆਵਿਮ ਵੇਹੜਾ।ਢੋਲੇ ਅਸਲੋਂ ਮਹਜ਼ ਵਸਾਰੀ।

ਜੀ ਜਾਨੀ ਕਾਰਣ ਲੋਹਦਾ।ਗ਼ਮ ਦਰਦ ਅਲਮ ਨਿੱਤ ਕੋਂਹਦਾ।

ਗਲ ਹਾਰ ਗ਼ਮਾਂ ਦਾ ਸੋਂਹਦਾ।ਸਰ ਸਿਹਰੇ ਮੂੰਝ ਮੁੰਝਾਰੀ।

ਮਾਹੀ ਆਨ ਵਸਾਵੇ ਝੋਕਾਂ।ਕਿਉਂ ਕਰਨ ਸਿਆਲੀ ਟੋਕਾਂ।

ਮੈਡੀਆਂ ਸਬਜ਼ ਥੀਵਨ ਵਲ ਸੋਕਾਂ।ਵੰਜਾਂ ਵਾਰੀ ਲੱਖ ਲੱਖ ਵਾਰੀ।

ਸੈ ਰੋਗ ਹਜ਼ਾਰ ਕਸ਼ਾਲੇ।ਤੈਡੇ ਕਾਰਣ ਜਿੰਦੜੀ ਜਾਲੇ।

ਥਲ ਮਾਰੂ ਪੱਰਬਤ ਕਾਲੇ।ਲਾਚਾਰ ਤੱਤੀ ਹੁਣ ਹਾਰੀ।

ਜੈਂ ਦਿਲਬਰ ਦੀ ਦਿਲ ਬਰ ਦੀ।ਤੈਂਹ ਬਾਝ ਫ਼ਰੀਦ ਨ ਸਰਦੀ।

ਜੁੜ ਲਾਇਸ ਚੋਟ ਅੰਦਰ ਦੀ।ਵਾਹ ਜ਼ਖਮ ਕੁਲੱਲੜਾ ਕਾਰੀ।

kahin dukkharri laim yari.rondi umar guzarim sari.

sohane hot baloch avairre.dadhe kite sakhat nakherre.

n sudh salam saneharre.kede vaisan sulan mari.

eho raval ranjhan mahi.khass dillarri thidan rahi.

val karada be paravahi.vah julam te be nar vari.

mahinval nihal n kitam.chhadd kalarrhi nal n nitam.

bhar jam dukhanda pitam.pesh aaee shahir khavari.

sar aaiaa birahon bakherra.denh rat hamesha jherra.

piaa khavan aavim veharra.dhole asalon mahaz vasari.

ji jani karan lohada.gham darad alam nitt konhada.

gal har ghaman da sonhada.sar sihare munjh munjhari.

mahi aan vasave jhokan.kiun karan siaali tokan.

maidiaan sabaz thivan val sokan.vanjan vari lakkh lakkh vari.

sai rog hazar kashale.taide karan jindarri jale.

thal maru parrabat kale.lachar tatti hun hari.

jain dilabar di dil bar di.tainh bajh farid n saradi.

jurr lais chot andar di.vah zakham kulallarra kari.